បច្ចុប្បន្នមានប្រជាជនខ្មែរជាច្រើនបានប្រឈមមុខក្នុងការកើត និងបានកើតជំងឺខ្សោយតំរងនោមដែលជាបញ្ហាសុខភាពមួយគួឲ្យព្រួយបារម្ភ ។​ ថ្ងៃនេះ Healthy Cambodiaនឹងនាំលោកអ្នកឲ្យបានដឹងពីជំងឺ ខ្សោយតំរងនោម ។ ជំងឺខ្សោយតំរងនោមគឺសំដៅដល់ការចុះខ្សោយបន្តិចម្តងៗនៃមុខងាររបស់តំរងនោម។

ជាធម្មតាតំរងនោមជាសរីរៈមួយដ៏សំខាន់ដែលមានតួនាទីបញ្ចេញសារធាតុពុល អេឡិចត្រូលីតនិងសារធាតុទឹកដែលលើសក្នុងរាងកាយតាមរយៈទឹមនោម ។​

មូលហេតុដែលបណ្តាលឲ្យកើតជំងឺខ្សោយតំរងនោម ៖

តាមការសិក្សាស្រាវជ្រាវ ជំងឺទឹកនោមផ្អែម និងជំងឺលើសសម្ពាធឈាមគឺជាមូលហេតុពីរសំខាន់ដែលធ្វើឲ្យកើតជំងឺខ្សោយតំរងនោម ក្រៅពីនេះ ជំងឺគីសក្នុងតំរងនោម(polycystic kidney disease ) កត្តាតំណពូជក៏ជាមូលហេតុផងដែរនិងកត្តាផ្សេងៗមួយចំនួនទៀត ។

រោគសញ្ញានៃជំងឺខ្សោយតំរងនោម ៖ ក្អួត ចង្អោរ មិនឃ្លានអាហារ ខ្សោយនិងអស់កំលាំងពិបាកគេង(គេងក្រលក់) រមួលសាច់ដុំ ហើមជើង និងតំបន់ភ្នែគោល ឈឺទ្រូង ហត់ពិបាកដកដង្ហើមឡើងសម្ពាធឈាម ស្លេកស្លាំង ។ សញ្ញានិងរោគសញ្ញានៃជំងឺខ្សោយតំរងនោមមានភាពមិនជាក់លាក់នោះទេ ដែលមានន័យថាវាអាចបណ្តាលមកពីជំងឺផ្សេងៗទៀត ករណីនេះការប្រឹក្សាជាមួយគ្រូពេទ្យជំនាញជារឿងចាំបាច់បំផុត។

ការការពារ៖

លោកអ្នកគប្បីមានការប្រុងប្រយ័ត្នចំពោះការប្រើប្រាស់ថ្នាំបំបាត់ការឈឺចាប់ដោយគ្មានវេជ្ជបញ្ជាជាពិសេសពួកក្រុមថ្នាំ Steroid ។ សម្រាប់អ្នកជំងឺ ទឹកនោមផ្អែមនិងអ្នកជំងឺលើសសម្ពាធឈាមលោកអ្នក ត្រូវប្រឹក្សាជាមួយគ្រូពេទ្យជំនាញដើម្បីគ្រប់គ្រងជាតិស្ករនិងសម្ពាធឈាមឲ្យបានត្រឹមត្រូវ ។ ញ៉ាំអាហារដែលជាតិអំបិល និងខ្លាញ់ក្នុងកំរិតទាប

ធ្វើលំហាត់ប្រាណ កុំជក់បារី កាត់បន្ថយការញ៉ាំស្រា -ល- ។

ការព្យាបាល៖ មានវិធីព្យាបាលចំនួនពីរប្រភេទទីមួយអ្នកជំងឺតម្រូវឲ្យព្យាបាលតាមរយៈការលាងឈាម ( Hemodialysis ) និងទីពីរការព្យាបាលតារយៈការផ្លាស់ប្តូរតំរងនោម (kidney Transplant ) ៕

ប្រភព https://www.mayoclinic.org

ប្រែលសម្រួលដោយ ហួ ភារ៉ា​​