អ្នករស់នៅបានយូរ មានសម្រស់ក្មេងជាងវ័យ និងរាងស្អាត អ្នកត្រូវទម្លាប់ល្អជាប្រចាំថ្ងៃ។ មានទម្លាប់ហាត់ប្រាណដើម្បីពង្រឹងសុខភាពល្អ មានសម្រស់ក្មេងជាងវ័យ និងរបបអាហារបំប៉នផងដែរ។ មានអ្នកខ្លះមុខចាស់ជាងវ័យហើយកើតជំងឺថែមទៀតក៏ព្រោះតែអាហារនេះដែរ។ អាហារចំនួន ៣ឱ្យសម្រស់អ្នកក្មេងជាវ័យ៖
១. តែទឹកឃ្មុំក្រូចឆ្មា៖ យោងតាមប្រភព Lifehack បានឱ្យដឹងថា ការផឹកទឹកក្រូចឆ្មាទឹកឃ្មុំក្ដៅៗមួយកែវពេលព្រឹក គឺជួយជំរុញប្រព័ន្ធភាពស៊ាំនៃរាងកាយឱ្យរឹងមាំ,ជួយលាងសម្អាតជាតិពុលក្នុងក្រពះ ជួយកម្ចាត់ជាតិពុលពីរាងកាយ ជួយផ្ដល់សំណើមដល់ស្បែក ធ្វើឱ្យស្បែកមានភាពភ្លឺរលោង។
២. តែខ្មៅ៖ មានប្រយោជន៍ជួយសុខភាពអ្នកញុំាបានច្រើនណាស់ ជាពិសេសជាងនេះតែជួយឱ្យអ្នកមានអាយុវែង។ តាមប្រភព healthline បានចុះផ្សាយថា មានសិក្សាមួយនៅក្នុងឆ្នាំ២០១៤ មនុស្សចំនួន១១១នាក់ គេបានរកឃើញ ថា តែអ្នកផឹកតែខ្មៅ ប្រមាណ៣ពែកក្នុង១ថ្ងៃ រយៈពេល៣ខែ ឃើញថា ទម្ងន់ស្រកលឿនខុសធម្មតា ចំណែកឯទំហំចង្កេះវិញក៏តូចជាងមុន។
៣. បើយោងតាមការសិក្សាស្រាវជ្រាវនៅ Netmeds បានចុះផ្សាយថា “ទឹកអំពៅមានជាតិប៉ូតាស្យូម និងម៉ាញ៉េស្យូម ដើម្បីជួយពន្លឿនការរំលាយអាហារនិងសារជាតិខ្លាញ់។ ដូចនេះបើអ្នកញ៉ាំខ្លាញ់ច្រើន ទឹកអំពៅនេះនឹងចូលទៅដុតខ្លាញ់នោះកុំឱ្យនៅកកស្ទះក្នុងរាងកាយ។ លើសពីនេះ ការទទួលទានទឹកអំពៅជាប្រចាំ ក៏អាចជួយរក្សាប្រព័ន្ធរំលាយអាហារបានល្អដោយមានវត្តមាននៃប៉ូតាស្យូម ជួយក្នុងការថែរក្សាប្រព័ន្ធភាពស៊ាំឱ្យបានល្អ ដើម្បីការពារការឆ្លងមេរោគក្រពះ និងមានប្រយោជន៍ខ្លាំងណាស់ក្នុងការព្យាបាលបញ្ហាទល់លាមកផងដែរ៕ អត្ថបទដោយ៖ ទ្រ សុភាព