ដៃគូដែលមានភាពស្មោះត្រង់តែងមានអត្តចរិតចេះគោរពអ្នកផ្សេង តែឱ្យតម្លៃខ្លួនអ្នក(ដៃគូ)។ ពេលប្រុសម្នាក់ ស្រឡាញ់មនុស្សស្រីម្នាក់ ទោះបីមាននារីផ្សេងដើរកាត់មុខ និងនិយាយរកក៏គាត់មានអារម្មណ៍ធម្មតាដែរ។ ជាពិសេសគេមានមានអារម្មណ៍ព្រងើយ និងសោះកក្រោះជាមួយនារីផ្សេងៗ ផងដែរ។ ព្រមទាំងមិននិយាយសម្តីលេបខាយ ឬញ៉ែនារីដទៃទៀតទេ។ ហើយគាត់នឹងនិយាយដោយភាពស្មោះត្រង់ជាមួយដៃគូរបស់ខ្លួន។

ហើយគេជាបុរសចូលចិត្តលេងសើច ពូកែលួង ពូកែយកចិត្តយល់ និងមើលថែអ្នកបានល្អណាស់។ ទោះបីអ្នកមានបញ្ហាអ្វីក៏ដោយ ក៏គេមានពេលឱ្យអ្នកភាគច្រើនដែរ។ ព្រោះអ្នកជាបុគ្គលទីមួយ សំខាន់ជាងអ្វីៗ ទាំងអស់។ ទោះបីមនុស្សបែបនេះ អ្នកកម្រជួបបន្តិចមែន បើអ្នកជួបជារឿងសំណាងធំណាស់។ លក្ខណៈសម្គាល់មួយមនុស្សបែបនេះ គឺគេជាមនុស្សអៀនច្រើន។  

តាមគេហទំព័រ psychologytoday បានចុះផ្សាយថា បេះដូងរបស់អ្នក ចេះស្តាប់សម្លេងដៃគូម្ខាងទៀត។ បើអ្នកមិនស្មោះត្រង់ទេ អារម្មណ៍ចេះតែសង្ស័យ ឬមិនស្រួលក្នុងចិត្តនោះទេ។ ប៉ុន្តែបេះដូងមនុស្សភាពស្មោះត្រង់នឹងគ្នាជាការរក្សាចំណងក្តីស្នេហាឱ្យយូរអង្វែង មិនមែនត្រឹមមួយប៉ប្រិចភ្នែកនោះទេ។ ពេលអ្នកមានបេះដូងបែបនេះវាមិនងាយដាច់ចេញពីគ្នាទេ វាធ្វើឱ្យអ្នកកាន់តែស្រឡាញ់លើសដើម។

មានសញ្ញាមួយទៀតគឺចេះផ្តល់សេរីភាព និងពេលវេលាឱ្យគ្នា។ មិនមែនឱ្យតែអ្នកហៅមក ដៃគូមកគ្រប់ពេលវេលានោះទេ ពេលអ្នកមានអត្តចរិតបែបនេះ វាធ្វើឱ្យដៃគូគិតថា អ្នកជាមនុស្សអាត្មានិយម គិតតែពីខ្លួនឯង។ អ្នកគួតែទុកពេលវេលាឱ្យដៃគូខ្លះ ធ្វើរឿងផ្ទាល់ខ្លួនផងដែរទាំងប្រុសទាំងនារី។ មនុស្សពីរនាក់ដែលស្រឡាញ់គ្នាបែបនេះចាស់ទុំ គេមិនដែលបិទសិទ្ធិចំពោះពេលវេលាផ្ទាល់ខ្លួនរបស់ដៃគូនោះទេ ព្រោះពួកគេយល់ឃើញថា ការទំនាក់ទំនងជាមួយគ្នាដោយភាពវិជ្ជមាន គឺចេះយល់ពីគ្នា។ ក្តីស្រឡាញ់ដែលល្អមិនចាំបាច់ជួបគ្នាគ្រប់ពេល គ្រប់ម៉ោងនោះដែរ ប៉ុន្តែគួរចេះឆ្លៀតពេលខ្លះឱ្យគ្នា។ ការចាយពេលឱ្យគ្នាតិចៗ ជាសញ្ញារក្សាចំណងស្នេហាកាន់តែមានន័យ៕ អត្ថបទដោយ៖ ទ្រ សុភាព