មនុស្សជាច្រើនចូលចិត្តផឹកកាហ្វេនៅពេលព្រឹកដើម្បីបង្កើនថាមពល និងការគិតបានរហ័ស។ បើអ្នកផឹកកាហ្វេច្រើនចាប់ពី៤ទៅ៧កែវ វាប៉ះពាល់ដល់សុខភាពខ្លាំង។ អ្នកគួរទទួលទានជាតិកាហ្វេអ៊ីន ២កែវក្នុងមួយថ្ងៃបានហើយ។ អ្នកត្រូវដឹងថា ផឹកកាហ្វេខ្មៅដាក់ស្ករ៣០% ១០% និងអត់ស្ករគឺល្អសុខភាពបំផុត។ នេះជាប្រភេទកាហ្វេខ្មៅផឹកពេលព្រឹក ជួយការពារជំងឺ ៩មុខ។ តើមានជំងឺអ្វីខ្លះ?
១. កាហ្វេខ្មៅមួយកែវពេលព្រឹកអាចជួយបង្កើនថាមពលស្មារតីរបស់អ្នក គិតបានលឿន ចិត្តរីករាយ។ កាហ្វេខ្មៅជួយកម្ចាត់ស្រ្តេស ដុតអារម្មណ៍រីករាយ។
២. កាហ្វេខ្មៅជួយបង្កើនល្បឿនការរំលាយអាហារ បំបាត់ការហើមពោះ និងកែលម្អការទល់លាមក។
៣. ការផឹកកាហ្វេខ្មៅជួយដុតបំផ្លាញជាតិខ្លាញ់ព្រោះវាមានបរិមាណកាឡូរីទាប។
៤. កាហ្វេខ្មៅសម្បូរសារធាតុ polyphenols ជាសារធាតុប្រឆាំងអុកស៊ីតកម្មជាមួយនឹងឥទ្ធិពលប្រឆាំងនឹងការរលាកដ៏ខ្លាំងក្លា។
៥.កាហ្វេខ្មៅជួយការពារជំងឺមហារីកមាត់ មហារីកក្រពេញប្រូស្តាត មហារីកថ្លើម និងមហារីកពោះវៀនធំ។
៦. កាហ្វេខ្មៅជួយកាត់បន្ថយហានិភ័យជំងឺក្រិនថ្លើមមកពីជាតិអាល់កុលរហូតដល់ ៨០%។
៧.កាហ្វេខ្មៅជួយបង្កើនពង្រឹងប្រព័ន្ធប្រសាទខួរក្បាលដំណើរការបានល្អ។ ហើយវាជួយបន្ថយហានិភ័យជំងឺស្វិតខួរក្បាលនិងជំងឺវង្វេងដោយប្រហែល ៦៥% ចំពោះមនុស្សវ័យកណ្តាល។
៨. ផឹកកាហ្វេខ្មៅ១កែវជាប្រចាំថ្ងៃជួយអ្នកបន្ថយហានិភ័យជំងឺញ័រដៃបានរហូត ៣២ទៅ៦០% ។
៩. ផឹកកាហ្វេក្តៅ(អត់ដាក់ស្ករកែច្នៃ)យ៉ាងហោចណាស់មួយពែងក្នុងមួយថ្ងៃជួយកាត់បន្ថយហានិភ័យរបួសតម្រងនោមកាន់តែប្រសើរឡើង៕ អត្ថបទដោយ៖ ទ្រ សុភាព