ហើយបានបន្តថា ទោះក្នុងបរិមាណតិចតួច សុរាបណ្តាលអោយភាពរស់រវើករបស់ខួរក្បាលធ្លាក់ចុះ រំខានដល់ការពិចារណានិងការសម្រេចចិត្ត។ ក្នុងរយៈពេលយូរអាចអោយស្វិតខួរក្បាលបាត់ការចងចាំ ស្ពឹកដៃជើង ប្រកាច់ ប្ញធ្លាក់ខ្លួនពិការ។ សុរាមិនមែនជាមិត្តល្អរបស់ខួរក្បាលទេ សូមកុំបំផ្លាញអនាគតរបស់អ្នកដោយការទទួលទានគ្រឿងស្រវឹងអោយសោះ”។ នេះជាបញ្ហាមួយស៊ីខួរក្បាលមនុស្សឱ្យខូចដោយអត់ដឹងខ្លួននោះទេ។

សូម្បីបុរសៗ ពូកែផឹកស្រានោះក៏ប៉ះពាល់ដល់លិង្គដែរ។ តាមលោកវេជ្ជបណ្ឌិត Nguyen Dinh Lien ជាប្រធាននាយកដ្ឋាននៅ Urology and Andrology បានលើកឡើងថា អ្នកផឹកស្រាជាប្រចាំថ្ងៃនាំឱ្យងាប់លិង្គ ហៅថា លិង្គខ្សោយអសមត្ថភាពរួមភេទ ហើយនាំឱ្យលិង្គរួមតូចផងដែរ។ មកពីស្រាបៀរមានផ្ទុកសារធាតុ Ethanol ដែលនៅពេលចូលទៅក្នុងរាងកាយវានឹងបំប្លែងទៅជា acetaldehyde ជាសារធាតុពុលខ្លាំង។ ពេលអ្នកបន្តផឹកស្រារហូត សារធាតុ Acetaldehyde បង្កឱ្យមានភាពតានតឹងអុកស៊ីតកម្ម បំផ្លាញភ្នាសកោសិកា ប៉ះពាល់ដល់DNA និងប៉ះពាល់ដល់មុខងារសរីរាង្គរួមទាំងប្រព័ន្ធបន្តពូជរបស់បុរសទៀត។

ដូច្នេះ! ចូរកាត់បន្ថយផឹកស្រាទើបអ្នកមានសុខភាពល្អ។ ពេលអ្នកឈប់ផឹកគ្រឿងស្រវឹងប្រហែលមួយខែ ថ្លើមរបស់អ្នកអាចត្រឡប់មកតាមទំហំធម្មតាវិញហើយដំណើរការកាន់តែមានប្រសិទ្ធភាពឡើង។ ការឈប់ផឹកស្រាជួយបញ្ឈប់បញ្ហាក្រិនថ្លើមបង្កើតជាលិកាមានសុខភាពល្អ៕ អត្ថបទដោយ៖ ទ្រ សុភាព