គួររំលឹកជាថ្មីថា ក្រួសក្នុងតម្រងនោមអាចកើតឡើងដោយសារតែទម្លាប់នៃការញុំាអាហារមិនល្អ ហើយវាក៏អាចបណ្ដាលមកពីកត្តាហ្សែននៅក្នុងគ្រួសារផងដែរ ដែលមានន័យថា គួ្រសាររបស់អ្នកធ្លាប់មានប្រវត្តិកើតក្រួសក្នុងតម្រងនោមពីមុនមក។

លោក Tzung-Hai Yen គឺជាប្រធាននាយកដ្ឋានជាតិពុលនៅមន្ទីរពេទ្យ Linkou Chang Gung Memorial នៅតៃវ៉ាន់បាននិយាយថា ប្រហែល៨០-៩០ភាគរយនៃអ្នកជំងឺកើតគ្រួសក្នុងតម្រងនោមដោយសារតែ សារធាតុOxalate និងកាល់ស្យូមផូស្វាត។ លោកវេជ្ជបណ្ឌិត បានបញ្ជាក់បន្ថែមទៀតថា សារធាតុOxalate គឺជាសមាសធាតុគីមីដែលបង្កើតជាគ្រីស្ដាល់រាងដូចម្ជុល ដែលត្រូវបញ្ចេញក្នុងទឹកនោមបណ្ដាលឱ្យកើតក្រួសក្នុងតម្រងនោម។ នេះបើយោងតាមប្រភព VNexpress។

ខាងក្រោមនេះជាមូលហេតុធំៗចំនួន៤ ដែលបណ្ដាលឱ្យអាចកើតក្រួសក្នុងតម្រងនោមដោយមិនដឹងខ្លួនរួមមាន៖

១.គុណភាពទឹក៖ ទឹក គឺមានតួនាទីសំខាន់ណាស់សម្រាប់ទ្រទ្រង់ជីវិតរបស់មនុស្សគ្រប់គ្នា ប្រសិនបើអ្នកផឹកទឹកដែលមានជាតិកាស្យូម អ៊ីយ៉ុង និងសារធាតុរ៉ែដែលបង្កើតជាគ្រីស្តាល់ច្រើន នោះរាងកាយរបស់អ្នកនឹងមិនអាចរំលាយពួកវាបាននោះទេ។ ដូច្នេះវាជាហេតុបង្កឱ្យកើតមានក្រួសក្នុងតម្រងនោម។

២.ទម្លាប់ញុំាខុសរបៀប៖ អ្នកចូលចិត្តញុំាប្រៃច្រើន ផឹកគ្រឿងស្រវឹងច្រើន ញុំាសាច់ច្រើន និងមិនសូវផឹកទឹកច្រើន ងាយបង្កឱ្យអ្នកកើតក្រួសក្នុងតម្រងនោម។ ដូច្នេះចូលអ្នកកាត់បន្ថយញុំាប្រៃ ឈប់ផឹក និងផឹកទឹកឱ្យបានច្រើន សម្រាប់បុរសត្រូវផឹកទឹកឱ្យបាន៣.៧លីត្រក្នុងមួយថ្ងៃ ហើយសម្រាប់ស្ដ្រីវិញត្រូវផឹកទឹកឱ្យបាន២.៧លីត្រក្នុងមួយថ្ងៃ។

៣.ប្រវត្តិគ្រួសារ៖ ប្រសិនបើឪពុកម្ដាយ ឬសាច់ញាតិរបស់អ្នកធ្លាប់មានប្រវត្តិកើតក្រួសក្នុងតម្រងនោម អ្នកក៏ងាយក្នុងការកើតជំងឺនេះដែរ។ មួយវិញទៀត ការរស់នៅ និងទម្លាប់នៃការហូបចុករបស់សមាជិកគ្រួសារនីមួយៗច្រើនតែស្រដៀងៗ ដូច្នេះវាក៏ជាហេតុបណ្ដាលឱ្យអ្នកកើតជំងឺក្រួសក្នុងតម្រងនោមដែរ។

៤.ជំងឺ និងការឆ្លងរោគ៖ ការសិក្សាផ្នែកវេជ្ជសាស្ដ្រជាច្រើនបានបង្ហាញថា អ្នកដែលបានកើតជំងឺក្រួសក្នុងតម្រងនោមភាគច្រើនកើតឡើងក្នុងស្ថានភាពផ្សេងៗគ្នាដូចជា ធាតុ កើតជំងឺទឹកនោមផ្អែម កើតជំងឺរលាកសន្លាក់ និងអ្នកដែលមានបញ្ហាមេតាប៉ូលីសជាដើម។ លើសពីនេះទៅទៀត ការឆ្លងមេរោគលើផ្លូវបង្ហូរនោមក៏ងាយបង្កឱ្យកើតឡើងនូវបាក់តេរីអវិជ្ជមាន ដែលងាយបណ្ដាលឱ្យអ្នកកើតក្រួសក្នុងតម្រងនោមដែរ។

អត្ថបទដោយ៖ Daddy_Rath