ពេទ្យប្រាប់ច្បាស់ៗ! កត្តា​ធំបំផុតចំនួន៣ យ៉ាង បង្កជាជំងឺទឹកនោមផ្អែមទាំងវ័យក្មេង

ជំងឺទឹកនោមផ្អែមគឺជា ជំងឺមួយដែលអាចកើតមានឡើងទាំងមនុស្សចាស់និងក្មេង។ជំងឺនេះប្រសិនណាកើតហើយមិនអាចព្យាបាលជាសះស្បើយនោះទេ​ ត្រូវបន្ដរស់នៅជាមួយ១ជីវិត។ ជាពិសេសប្រសិនណាអ្នកធ្លាក់ខ្លួនកើតហើយ អនាគតទៅគ្រួសារបស់អ្នកក៏អាចនឹងប្រឈមកើតទឹកនោមផ្អែមដូចគ្នា។ ដូច្នេះហើយការថែរក្សាសុខភាពរបស់អ្នកកុំឱ្យកើតទឹកនោមផ្អែម​គឺអាចជួយខ្លួនអ្នកនឹងគ្រួសារផងដែរ។

ជាការពិតណាស់​មនុស្សជាច្រើនប្រាកដជាជាខ្លាចរអាជាមួយជំងឺទឹកនោមផ្អែម គ្មាននរណាមួយចង់ប្រទះនោះទេ។ នាពេលបច្ចុប្បន្ននេះមនុស្សជាច្រើន បានព្យាយាមការពារខ្លួនពីជំងឺទឹកនោមផ្អែមជាច្រើន តាមរយៈការបង្កើនការថែរក្សាសុខភាពខ្លួនជាងមុន។

នេះបើតាមរយៈការចែលរំលែករបស់ លោកវេជ្ជបណ្ឌិត នៅ គីមសាន គឺជាគ្រូពេទ្យឯកទេសជំងឺទឹកនោមផ្អែម និងជំងឺទូទៅ ដែលលោកគ្រូគឺស្ថាបនិកផ្ទាល់នៃគ្លីនិក ទឹកនោមផ្អែម អូរប្ញស្សី និងជាសហស្ថាបនិក កម្មវិធីកំណត់ត្រាទឹកនោមផ្អែម App CarnetDia។បានបកស្រាយថាមូលហេតុបង្កជំងឺទឹកនោមផ្អែមឡើងមក(ការញុំាអាហារផ្អែម មិនមែនជាមូលហេតុចម្បងតែមួយគត់ដែលធ្វើឱ្យអ្នកកើតជំងឺទឹកនោមផ្អែមនោះទេ វាគ្រាន់តែជាមូលហេតុ១ក្នុងចំណោមមូលហេតុជាច្រើនដែលអ្នកមិនចាប់អារម្មណ៍)។ វេជ្ជបណ្ឌិតនៅ គីមសាន បានបន្តថា ជំងឺទឹកនោមផ្អែម​នាពេលបច្ចុប្បន្ននេះគឺអាចកើតមានឡើងលើមនុស្សចាស់ រួមទាំងក្មេងផងដែរ ហើយអាចមានលើមនុស្សធាត់ និងស្គមក៏អាចកើតដូចគ្នា។

ចំពោះកត្តាដែលនាំឱ្យកើតជំងឺទឹកនោមផ្អែមគឺមានច្រើនណាស់ដូចជា៖

-​កត្តាគ្រួសារ៖ សម្រាប់អ្នកមានប្រវត្តិគ្រួសារកើតជំងឺទឹកនោមផ្អែម ឬក៏ស្រ្តីពពោះ ញុំាអាហារមិនគ្រប់គ្រាន់ខ្វះជីវជាតិជាហេតុធ្វើឱ្យកូនក្នុងផ្ទៃលូតលាស់មិនល្អ លំពែងខ្សោយពីកំណើត នៅពេលគាត់ធំឡើងញុំាអាហារសម្បូរហូរហៀរជាហេតុធ្វើឱ្យលំពែងសកម្មធ្វើការលើសកំណត់ខុសធម្មតាក៏ប្រឈមកើតទឹកនោមផ្អែមឡើងមក។

កត្តាជីវភាពរស់នៅ៖ មានទម្លាប់រស់នៅស្រួលពេក មិនហាត់ប្រាណ ញុំាអាហារឆ្ងាញ់ៗដែលមិនល្អសម្រាប់រាងកាយ ផឹកស្រាច្រើនជក់បារី ​​គ្រឿងកំប៉ុងជាដើមជាហេតុធ្វើឱ្យអ្នកប្រឈមជំងឺទឹកនោមផ្អែមហើយ។

