តាមអង្កការ Commonweath Scientific and Industrial Research Organization (CSIRO) ដែលបានសិក្សារកឃើញពីលទ្ធផលថា ការញ៉ាំផ្លែក្រូចពិតជាជួយកាត់បន្ថយការប្រឈមមុខនឹងជំងឺមហារីកក្រពះ មហារីកមាត់ និងមហារីកមួយចំនួនទៀត រហូតបាន ៥០% ឯណោះ។ នេះជាគុណសម្បត្តិផ្លែក្រូចជួយសុខភាពមានដូចជាក្រូចឆ្មារ ផ្លែក្រូចពោធិ៍សាត់  ក្រូចថ្លុង ក្រូចឃ្វិច និងក្រូចសើចជាដើម។ ព្រោះតែផ្លែក្រូចទាំងអស់នេះមានវីតាមីន A មានវីតាមីនC និងមានផ្ទុកជាតិសរសៃរជាសារធាតុប្រឆាំងអុកស៊ីតកម្មដើម្បីកាត់បន្ថយហានិភ័យការកើតជំងឺមហារីក។

ហើយចំពោះផ្លែក្រូចនេះជួយអាចកាត់បន្ថយហានិភ័យការវិវត្តន៍ជំងឺមហារីគ្រាប់ឈាមចំពោះកុមារ មានអាយុចាប់ពី២ទៅ៣ឆ្នាំឡើងទៅដែរ ព្រោះវាមានផ្ទុកវីតាមីនC ជាសាធាតុប្រឆាំងអុកសស៊ីតកម្មមួយមានប្រសិទ្ធភាពកម្ចាត់រ៉ាឌីកាល់សេរិដែលបង្ករឱ្យកើតជំងឺមហារីកនេះឯង។ ចូរឱ្យកូនហូបផ្លែក្រូចបកពីសំបកវាមានគុណភាពល្អជាទឹកក្រូច។

តាមអ្នកស្រី Katrine Baghurst អ្នកស្រាវជ្រាវ CSIRO បានបញ្ជាក់ដែរថា "ផ្លែក្រូចមានសមត្ថភាពពិសេសអាចការពាររាងកាយតាមរយៈសារធាតុផ្សំអង់ទីអុកស៊ីដង់ (Antioxidant) ហើយពង្រឹងកម្លាំងប្រព័ន្ធភាពស៊ាំរបស់រាងកាយដើម្បីកាត់ការលូតលាស់កោសិការមហារីក ឱ្យកោសិការដុំសាច់មករកសភាពធម្មតាវិញ។ សូម្បីតែការសិក្សាដ៏ធំមួយនៅក្នុងប្រទេសជប៉ុនបានរកឃើញថា អ្នកហូបផ្លែក្រូច ៣ទៅ៤ថ្ងៃក្នុងមួយសប្តាហ៍ ទំនងជាមិនសូវកើតជំងឺមហារីកជាងអ្នកហូបតែ ២ដងឬតិចជាងនេះក្នុងមួយសប្តាហ៍។ ទោះបីផ្លែក្រូចមានគុណប្រយោជន៍ដល់សុខភាពក៏ដោយ ក៏អ្នកត្រូវការទម្លាប់មួយទៀតដើម្បីពង្រឹងរាងកាយប្រឆាំងជំងឺមហារីកដែរគឺទម្លាប់ធ្វើលំហាត់ប្រាណនេះឯង។

យោងតាមលោកវេជ្ជបណ្ឌិត Boling មានប្រសាសន៍ថា “អ្នកធាត់បានបង្កើនឱ្យមានហានិភ័យនៃជំងឺមហារីកលឿន ប៉ុន្តែការបញ្ចូលទម្លាប់ធ្វើលំហាត់ប្រាណទៅក្នុងទម្លាប់ជាប្រចាំថ្ងៃរបស់អ្នក វាជួយកាត់បន្ថយជាតិខ្លាញ់ កាត់ការពារជំងឺទឹកនោមផ្អែម ឱ្យតែរក្សាទម្ងន់ឱ្យមានស្ថេរភាពបានល្អ អ្នកមិនងាយកើតជំងឺមហារីកនោះទេ”។ ការធ្វើលំហាត់ប្រាណជារឿងល្អបំផុតចំពោះសុខភាពរបស់យើង​ដែលមនុស្សគ្រប់រូបមិនគួររំលងទេ ព្រោះតែទម្លាប់មួយមានសមត្ថភាពប្រឆាំងជំងឺមហារីកបានល្អ៕ អត្ថដោយ៖ ទ្រ សុភាព