កញ្ញា យ៉ាង ស៊ូប៊ីន (Yang Soo Bin)ជាតារាដែលមានភាពល្បីល្បាញលើបណ្តាញសង្គម Facebook និង You Tube ខាងហូបចំណីអាហារ រហូតនាងគីឡូ ១៣១ គីឡូ ព្រោះតែបញ្ហាធាត់ពេកបណ្តាលឱ្យកើតជំងឺមហារីត្រង់បំពងក។ ហើយការសម្រកគីឡូនាងបានបរាជ័យរហូតអស់ទឹកចិត្ត ឈប់ម្តងហើយម្តង។ ហេតុអ្វីកញ្ញា ស៊ូប៊ីន អាចសម្រកគីឡូបាន? នាងបានប្រាប់ថា “បើអ្នកបន្តធ្វើអ្វីមួយឱ្យមានភាពជាប់លាប់ចំពោះខ្លួនឯង វានឹងបង្កើតឱ្យអ្នកមានទំនុកចិត្តនិងមានតម្លៃផ្នែកអារម្មណ៍ចំពោះខ្លួនឯង។ ពេលអ្នកបន្តធ្វើបែបនេះ ទំនុកចិត្តលើខ្លួនឯងចេះកើនឡើង។ ខ្ញុំបានបរាជ័យក្នុងការសម្រកគីឡូច្រើនម្តង ព្រោះតែខ្ញុំគ្មានគោលដៅរឹងមាំ ម្តងធ្វើ ម្តងអត់។ ពេលខ្ញុំដាក់គោលដៅលើខ្លួនឯង ដើម្បីសម្រកគីឡូ ខ្ញុំបានព្យាយាមធ្វើរឿងតូចតាចក៏ខ្ញុំធ្វើវាដែរ ពេលខ្ញុំសម្រកគីឡូមានលទ្ធផល ខ្ញុំកាន់តែបន្តធ្វើវា ហើយខ្ញុំសប្បាយចិត្តពីការខំប្រឹងនេះ។ ខ្ញុំជឿជាក់ថា យើងទាំងអស់គ្នាអាចធ្វើបាន រាល់កិច្ចការអ្នកជឿជាក់។ ទោះបីយើង ដើរយឺតៗ ក៏ដោយ កុំឈប់ឱ្យសោះ។” នេះជាពាក្យសម្តីរបស់កញ្ញាយ៉ាង ស៊ូប៊ីន បានប្រាប់ថា ចង់សម្រកគីឡូកុំឱ្យចិត្តត្រឹមតែចង់ អ្នកព្យាយាមសម្រកគីឡូរហូតដល់មានលទ្ធផល អ្នកនឹងពេញចិត្តចំពោះខ្លួនឯង”។

ការធាត់បែបនេះ វាធ្វើឱ្យអារម្មណ៍នាងមិនល្អទេ។ នាងមានគោលដៅចង់បានរាងស្អាត តែវាមិនងាយស្រួលទេ នាងបានចំណាយពេលវេលាហាត់ប្រាណ តមអាហារ និងញ៉ាំអាហារល្មមៗ ត្រឹមតែ​ ៨០%នៃក្រពះតែប៉ុណ្ណោះ។ បើអ្នកចង់សម្រកគីឡូ អ្នកត្រូវតែហាត់ប្រាណ និងស៊ូទ្រាំនឹងរបបអាហារ កុំហូបអាហារមានជាតិខ្លាញ់ មានជាតិស្ករច្រើនលើសកម្រិតពេក។ ពេលអ្នកកាត់បន្ថយអាហារបែបនេះ ជាតិខ្លាញ់របស់អ្នកស្រកជាមិនខានឡើយ។

ជាពិសេសនាងចំអិនអាហារដោយខ្លួនឯង ហើយបានប្រកាន់ខ្ជាប់ខ្ជនតាមទម្លាប់ដូចជា កំណត់ម្សៅ ហូបបន្លែបៃតងដែលសម្បូរជាតិប្រូតេអ៊ីន​ មានគ្រប់ល្ង មានផ្លែប័រ និងផ្លែឈើផ្សេងៗ ជាច្រើនមុខទៀត។ មុខម្ហូបរបស់នាងច្រើនមាន​ត្រី ពងមាន់ សាច់មាន់គ្មានជាតិខ្លាញ់ ផ្សិត និងខ្ទឹមបារាំង។ ការសម្រេសជោគជ័យដ៏ធំរបស់កញ្ញាយ៉ាង ស៊ូប៊ីននេះ គឺនាងបានសម្រកគីឡូពីមនុស្សធាត់ ប្រែក្លាយជាមនុស្សមានរាងស្អាត ព្រោះតែនាងអាចសម្រកគីឡូបាន ៤៤ គីឡូប្រើរយៈពេល ៥០០ ថ្ងៃ។ ព្រោះតែនាងចាប់ផ្តើមម្តងបន្តិច ៗ ជាប្រចាំថ្ងៃ រហូតសម្រេចបានភាពជោគជ័យដល់ពេលនេះ។ ហើយនាងមិនបរិភោអាហារពេលយប់នោះទេ។ អ្នកឃើញទេ! ពេលអ្នកប្រកាន់គោលការណ៍បែបនេះ អ្នកនឹងមានកម្លាំងចិត្តសម្រកគីឡូ ហើយមានសុខភាពរឹងមាំថែមទៀត៕ អត្ថបទដោយ៖ ទ្រ សុភាព