ហើយក្នុងលក្ខខណ្ឌប្រសិនណាបើពួកគាត់មានទម្លាប់ញុំាទឹកតិចជាប្រចាំថ្ងៃបន្ថែមទៀតនោះ ពួកគាត់ងាយនឹងត្រូវប្រឈមមុខជាមួយនឹងបញ្ហាសុខភាពផ្សេងៗរួមមាន៖

១. ជាតិខ្លាញ់នឹងនៅកកកុញ៖ ទឹកមានអត្ថប្រយោជន៍នៅក្នុងការបំបែកនូវសារជាតិខ្លាញ់លើសក្នុងកោសិការាងកាយ។ ហេតុនេះ ប្រសិនណាបើអ្នកលើសគីឡូមិនញុំាទឹកបានគ្រប់គ្រាន់ ឬញុំាទឹកតិចជាប្រចាំថ្ងៃ ខ្លាញ់ក្នុងរាងកាយរបស់គាត់នឹងមិនត្រូវបានកម្ចាត់ចេញឡើយ។

២. កើនឡើងជាតិពុល៖ ទឹកមានសមត្ថភាពពិសេសក្នុងការជួយបន្សាបជាតិពុលនៅគ្រប់ផ្នែកនៃកោសិការាងកាយ បណ្តេញមកក្រៅតាមរយៈការបន្ទោរបង់។ ដូច្នេះ ប្រសិនអ្នកលើសទម្ងន់មិនព្រមញុំាទឹកគ្រប់គ្រាន់ ដោយជ្រើសយកភេសជ្ជៈផ្សេងៗមកផឹកជំនួសជាពិសេសគ្រឿងស្រវឹង នោះរាងកាយរបស់គាត់នឹងត្រូវកើនឡើងជាតិពុលលឿនខ្លាំង ជះផលអាក្រក់ធ្វើឱ្យកោសិការាងកាយតាមផ្នែកងាយប្រឈមនឹងបញ្ហារលាក។

៣. កើនឡើងជាតិស្ករក្នុងឈាម៖ អ្នកលើសទម្ងន់ច្រើនតែនិយមញុំាប្រភេទភេសជ្ជៈផ្អែមៗជំនួសឱ្យទឹក ធ្វើឱ្យរាងកាយប្រឈមមុខធំបំផុតជាមួយនឹងការកើតឡើងជាជាតិស្ករក្នុងឈាម ដោយនេះជាដើមហេតុធ្វើឱ្យប្រឈមមុខនឹងការកើតជំងឺទឹកនោមផ្អែមប្រភេទទី២។

៤. ទល់លាមកជាប្រចាំ៖ អ្នកលើសទម្ងន់ផឹកទឹកតិច ងាយកើតបញ្ហាចម្បង១ទៀត គឺទល់លាមកជាប្រចាំថ្ងៃ ពិបាកបត់ជើងដោយសារតែ រាងកាយខ្វះជាតិទឹក ប្រព័ន្ធរំលាយអាហារដំណើរការមិនល្អ ពោះវៀនធ្លាក់ខ្សោយមុខងារ។

៥. ធ្លាក់ខ្សោយប្រព័ន្ធភាពសុំារាងកាយ៖ ញុំាទឹកមិនគ្រប់រាងកាយងាយប្រឈមមុខនឹងបញ្ហាធ្លាក់ខ្សោយមុខងារខ្លាំងណាស់​។ នេះ កើតមានដោយសារតែកត្តាខ្វះជាតិទឹកក្នុងកោសិកា គ្រប់ផ្នែកនៃកោសិកាដំណើរមិនបានល្អ ធ្វើឱ្យអ្នកលើសទម្ងន់ដែលផឹកទឹកតិចច្រើនតែរអ៊ូថា ខ្លួនខ្សោយជាប្រចាំ៕