បើយោងតាមប្រភពហ្វេសប៊ុកផ្លូវការរបស់ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានសរសេរថា កាសែតបាងកកប៉ុស្តចេញផ្សាយថ្ងៃសៅរ៍ ទី ៦ ឧសភា ២០២៣ បង្ហាញរូបភាពនៃការបើកកីឡាស៊ីហ្កេមទី ៣២ នៅពហុកីឡដ្ឋានមរតកតេជោ នាថ្ងៃទី ៥ ឧសភា ២០២៣ ។ ថៃនិយាយថា នឹងយកអោយបានមេដាយមាស ១៦៤ នៅក្នុងការប្រកួតស៊ីហ្កេមទី ៣២ នេះ។

គួរបញ្ជាក់ថា បើយោងតាមប្រភព Cambodia 2023 បានឱ្យដឹងបន្ថែមទៀតថា កម្មវិធីប្រកួតសម្រាប់ថ្ងៃទី០៦ ខែឧសភា ឆ្នាំ២០២៣ នៃព្រឹត្តិការណ៍កីឡាស៊ីហ្គេម លើកទី៣២ មានដល់ទៅ ២៥ប្រភេទកីឡា។ សម្រាប់កម្មវិធីលម្អិត សូមចូលទៅកាន់វិបសាយរបស់យើង : https://games.cambodia2023.com/

នៅក្នុងនេះដែរ គិតត្រឹមព្រឹកថ្ងៃទី០៦ ខែឧសភា ឆ្នាំ២០២៣នេះ កម្ពុជានៅដែលឈរលើតារាងដែលទទួលបានមេដាយមាសចំនួន០៥ មេដាយប្រាក់០៤។ រីឯប្រទេសហ្វីលីពីនទទួលបានមេដាយមាសចំនួន០២ មេដាយប្រាក់ចំនួ០២ និងមេដាយសម្រិត។ ចំណែកឯប្រទេសថៃទទួលបានមេដាយមាសចំនួន០១ មេដាយប្រាក់ចំនួន០១ និងមេដាយសម្រិតចំនួន០១។ ហើយប្រទេសឡាវទទួលបានមេដាយមាសចំនួន០១។