ការហាត់ប្រាណមានរបៀបជាច្រើន ដើម្បីកសាងរាងកាយ និងសុខភាពល្អមានដូចជា ការដើរ រត់ ហែល និងទៅក្លឹបហាត់ប្រាណ។​ ការធ្វើលំហាត់ប្រាណដើម្បីសុខភាពដូចគ្នា តែចំពោះរាងកាយ វាមានលក្ខណៈខុសគ្នា។ ថ្ងៃនេះយើងមកដឹងថា ការហាត់ប្រាណបែបស្រាល និងការហាត់ដុំដែកធ្វើឱ្យរាងកាយមានលក្ខណៈខុសគ្នាបែបណាវិញ?

១. ការហាត់ប្រាណបែបរត់ និងដើរ

ការដើរ និងរត់ ជួយឱ្យបេះដូងរបស់យើងលោតបានល្អ និងកាត់បន្ថយអារម្មណ៍ស្រ្តេសផងដែរ។​ តាមទស្សវិទូដ៏ល្បី លោក Friedrich Nietzsche ថា គំនិតអស្ចារ្យទាំងអស់ត្រូវបានបង្កើតឡើងពេលអ្នកកំពុងតែដើរ។ វាបញ្ជាក់ថា​ការដើរ និងរត់ មិនត្រឹមតែជួយដល់សុខភាពទេ ជួយដល់គំនិតផងដែរ។ សម្រាប់អ្នកធាត់ចង់សម្រកគីឡូធ្វើលំហាត់ប្រាណ រត់ និងដើរ ជាលំហាត់់ប្រាណកាត់បន្ថយជាតិខ្លាញ់បានតិច។

២.ការហែងទឹក

ការហែលទឹកជាហាត់ប្រាណមួយ វាជួយឱ្យរាងកាយមានចលនាបានល្អបំផុត។ តាមលោកវេជ្ជបណ្ឌិត I-Min Lee ជាសាស្រ្តាចារ្យផ្នែកវេជ្ជសាស្ត្រនៅសាលា Harvard បានពន្យល់ថា ការហែលទឹក គឺល្អសម្រាប់អ្នកដែលមានជំងឺរលាកសន្លាក់ ពីព្រោះវាមានទម្ងន់តិច ដើម្បីជួយសម្រួលដល់សន្លក់ និងបេះដូងផងដែរ។ សូម្បីជនជាតិអ៊ីស្រាអែលក៏ចូលចិត្តកីឡូហែលទឹកនេះដែរ ពីព្រោះវាជួយដល់រាងកាយ និងអារម្មណ៍មានភាពស្រស់ថ្លា។

៣. ការជិះកង់

មានមនុស្សជាច្រើនបានដឹងថា ការជិះកង់ជួយឱ្យសុខភាពល្អមានដូចជា វាធ្វើឱ្យសរសៃរឈាម សាច់ដុំ និងចង្វាក់បេះដូងរត់ស្រួល ពីព្រោះពេលអ្នកធ្វើចលនាធាក់កង់គ្រប់ផ្នែកនៃរាងកាយមានចលនាបានល្អ។ ចំពោះការសម្រក់ទម្ងន់ជាតិខ្លាញ់ ក៏ជួយអ្នកបានតិចដែរ។ អត្ថបទបន្ថែម៖អ្នកចូលចិត្តជិះកង់ជាប្រចាំ នឹងជួយការពារជំងឺកាចសាហាវមិនឱ្យកើតឡើង

៤. ក្លឹបហាត់ប្រាណ(លើកទម្ងន់ ឬដុំដែក)

គ្រប់លំហាត់ប្រាណអាចជួយអ្នកឱ្យមានសុខភាពល្អដូចជាលំហាត់ប្រាណនៅខាងលើចឹង តែសម្រាប់អ្នកដែលចង់បានរាងស្អាត និងរាងកាយរឹងមាំ អ្នកគួរធ្វើលំហាត់លើកដុំដែក ឬលើកទម្ងន់។ ហេតុអ្វីចំបាច់លើកដុំដែក? តាមលោកគ្រូ សំបូរ នន់ ជាអ្នកកាយវប្បកម្មអាជីក និងជាអ្នកទទួលបានពាក់រង្វាន់នៅអាស៊ាន បានននិយាយថា “គ្រប់លំហាត់ប្រាណជួយឱ្យយើងមានសុខភាពល្អ តែវាមានខុសប្លែកគ្នាចំពោះរាងកាយ សម្រាប់អ្នករត់ម៉ាស៊ីន និងហាត់ស្រាលៗ(ហាត់ប្រាណខាងលើ) វាធ្វើរាងកាយបញ្ចុះជាតិខ្លាញ់តិច ហើយសាច់ក៏បញ្ចុះតាមហ្នឹងដែរ។” យើងអាចឃើញរាងកាយអ្នកខ្លះ​មានសាច់តិច តែមានជាតិខ្លាញ់រច្រើន(មានស្បែកពោះ និងខ្លាញ់)។ តាមលោកគ្រូសំបូរ នន់បានបន្តថា “សម្រាប់អ្នកលើកទម្ងន់ ឬដុំដែក គឺវាដុតជាតិខ្លាញ់ចេញ តែវាកសាងសាច់ដុំឱ្យរឹងមាំ។” យើងអាចមើលអ្នកមានរាងកាយស្អាត និងសាច់ដុំរាងធំៗ ជាអ្នកលើកទម្ងន់។ អត្ថបន្ថែម៖ មកដឹងពី ការហាត់ប្រាណមានផលប៉ះពាល់ដល់ការបន្តពូជរបស់បុរសដែរឬទេ?

បើអ្នកចង់បានរាងកាយរឹងមាំ និងបញ្ចុះខ្លាញ់បានល្អ អ្នកគួរហាត់ប្រាណលើកទម្ងន់។ ចំណែករត់ដើរ និងជិះកង់ វាមិនបានកសាងសាច់ដុំឱ្យរឹងមាំដូចជាការលើកទម្ងន់នោះទេ។ តែការហាត់ប្រាណ វាអាស្រ័យលើអ្នកជ្រើសរើសថា​ អ្នកចង់ហាត់ប្រាណបែបណា។ សុខភាពល្អ ពិតជាមានតម្លៃខ្លាំងណាស់៕

អត្ថបទដោយ៖ ទ្រ សុភាព