១. កាត់បន្ថយហានិភ័យនៃជំងឺវងេ្វង ឬជំងឺភ្លេចភ្លាំង រហូតដល់៧០ភាគរយ (ក្នុងវ័យ៧០ឆ្នាំ)។

២. តាមលោក Amber Dixon ជាអ្នកជំនាញចំណីអាហារបានបញ្ជាក់ថាមានការសិក្សាជាច្រើនបានរកឃើញថាកាហ្វេអាចជួយជីវិតមនុស្សស្រីដែលប្រឈមមុខនឹងជំងឺទឹកនោមផ្អែម ឱ្យចៀសផុតពីហានិភ័យនេះបានគឺផឹកកាហ្វេអត់ដាក់ស្ករ ឬដាក់ស្ករត្រឹម ២០%ច្រើនបំផុតហើយ។

៣. ជួយកាត់បន្ថយជំងឺ Alzheimer Disease (ជំងឺភ្លេចភ្លាំង) និង Parkinson Disease (ជំងឺញ័រដៃ ញ័រជើង)ការផឹកកាហ្វេបានល្អចាប់ពី២-៤ពែងក្នុងមួយថ្ងៃត្រូវបានផ្សារភ្ជាប់នឹងការថយជំងឺដាច់សរសៃឈាមខួរក្បាលបាន ២៥%។

៤. យោងតាមប្រភព OSF Healthcare បានចុះផ្សាយថា ជនជាតិអាមេរិកប្រមាណ៦២%ផឹកកាហ្វេជារៀងរាល់ថ្ងៃ។ នៅក្នុងនោះដែរ កាហ្វេសម្បូរទៅសារធាតុចិញ្ចឹមល្អៗ ដែលជាអត្ថប្រយោជន៍សម្រាប់រាងកាយ។ បើយោងតាមប្រភព​ មហាវិទ្យាល័យជំងឺបេះដូងអាមេរិក បានបញ្ជាក់ឱ្យដឹងយ៉ាងដូច្នេះថា ការផឹកកាហ្វេ ២ទៅ៣ពែង ក្នុងមួយថ្ងៃ អាចរក្សាបេះដូងរបស់អ្នកឱ្យមានសុខភាពល្អ។

៥. តាមរយៈការសិក្សាមួយដែលបានសិក្សាផ្សាយនៅក្នុង The Journal of Obstetrics and Gynecology Research បានឱ្យដឹងថាស្រ្តីដែលផឹកកាហ្វេ ត្រូវបានគេរកឃើញថាមានហានិភ័យកើតជំងឺមហារីកស្បូនទាបជាងស្រ្តីមិនដែលផឹកកាហ្វេ។

សម្រាប់អ្នកផឹកកាហ្វេគួរតែមានវ័យចាប់ពី ១៨ឆ្នាំឡើងទៅបានល្អហើយបើតាមវេជ្ជបណ្ឌិតជាច្រើនបានហាមបុគ្គលណាមានបញ្ហាជាមួយកាហ្វេដែរមានដូចជាអ្នកកើតជំងឺបេះដូង ស្ដ្រីមានផ្ទៃពោះ ឬបំបៅដោះកូន កូនក្មេង និងអ្នកគេងអត់លក់...កុំផឹកកាហ្វេយឺតពេលថ្ងៃអាចធ្វើឱ្យប៉ះពាល់ដល់ដំណេករបស់អ្នក អ្នកគួរជៀសវាងទទួលទានកាហ្វេបន្ទាប់ពីម៉ោង ២-៣ រសៀល។ អត្ថបទដោយ៖ ទ្រ សុភាព