ជំងឺសិរមាន់លើប្រដាប់បន្តពូជ (Genital Warts) ជាទូទៅសំដៅទៅលើប្រភេទនៃជំងឺកាមរោគដែល បណ្តាលមកពីវិរុស HPV (Human Papillomavirus)។ ជំងឺសិរមាន់អាចកើតនៅលើស្បែកគ្រប់ផ្នែក នៃរាងកាយទៅប្រភេទនិមួយៗនៃមេរោគ ប៉ុន្តែកើតនៅលើប្រដាប់ភេទគឺមានសភាពទន់ជាងនៅលើ ផ្នែកផ្សេងៗទៀតនៃរាងកាយ។ ប្រភេទមេរោគ HPV នៅលើប្រដាប់បន្តរពូជ ក្នុងករណីមិនបានធ្វើការ ព្យាបាលបានត្រឹមត្រូវអាចបណ្តលឱ្យមានការផ្លាស់ប្តូរកោសិកាដែលអាចផ្សារភ្ជាប់ទៅនឹងជំងឺមហារីកដូចជា៖

-មហារីកមាត់ស្បូន

-មហារីកយោនី

-មហារីកទ្វាមាស

-មហារីកលិង្គ

-មហារីករន្ធគូថ

-មហារីកបំពង់កផ្នែកខាងក្រោយ

រោគសញ្ញា

- សាច់ដុះតូចៗ មានសភាពរឹង

- ពណ៌ស ឬត្នោត និងមានផ្ទៃគ្រើម

- ចំពោះស្រ្តី ដុះនៅលើបបូរនៃទ្វាមាស ផ្នែកខាងក្នុងនៃទ្វាមាស និងនៅជុំវិញរន្ធគូថ

- ចំពោះបុរស ច្រើនដុះនៅលើលិង្គ ឬដុះនៅលើពងស្វាស និងតំបន់នៃរន្ធគូថ

- ជួនកាលមានសភាពរមាស់ ឈឺ និងក្រហាយ

- ហូរឈាមនៅពេលរួមភេទ 

មូលហេតុនៃការឆ្លងរោគតាមរយៈ៖

- ឆ្លងតាមការរួមភេទជាមួយអ្នកមានជំងឺសិរមាន់ ឫ ផ្ទុកមេរោគ HPV ដោយមិនបានការពារ

- ឆ្លងតាមការបះពាល់ផ្ទាល់លើប្រដាប់ភេទ

- ឆ្លងពីម្តាយទៅកូនក្នុងពេលសំរាល (ចំពោះម្តាយដែលមានជំងឺសិរមាន់)

- ឆ្លងតាមការប៉ះពាល់ផ្ទាល់ លើកំរាលពូក កន្សែងពោះគោ ឡាម ម្ជុល ដែលប្រឡាក់ជាមួយ មេរោគ HPV ។      

កត្តាផលវិបាក នៃជំងឺសិរមាន់

- រំខាន់ដល់ការរួមភេទយ៉ាងខ្លាំង

- ដុះរីករាលដាល់កាន់តែច្រើន

- បង្កើនការឆ្លងជំងឺកាមរោគ

វិធីបង្ការ និងការការពារ៖ ការទទួលថ្នាំបង្ការ និងប្រើស្រោមអនាម័យបានត្រឹមត្រូវក្នុងពេលរួមភេទ អាចកាត់បន្ថយហានិភ័យនៃការឆ្លងវីរុស HPV ។ ទោះបីជាយ៉ាងណាក៏ដោយស្រោមអនាម័យមិនអាច ផ្តល់ការការពារពេញលេញប្រឆាំងនឹងវីរុស HPV បានទេពីព្រោះវីរុស HPV ឆ្លងទៅផ្នែកខ្លះដែល ស្រោមអនាម័យមិនមាន។ ចំណុចសំខាន់ត្រូវរក្សាអនាម័យឱ្យបានទៀងទាត់ ទទួលទានអាហារដែលមានសុខភាពល្អ ហើយគ្រប់គ្រាន់ និងហាត់ប្រាណឱ្យបានទៀងទាត់៕

អត្ថបទដោយ៖ Sem Sotheary