មាន​ព័ត៌មានខ្លះនិយាយថា​ស្ត្រី​មិន​គួរ​ញ៉ាំ​សណ្តែកសៀង​ទេ វា​អាច​បង្ក​ជា​មហារីក​សុដន់បាន​។ តើនេះជាការពិតទេ? បើយោងតាមគេហទំព័រសុខភាព Vnexpress បានចុះផ្សាយថា ការញ៉ាំសណ្តែកសៀងមិនបង្កើនហានិភ័យនៃជំងឺមហារីកសុដន់នោះទេ។ ការសិក្សាលើស្ត្រីជនជាតិចិនជាង ៧៣.០០០នាក់បានបោះពុម្ពផ្សាយនៅវេជ្ជសាស្ត្រជាតិរបស់សហរដ្ឋអាមេរិកបានរកឃើញថា អ្នកញ៉ាំប្រូតេអ៊ីនពីសណ្តែកសៀងយ៉ាងហោចណាស់ ១៣ក្រាមក្នុងមួយថ្ងៃមានហានិភ័យ ១១%នៃជំងឺមហារីកសុដន់តិចជាងអ្នកញ៉ាំតិចជាង ៥ក្រាម។ ព្រោះសណ្តែកសៀងសម្បូរទៅដោយប្រូតេអ៊ីនមានសុខភាពល្អ មានជាតិសរសៃ និងវីតាមីនផ្តល់អត្ថប្រយោជន៍ជាច្រើនដល់ប្រព័ន្ធការពារសុខភាព និងកាត់បន្ថយកូឡេស្តេរ៉ុល។

យោងតាមគេហទំព័រសុខភាព National L ibrary of Health បានចុះផ្សាយថា អ្នកហូបសណ្តែកមានហានិភ័យតិចចំពោះជំងឺមហារីក និងជំងឺរ៉ាំរ៉ៃ ដែលត្រូវគេដឹងថា វាមានសមាសធាតុ phenolics peptides និង phytochemicals ដែលមានអត្ថប្រយោជន៍ពង្រឹងសុខភាពកាត់បន្ថយហានិភ័យនៃការស្លាប់មុនអាយុ និងមហារីកពោះវៀនធំ”។ ព្រោះជាតិសណ្តែកមានសារធាតុសេលេល្យ៉ូម Selenium ដែលដើរ​តួនាទី​ក្នុង​មុខងារ​អង់ហ្សីមក្នុង​ថ្លើម និង​ជួយ​កម្ចាត់​សារធាតុ​បង្ក​ជំងឺ​មហារីក​ក្នុង​រាងកាយ។ មិនត្រឹមតែប៉ុណ្ណោះទេ សារធាតុ​នេះ​ក៏​អាច​បង្ការ​ការ​រលាក និងជួយរឹងមាំ។ ចំណែក​ឯ​ជាតិ​សរសៃ​វិញ​អាច​កាត់បន្ថយ​ហានិភ័យ​ជំងឺ​មហារីក​ពោះវៀន​ធំយ៉ាងល្អ។

ដូច្នេះហើយ! ការញ៉ាំគ្រាប់ធញ្ញជាតិនេះជាផ្នែកមួយជួយកាត់បន្ថយជំងឺមហារីកសុដន់ និងមហារីកពោះវៀនធំ។ យកល្អអ្នកគួរហូបសណ្តែកលាយជាមួយបាយ និងហូបសម្រន់ក្រពះបានហើយ(កុំហូបច្រើនពេកអាចក្តៅខ្លួន)។ អ្នកគួរបញ្ចូលទម្លាប់ហាត់ប្រាណ គេងឱ្យគ្រប់គ្រាន់ និងផឹកទឹកឱ្យបានគ្រប់គ្រាន់ជារឿងល្ធបំផុតសម្រាប់សុខភាព៕ អត្ថបទដោយ៖ ទ្រ សុភាព