សម្រាប់ទម្លាប់ទីមួយ អ្នកគួរឈប់សេពគ្រឿងស្រវឹងដើម្បីកាត់បន្ថយជាតិពុលក្នុងថ្លើម ព្រោះថា តាមធម្មជាតិថ្លើមរបស់អ្នកមានសមត្ថភាពអាចព្យាបាលឱ្យជាសះស្បើយដោយខ្លួនឯង។ ថ្លើមក៏ត្រូវការពេលវេលាដើម្បីជួសជុលកោសិការខូចម្តងបន្តិចៗ ដែរ។ ពេលអ្នកឈប់ផឹកស្រាត្រឹមតែ ២ទៅ៣ សប្តាហ៍ថ្លើមរបស់អ្នកនឹងស្រស់ជាងមុន។ តាមគេហទំព័ Vnexpress បានចុះផ្សាយថា បើអ្នកមានការរលាកថ្លើម ឬប៉ះពាល់ថ្លើមកម្រិតស្រាល គ្រាន់តែអ្នកឈប់ផឹកស្រារយៈពេល ៧ថ្ងៃ ឬអ្នកឈប់ផឹកស្រា២ទៅ៣ខែលទ្ធភាពជាសះស្បើយកាន់តែលឿន។ ឈប់ផឹកស្រា ឈប់ខូចថ្លើម។

ទម្លាប់មួយទៀតគឺការធ្វើលំហាត់ប្រាណជួយលាងជាតិពុលចេញពីថ្លើមរបស់អ្នកឱ្យមានសុខភាពល្អ។ ព្រោះថា ការធ្វើលំហាត់ប្រាណការពារសាច់ដុំ និងពង្រឹងមុខងារប្រព័ន្ធថ្លើមឱ្យមាំប្រយុទ្ធប្រឆាំងជាមួយមេរោគ កុំឱ្យកើតជំងឺក្រិនថ្លើម។ តាមសមាគមន៍ជំងឺបេះដូងអាមេរិកបានបញ្ជាក់ថា អ្នកធ្វើលំហាត់ប្រាណ ១៥០នាទីក្នុងមួយសប្តាហ៍ដូចជាការដើរ យូហ្គា ការជិះកង់ និងទៅGym លើកទម្ងន់ដើម្បីកាត់បន្ថយជាតិពុលចេញថ្លើមបានល្អបំផុត ឱ្យថ្លើមញញឹមមានសុខភាពល្អ។

មានអាហារមួយចំនួនដើម្បីជួយទ្រទ្រង់មុខងារថ្លើមកាត់បន្ថយជាតិពុល ប៉ុន្តែអ្នកជៀសវាងអាហារមានជាតិប្រៃ ស្ករ ឬខ្លាញ់ខ្ពស់ វាបង្កហានិភ័យដល់ថ្លើម។ អ្នកពិសារទឹកឱ្យច្រើន មានតែ​បៃតង ខ្ទឹមស ក្រូចថ្លុង ផ្លែទំពាំងបាយជូរ ពពួក​បឺរី ត្រី​មាន​ខ្លាញ់​ល្អ និងខ្ញី...នេះជាប្រភេទអាហារមានសមត្ថភាពលាងថ្លើមចេញពីជាតិពុលពីការផឹកស្រាបានល្អបំផុត។ យោងតាមសមាគមអាមេរិចបានបញ្ជាក់ថា សារមាសធាតុវីតាមីន សារធាតុរ៉ែ មានសារធាតុស័ង្កសី សេលេញ៉ូម វីតាមីន B1 B9 D និង E ជាអាហារសម្បូរសារធាតុចិញ្ចឹមថ្លើម។ ជាពិសេសមានទម្លាប់ទៀតអ្នកគួរគេងឱ្យបានគ្រប់គ្រាន់ក្នុងមួយយប់យ៉ាងតិចជាង៧ម៉ោងដែរដើម្បីឱ្យថ្លើមរបស់អ្នកមានសុខភាពល្អ៕ អត្ថបទដោយ៖ ទ្រ សុភាព