ការរស់នៅគ្មានវិន័យមានបញ្ហាសុខភាពនិងជំងឺដាក់ខ្លួនតែប៉ុណ្ណោះ។ ព្រោះអ្វី? អ្នកហូបអាហារតាមចិត្តចង់ មានប្រៃផ្អែមលើសកម្រិតនោះឯង។ ហើយគ្មានទម្លាប់ហាត់ប្រាណ គ្មានទម្លាប់ថែផ្លូវចិត្ត រស់នៅគ្មានក្តីសុខទេ។ បើអ្នកចង់រស់នៅមានក្តីរីករាយ មានគុណភាពជីវិត អ្នកត្រូវតែធ្វើរឿង ៣នេះ។ សម្រាប់រឿងទីមួយគឺសុខភាពរាងកាយមាំ សុខទាំងកាយសុខទាំងចិត្ត។
បើរាងកាយអ្នកមានបញ្ហា ផ្នែកផ្សេងៗដូចជាអារម្មណ៍ គំនិត វាក៏មិនសុខដែរ។ ការធ្វើលំហាត់ប្រាណជារឿងល្អបំផុតសម្រាប់ពង្រឹងរាងកាយនាំសុខដាក់ចិត្ត។ តាមលោក Robin Sharma ជាអ្នកចិត្តសាស្រ្តជាអ្នកនិពន្ធបានលើកឡើងថាទម្លាប់ហាត់ប្រាណពេលព្រឹកឬពេលល្ងាចជួយបង្កើតថាមពលចិត្តរីករាយ ព្រោះវាបានបញ្ចេញអរម៉ូន endorphins(បន្ថយការតានតឹង និងការឈឺចាប់) ហើអ្នកនឹងមានអារម្មណ៍អស្ចារ្យជាមិនខានឡើយ។
ពេលខ្លះលោក Robin Sharma ហាត់ប្រាណម៉ាស៊ីន និងចំណាយពេលខ្លះសម្រាកជាមួយធម្មជាតិ ដើម្បីឱ្យចិត្តគំនិតខ្លាំងក្លាជាងមុន។ គាត់ចូលចិត្តជិះកង់ឡើងលើភ្នំកាត់ធម្មជាតិ។ គាត់ជាមនុស្សធ្វើលំហាត់ប្រាណជាប្រចាំថ្ងៃ ដើម្បីថែអារម្មណ៍ស្ងប់និងខួរក្បាលរបស់គាត់អាចគិតបានល្អពេញមួយថ្ងៃ។ ហើយសម្រាប់ទម្លាប់ទី២ ដល់វេនសុខភាពផ្លូវចិត្តនេះឯង។
អ្នកគ្មានផ្លូវចិត្តរឹងមាំទេនាំឱ្យរាងកាយមិនស្រួលខ្លួនដែរ។ ពេលអ្នករក្សាផ្លូវចិត្តឱ្យរឹងមាំមានដូចជា ការហាត់ប្រាណ សមាធិចំនួន ១០ នាទីក្នុមួយថ្ងៃ អានសៀវភៅបាន២០ ទៅ៣០ នាទី និងគិតវិជ្ជមានឱ្យច្រើន។ លោក Sharma តែងមានទម្លាប់ទាំងនេះជាប្រចាំថ្ងៃ នាំឱ្យគាត់រស់នៅមានសុភមង្គលមានក្តីរីករាយនេះឯង។ សម្រាប់ទម្លាប់ទីបីវិញនោះគឺការគិតវ្ជ្ជមាននាំគុណតម្លៃដល់ជីវិត។
ជីវិតមនុស្សដែលមានគុណតម្លៃ ជាជីវិតដើម្បីជួយ និងមានការចែករំលែងដល់អ្នកដទៃផងដែរ។ ការធ្វើទង្វើល្អបែបនេះនាំសុខដាក់ផ្លូវចិត្តណាស់។ អ្នកត្រូវគិតថា ជីវិតអ្នកអាចជួយអ្វីបានខ្លះសម្រាប់អ្នកដទៃនោះ ដើម្បីបង្កើតគុណតម្លៃ។ ជាប្រចាំថ្ងៃលោក Robin Sharma តែងតែមានសំនួរថា “ តើជីវិតរបស់ខ្ញុំមានបេសកកម្មធ្វើអ្វី? ជាសំនួរសម្រាប់សួរខ្លួនឯង ដើម្បីរកឃើញគោលបំណងជីវិតហើយលោកបាននិយាយថា “ គោលបំណងនៃជីវិត អ្នកត្រូវមានគោលបំណងជួយអ្នកដទៃ។” មនុស្សដែលមានជីវិត តែគ្មានចិត្តជួយអ្នកដទៃទេ ជាជីវិតរស់នៅគ្មានស្តីសុខភាពនោះទេ។ ឥឡូវនេះ អ្នកសាកដាក់ទានដោយចិត្តស្មោះសនោះ អ្នកនឹងឃើញលទ្ធផលដោយខ្លួនឯងជាមិនខានឡើយគឺចិត្តមានសុខ ចិត្តមានរីករាយ៕ អត្ថបទដោយ៖ ទ្រ សុភាព