ជាការពិតណាស់ បញ្ហាសក់ជ្រុះកើតមានច្រើនណាស់នាពេលបច្ចុប្បន្ន មិនថាស្រីឬប្រុសទេ តែងជួបប្រទះបញ្ហានេះ។ ជាធម្មតាការជ្រុះមានមូលហេតុច្រើនយ៉ាង មានដូចជាកត្តាស្រ្តេសស អរម៉ូន ខ្វះសារធាតុចិញ្ចឹម ខ្វះវីតាមីន…។

អាស្រ័យហេតុនេះហើយ ក្រុមការងារចាបបៃតង សូមលើកយកប្រេងធម្មជាតិ៣ប្រភេទដែលមានប្រយោជន៍ជួយព្យាបាលសក់ ការពារសក់កុំឱ្យខូច កាត់បន្ថយសក់ជ្រុះបន្ដិចម្ដងៗនេះបើយោងតាមរយៈប្រភព​ .healthshots.com គេបានណែនាំប្រេងធម្មជាតិ៣នេះ ប្រសិនណាអ្នកកំពុងតែមានបញ្ហាសក់ជ្រុះអាចសាកប្រើប្រាស់ប្រេងទាំង៣នេះបាន។ ទោះជាយ៉ាងនេះក្ដីយើងមិនបានណែនាំឱ្យអ្នកនៅតែប្រើប្រេងរហូតពេលមានបញ្ហាសក់ជ្រុះមិនបាត់នោះទេ។ ប្រសិនបើ មានករណីសក់ជ្រុះច្រើនគួរតែប្រញាប់ទៅជួបពេទ្យជំនាញដើម្បីព្យាបាលឱ្យត្រូវចំណុចនិងមានប្រសិទ្ធភាព។ ដើម្បជួយអ្នកចេញពីបញ្ហាសក់ជ្រុះបានរួមទាំងអាចធ្វើឱ្យសក់ដុះល្អ​។

ទី១ប្រេងដូង៖ គឺជាប្រេងមួយប្រភេទចម្រាញ់ចេញដូង វាសម្បូរដោយសារធាតុប្រឆាំងអុកស៊ីតកម្ម ប្រចាំនឹងការរលាក។ អ្នកអាចម៉ាស្សាប្រេងដូងថ្នមៗលើស្បែករបស់អ្នក វាអាចជួយឱ្យស្បែកក្បាលមានសំណើម សក់ដុះល្អ និងជួយការពារកុំឱ្យសក់របស់អ្នកជ្រុះច្រើន។

ទី២ប្រេងអូលីវ៖ ប្រេងបនេះក៏មានប្រយោជន៍ជួយដល់សក់របស់អ្នកដូចគ្នាមិនត្រឹមតែអាចយកទៅធ្វើម្ហូបនោះទេ តែអាចជួយដល់សុខភាពរបស់សក់អ្នកផងដែរ។ ដោយហេតុថាប្រងអូលីវសម្បូរដោយសារធាតុប្រឆាំងអុកស៊ីតកម្ម​ ជួយការពារ និងផ្ដល់សំណើមដល់សក់។ អ្វីដែលពិសេសេជាងនេះប្រេងអូលីវក៏អាចមានសមត្ថភាពជួយកាត់បន្ថយអរម៉ូនដែលបណ្ដាលឱ្យសក់ជ្រុះឡើងមក។ ពិសេសជាងនេះទៅទៀតក៏ល្អសម្រាប់ជួយការពារសក់របស់អ្នកពីកម្ដៅថ្ងៃផងដែរ។

ទី៣ប្រេង Castor oil៖ គឺជាប្រេងមួយដែលមានអត្ថប្រយោជន៍សម្រាប់សុខភាពសក់មិនអន់នោះទេ។ ព្រោះប្រេងនេះសម្បូរដោយអាស៊ីតខ្លាញ់ អាស៊ីតលីណូឡេនិច និងអាស៊ីតអូលីក រួមទាំងសារធាតុរ៉ែ វីតាមីនE។ ដែលមា​នប្រយោជន៍ជួយការពារសក់ស្ងួតនិងបែកចុងជួយឱ្យសក់ដុះលឿនផងដែរ។ ប្រេងនេះក៏មានប្រយោជ៍ជួយដល់សុខភាពរបស់ស្បែកក្បាលផងដែរ៕

អត្ថបទដោយ៖ ធីតា