ទុរេន ត្រូវបានគេស្គាល់ថាជាស្ដេចផ្លែលើ និងមានការពេញនិយមយ៉ាងខ្លាំងនៅក្នុងប្រទេសអាស៊ីអាគ្នេយ៍។ ផ្លែឈើមួយប្រភេទនេះ មានភាពទាក់ទាញនិងល្បីល្បាញដោយសារតែក្លិនខ្លាំងរបស់វា ខណៈអ្នកខ្លះចូលចិត្ត និងអ្នកខ្លះទៀត គិតថាវាមានក្លិនស្អុយ។ យ៉ាងណាមិញ ផ្លែឈើទាំងអស់មិនមែនសុទ្ធតែល្អសម្រាប់សុខភាពទេ ហើយបរិមាណផ្លែឈើដែលទទួលទានជារៀងរាល់ថ្ងៃ យើងគួរតែកំណត់ក្នុងកម្រិតសមស្របមួយ។
យោងតាមវេបសាយសុខភាព Healthline បានឱ្យដឹងថា ការទទួលទានទុរេនច្រើនពេក អាចបណ្តាលឱ្យមានបញ្ហារំលាយអាហារ និងឡើងទម្ងន់។ វាក៏អាចធ្វើឱ្យស្ថានភាពកាន់តែអាក្រក់ទៅៗ ដូចជាជំងឺទឹកនោមផ្អែម និងជំងឺតម្រងនោមផងដែរ។ ចំពោះគុណវិបត្តិរួមមាន៖
១. បញ្ហារំលាយអាហារ៖ ឈឺពោះ មិនស្រួលក្នុងពោះ ហើមពោះ និងរាគ។
២. ការឡើងទម្ងន់៖ ទុរេនមានកាឡូរីខ្ពស់ ខ្លាញ់ និងកាបូអ៊ីដ្រាត។ ហេតុនេះ ការទទួលទានទុរេនច្រើនពេកអាចធ្វើឱ្យយើងឡើងទម្ងន់បាន។
៣. ហានិភ័យសម្រាប់អ្នកជំងឺទឹកនោមផ្អែម៖ ទុរេនមានជាតិស្ករខ្ពស់ ហើយអាចប៉ះពាល់ដល់កម្រិតជាតិស្ករក្នុងឈាម។
៤. ហានិភ័យសម្រាប់អ្នកជំងឺតម្រងនោម៖ ទុរេនសម្បូរប៉ូតាស្យូម ដែលអាចបង្កើតក្នុងឈាម។ នេះអាចនាំឱ្យមាន hyperkalemia ដែលជាលក្ខខណ្ឌគំរាមកំហែងដល់អាយុជីវិត អាចបណ្តាលឱ្យគាំងបេះដូងឬស្លាប់។
៥. ស្ទះសរសៃឈាម និងដាច់សរសៃឈាមខួរក្បាល៖ ទុរេនមានជាតិកាបូអ៊ីដ្រាត និងខ្លាញ់ខ្ពស់ ដែលអាចនាំឱ្យស្ទះសរសៃឈាម និងដាច់សរសៃឈាមខួរក្បាលក្នុងករណីធ្ងន់ធ្ងរ។
៦. ឈឺបំពង់ក៖ ទុរេនត្រូវបានគេស្គាល់ថាជាផ្លែឈើ ក្ដៅ។ នៅពេលទទួលទានច្រើនពេក នោះបំពង់កនឹងស្ងួត និងស្អក៕