កត្តាហូបចុកប្រចាំថ្ងៃ៖ លោកវេជ្ជបណ្ឌិត នៅ គីមសាន បានរៀបរាប់ថា របបអាហារដែលមានកាឡូរីខ្ពស់ ជាតិស្ករច្រើន ជាតិម្សៅ រាងកាយនឹងបំលែងទៅជាខ្លាញ់កាន់តែច្រើន។ ប្រសិនណាប្រើប្រាស់មិនអស់ និងធ្វើឱ្យអ្នកធាត់នៅតំបន់ដូចជា ដុះក្បាលពោះ កំភ្លៅ មុខ ដើមដៃ ជាដើម។ កត្តានៃការធាត់នេះហើយជាមូលហេតុ១ធ្វើឱ្យកើតជំងឺទឹកនោមផ្អែម។ លោកវេជ្ជបណ្ឌិតនៅ គីមសានបានពន្យល់ថា មូលហេតុដែលធាត់ធ្វើឱ្យប្រឈមជំងទឺកនោមផ្អែមព្រោះ អាំងស៊ុយលីនធ្វើការមិនល្អ គ្រប់គ្រងជាតិស្ករមិនបានធ្វើឱ្យឡើងជាតិស្ករក្នុងឈាម យូរទៅៗគឺអាចធ្វើឱ្យប្រឈមជំងឺទឹកនោមផ្អែមទាំងមិនដឹងខ្លួន។ ក៏ប៉ុន្ដែករណីញុំាអាហារសម្បូរជាតិស្ករដូចគ្នា តែមានសកម្មភាពរាងកាយ ប្រើប្រាស់ជាតិស្ករអស់ នោះមិនធ្វើឱ្យគាត់ប្រឈមជំងឺទឹកនោមផ្អែមនោះទេ។ ដូច្នេះហើយរបបអាហារមានជាតិស្ករអាចធ្វើឱ្យអ្នកកើតទឹកនោមផ្អែមប្រសិនណាអ្នកប្រើប្រាស់វាមិនអស់ ហើយរបបអាហារមានជាតិស្ករ និងមិនធ្វើឱ្យកើតជំងឺទឹកនោមផ្អែមទេ បើអ្នកប្រើប្រាស់អស់ តាមរយៈហាត់ប្រាណឬក៏សកម្មភាពរាងកាយផ្សេងៗដែលមិនធ្វើឱ្យអ្នកធាត់។

អាស្រ័យហេតុនេះហើយ​ ដើម្បីការពារខ្លួនអ្នកពីជំងឺទឹកនោមផ្អែម ត្រូវចៀសវាងរបបអាហារ និងទម្លាប់រស់ឱ្យមានសុខភាពល្ រក្សាគីឡូឱ្យនៅល្អ កាត់បន្ថយអាហារផ្អែម អាហារខ្លាញ់ ការផឹកស្រាច្រើន ការចជក់បារីជាដើម​។​ មួយវិញទៀតសម្រាប់អ្នកមានប្រវត្តិគ្រួសារកើតជំងឺនេះគូរតែប្រយ័ត្ន និងថែរក្សាសុខភាពទ្វេដង ជាងអ្នកធម្មតា និងត្រូវទៅតាមដានសុខភាពជាមួយគ្រូពេទ្យជំនាញផ្នែកទឹកនោមផ្អែមឱ្យបានត្រឹមត្រូវ ដើម្បីយល់ដឹងពីជំងឺនេះដើម្បីងាយស្រួលការពារទុកមុន។ ប្រសិនបើអ្នកចង់ប្រឹក្សាយោបល់ផ្នែកទឹកនោមផ្អែម អាចទាក់ទង លោកវេជ្ជបណ្ឌិត នៅ គីមសាន គឺជាគ្រូពេទ្យឯកទេសជំងឺទឹកនោមផ្អែម និងជំងឺទូទៅ ដែលលោកគ្រូគឺស្ថាបនិកផ្ទាល់នៃគ្លីនិកទឹកនោមផ្អែម អូរប្ញស្សី និងជាសហស្ថាបនិក កម្មវិធីកំណត់ត្រាទឹកនោមផ្អែម App CarnetDia។

អត្ថបទដោយ៖ ប៉ែត ធីតា