២. ការធ្វើលំហាត់ប្រាណ ដើម្បីសុខភាព៖ នៅកោះអូគីណាវ៉ាមនុស្សមានទម្លប់ក្នុងថែរក្សាសួនបន្លែ និងសួនច្បាររបស់ពួកគេខ្លាំងណាស់។ តាមការស្រាវជ្រាវលោក Dan Buettner ជាអ្នកនិពន្ធសៀវភៅ​ Blue Zones បានសរសេរថា “មនុស្សដែលមានអាយុវែង មិនមែនជាមនុស្សធ្វើលំហាត់ប្រាណខ្លាំងនោះទេ តែជាមនុស្សមានចលនាសកម្មបំផុតក្នុងការរស់នៅប្រចាំថ្ងៃ។” ការពិត ចាស់ៗ នៅអូគីណាវ៉ាមានទម្លាប់ ក្រោកឡើងពីព្រឹក និងដើរយ៉ាងសកម្មក្នុងមួយថ្ងៃ​ៗ ដើម្បីបង្កើតកម្លាំង និងរក្សាតុល្យភាពក្នុងរាងកាយ ដែលជួយការពារប្រឆាំងនឹងជំងឺផ្សេង? តាមលោក Garcia និងលោក Miralles បានសិក្សានៅកោះអូគីណាវ៉ាបានរកឃើញថា ជនជាតិជប៉ុនដែលរស់នៅលើស ១០០ ឆ្នាំជាង គឺពួកគេបន្ថែមសកម្មភាពជាប្រចាំថ្ងៃ។

៣. រស់តាមក្តីស្រមៃ៖ មនុស្សដែលរកគោលបំណងឬក្តីស្រមៃក្នុងជីវិតឃើញ វាជាបំពេញកិច្ចការក្នុងជីវិតឱ្យមានអត្ថន័យក្នុងការរស់។ តាមអ្នកវិទ្យាសាស្រ្តសិក្សានៅតំបន់ Blue Zones បានបង្ហាញអាថ៌កំបាំងពីមនុស្សអាយុវែងជុំវិញពិភពលោក មានកត្តាមួយធំគឺស្វែងរកឃើញក្តីស្រមៃក្នុងជីវិតនេះឯង។” នៅកោះអូគីណាវ៉ាមានមនុស្សភាគច្រើន​ ជាមនុស្សរស់នៅមានក្តីស្រមៃ ធ្វើឱ្យពួកគេមានរបៀបថែសុខភាពឱ្យរឹងមាំ និងមានថាមពលក្រោកពីព្រលឹម ដើម្បីធ្វើសកម្មភាពឱ្យស្របតាមក្តីស្រមៃរបស់ខ្លួន។ តាមការចុះផ្សាយរបស់ Huffpost បាននិយាយថា កត្តាធ្វើឱ្យប្រជាជននៅកោះអូគីណាវ៉ាមានអាយុវែង និងមានសុខភាពល្អ គឺការរកឃើញបុព្វហេតុនៃជីវិតក្នុងការរស់៕ អត្ថបទដោយ៖ ទ្រ សុភាព