១. ភាពរឹងមាំ មាំនឹងបញ្ហាមិនចុះចាញ់៖ លោកវេជ្ជបណ្ឌិត Suzuki បានប្រាប់ថា ប្រជាជននៅអូគីណាវ៉ាមានអាយុវែង ព្រោះតែពួកយើងមានភាពរឹងមាំក្នុងចិត្ត ដែលវាមានការទាក់ទងជាមួយការប្រារព្ធពិធីបុណ្យក្នុងប្រណៃ។ ការធ្វើបុណ្យបែបនេះ ជួយឱ្យស្រ្តីម្នាក់នៅកោះអូគីណាវ៉ាមានអាយុ ១១០ឆ្នាំ ទោះបីគាត់ឆ្លងកាត់សមរភូមិអូគីណាវ៉ា និងភ្លើងសង្គ្រាមលោកលើកទីពីរក៏ដោយ ក៏គាត់មានសមត្ថភាពរក្សាចិត្តរឹងមាំ មានភាពស្ងប់ស្ងាត់ ដើម្បីបង្កើតជីវិតអាយុវែងបែបនេះឯង។

២. រស់ព្រោះតែអ៊ីគីហ្គី “ikigai” មានន័យថា រស់ក្នុងបុព្វហេតុ ឬរស់តាមក្តីស្រមៃ ឬរស់តាមគោលបំណងក្នុងជីវិតតែមួយ។ នៅពេលសួរអំពី 'ikigai' វេជ្ជបណ្ឌិត Suzuki បានពន្យល់ថាវាជាអារម្មណ៍រស់ក្នុងគោលបំណងរបស់ខ្ញុំឱ្យបន្តធ្វើការរហូតដល់សព្វថ្ងៃនេះ ទោះបីគាត់មានអាយុ ៩១ឆ្នាំហើយក៏ដោយ គាត់មានក្តីសុខក្នុងចិត្តដែរ។ ការររស់នៅរបៀបនេះហើយធ្វើឱ្យគាត់មានការភ្ញាប់ទំនាក់ទំនងជាមួយគ្នាមិនថាក្មេងឬចាស់នោះទេនៅកោះអូគីណាវ៉ា។ គាត់មានភាពសកម្មណាស់ ចេញទៅដើរលេងជាមួយឆ្កែរបស់គាត់ បន្តធ្វើចំការតិចតួច... គាត់រីករាយជាមួយកិច្ចការស្រាវជ្រាវរបស់ខ្លួនណាស់ ហើយសត្វឆ្កែទាំងពីរក្បាលតែងនាំចិត្តគាត់ចាកចេញពីអារម្មណ៍ភាពតានតឹងពេលល្ងាចបានល្អណាស់។ យើងនៅទីនេះយើងរីករាយជាមួយគ្នាគឺកោះអូគីណាវ៉ា។

៣. ពាក្យថា Nankurunaisa ជាពាក្យ Okinawan មានន័យថា “ចូរយកជីវិតដូចវាមកចឹងដែរ”។ គឺថា ជីវិតកើតមកលើផែនដីជាការពិត ពេលយើងរស់នៅមានបញ្ហាតូចធំក៏ដោយ ចូរយើងត្រូវតែទទួលស្គាល់ការពិតដូចជាពេលយើងកើតមកចឹងដែរ។ ទើបជីវិតយើងអាចបន្តដំណើរទៅមុខយ៉ាងរឹងមាំ។ ពាក្យនេះក៏សម្តៅដែរថា យើងត្រូវតែឆ្ពោះទៅមុខជានិច្ចក្នុងជីវិត ទោះបីជាមានអ្វីកើតឡើងក៏ដោយ។ អ្នករស់នៅក្នុងកោះអូគីណាវ៉ាមិនសូវមានភាពតានតឹងផ្នែកផ្លូវចិត្តនោះទេ។ មានកត្តាសំខាន់មួយដែរគឺពួកគេមានចិត្តគំនិតវិជ្ជមានក្នុងបញ្ហានេះឯង។ ពេលគេសួរលោក​វេជ្ជបណ្ឌិត Suzuki ​អំពី​សេចក្តី​ស្លាប់ គាត់​បានឆ្លើយតបថា អ្នកអូគីណាវ៉ានិងខ្ញុំ​ចូល​ចិត្តនៅទីនេះ ហើយស្លាប់​នៅ​ទី​កន្លែងនេះដោយមានអារម្មណ៍សន្តិភាពឬស្ងប់ក្នុងអារម្មណ៍ពាស់៕ អត្ថបទដោយ៖ ទ្រ សុភាព