នៅក្នុងសារធាតុចំនួន ៨នោះ មានសារធាតុចំនួន ៧ថ្មីដែលគេបានរកឃើញមានឈ្មោះដូចជាសារធាតុ eriodictyl, សារធាតុ hesperetin, សារធាតុ ADMF, សារធាតុ DAME, សារធាតុ hernandulcine, សារធាតុ 4B-hydroxyhernandulcine និងសារធាតុ perillaldehyde ។ តាមក្រុមអ្នកស្រាវជ្រាវនៅសាកលវិទ្យាល័យ Florida បានបញ្ជាក់បន្ថែមថា ពួកគេបានរកឃើញសមាសធាតុទាំងប្រាំពីរខាងលើនេះ បន្ទាប់ពីការធ្វើតេស្តលើក្រូចថ្លុង ក្រូចឃ្វិច និងក្រូចផ្អែម (sweet oranges)។

តាមលោកស្រីវេជ្ជបណ្ឌិត Yu Wang ជាអ្នកវិទ្យាសាស្ត្រផ្នែកចំណីអាហារបានដឹកនាំការស្រាវជ្រាវនេះបានប្រាប់កាសែត Telegrafi ថា ផ្លែក្រូចនេះមានជាតិផ្អែមបែបធម្មជាតិ មានជាតិសរសៃរជា "ឱកាសដ៏ប្រសើរ" ដើម្បីបន្ថយកម្រិតជាតិស្ករនៅក្នុងភេសជ្ជៈផ្សេងៗ ដើម្បីបន្ថយការសម្រកគីឡូនិងជំងឺទឹកនោមផ្អែម។ ការហូបផ្លែក្រូចស្រស់ទៀងទាត់ជួយបង្ការជំងឺតម្រងនោម ហើយកាត់បន្ថយការប្រឈមនឹងការផ្តុំជាតិកាល់ស្យូមជាហេតុបង្កឱ្យកើតបញ្ហាគ្រួសក្នុងតម្រងនោម។ ជាពិសេសនៅក្នុងផ្លែក្រូចមានជាតិ​ដែក មាន​វីតាមីន B6 ​ជួយ​ឱ្យមាន​ការផលិត​អេ​ម៉ូ​គ្លូ​បី​ន និង​បង្កើន​សមត្ថភាព​ដល់​ការដឹកនាំ​អុក​ស៊ីន​កាន់តែច្រើនជួយ​សម្អាតជាតិពុលក្នុងសរសៃ​ឈាម​បាន​យ៉ាង​ល្អ​។​​

ចំណុចពិសេសមួយទៀតការហូបផ្លែក្រូច និងផឹកទឹកក្រូចក្រឡុក មានអត្ថប្រយោជន៍ខុសគ្នាឆ្ងាយ។ បើផឹកទឹកក្រូចក្រឡុកច្រើននាំឱ្យជាតិស្ករកើនឡើងក្នុងខ្លួនរបស់អ្នក(អ្នកចង់ផឹកបន្ត)។ ពេលអ្នកហូបផ្លែក្រូចបកពីសំបកមានគុណប្រយោជន៍ជួយដល់សុខភាពព្រោះវាជួយឱ្យអារម្មណ៍ហូបទៅឆាប់ឆ្អែត(អ្នកហូបផ្លែក្រូចពីរនិងបីផ្លែមានអារម្មណ៍ឆ្អែតហើយ)។ ព្រោះវាមានជាតិសរសៃ មានជាតិ​វីតាមីន C និងមាន​ផ្ទុក​នៅ​សារធាតុ​ប្រឆាំង​អុកស៊ីតកម្ម Polyphenols ជួយ​ការពារ​កោសិកា​ពី​ការ​ខូចខាត​ពី​រ៉ា​ឌី​កាល់​សេរីបានយ៉ាងល្អបំផុត​​៕ អត្ថបទដោយ៖ ទ្រ សុភាព