ការសម្រកគីឡូមានវិធីពេញនិយមមួយគេប្រើច្រើនគ្នាណាស់គឺការតមអាហារមួយពេលក្នុងបីពេលក្នុងមួយថ្ងៃ។ ចំពោះអ្នកមានសុខភាពល្អ ពេញកម្លាំង និងរាងធាត់ក៏ដោយ ការតមអាហារពិតជាមានគុណប្រយោជន៍ដល់សុខភាពដូចជា កាត់បន្ថយជាតិខ្លាញ់ ឱ្យសរសៃឈាមដើរស្រួល មានលំនឹងផ្នែកជាតិស្ករ ហើយកុំឱ្យចាស់លឿន។ កត្តាដែលនាំឱ្យមនុស្សភាគច្រើនតមអាហារ ព្រោះតែគេហូបអាហារច្រើនជ្រុលពេក នាំឱ្យដុះក្បាលរាងមិនស្អាត។ ហើយក៏មានមនុស្សចំនួន ៦ប្រភេទដែរ ហាមតមតាមនឹងកឃើញ វានាំឱ្យប៉ះពាល់ដល់សុខភាព។
តាមលោកសាស្ត្រាចារ្យវេជ្ជបណ្ឌិត Gabriel Perlemuter ប្រធានផ្នែកជំងឺក្រពះពោះវៀន និងថ្លើមនៅមន្ទីរពេទ្យ Antoine Béclère de Clamart ក្បែរក្រុងប៉ារីស និងជាអ្នកនិពន្ធសៀវភៅ តមអាហារ១ក្បាល គាត់បានលើកឡើងថា ការតមអាហារចំពោះបុគ្គលចំនួន ៦ប្រភេទនេះ ហាមតមមានដូចជាទី១. កុមារមានវ័យកំពុងតែលូតលាស់មិនត្រូវតមអាហារទេ នាំឱ្យប៉ះពាល់ដល់ឆ្អឹងកំពុងលូត។ ទី២. មនុស្សចាស់មានវ័យ ៦៥ឆ្នាំឡើង នាំឱ្យរាងកាយបាត់កម្លាំងងាយដួល ងាយវិលមុខណាស់។ ទី៣. ស្ត្រីមានផ្ទៃពោះ អាចប៉ះពាល់ដល់កូន។ ទី៤. ស្ត្រីមានគម្រោងចង់បានកូន នាំឱ្យខ្វះកម្លាំង ខ្វះសមត្ថភាព...។ ទី៥. ស្ត្រីកំពុងតែបំបៅដោះកូន មិនត្រូវអត់អាហារទេ។ ទី៦. អ្នកមានជំងឺ ក៏មិនឱ្យតមអាហារដែរដូចជាអ្នកមានជំងឺរ៉ាំរ៉ៃ ជំងឺទឹកនោមផ្អែមប្រភេទទី១ ឬប្រភេទទី២ ប្រើថ្នាំព្យាបាលពពួកបញ្ចុះជាតិស្ករ”។ បើអ្នកហូបអាហារមិនទៀតទេ ក៏ងាយខូចពោះវៀននាំឱ្យបញ្ចេញជាតិអាស៊ីតខុសពេលដែរ។
មនុស្សទាំង ៦នេះខាងលើនេះ វេជ្ជបណ្ឌិត Perlemuter បានហាមតមអាហារ វានាំឱ្យសុខភាពចុះខ្សោយងាយកើតជំងឺកាចៗ ពេលក្រោយផងដែរ។ បុគ្គលទាំង៦ប្រភេទនេះ គួរហូបអាហារចំនួនពេលបីគឺពេលព្រឹក ពេលថ្ងៃត្រង់ និងពេលល្ងាច ដើម្បីកុំឱ្យឡើងគីឡូ ឬបញ្ចុះគីឡូនោះ គួរមានទម្លាប់ហូបអាហារមានត្រី មានបន្លែ និងផ្លែឈើ អ្វីជាពិសេសកាត់បន្ថយរសជាតិដិតខ្លាំងពេក មានកុំប្រៃ កុំផ្អែម និងកុំមានជាតិខ្លាញ់ច្រើន បើអ្នកញ៉ាំលើសកម្រិតនាំតែបញ្ហាដល់សុខភាព និងកើតជំងឺមហារីក ទឹកនោមផ្អែម និងលើសឈាមផងដែរ។
អ្នកត្រូវកំណត់ពេលវេលាហូបអាហារឱ្យបានទៀងទាត់ ពេលព្រឹកត្រូវញ៉ាំចន្លោះពីម៉ោង ៧ ទៅ ៨។ ពេលថ្ងៃត្រង់ត្រូវញ៉ាំចន្លោះម៉ោង ១១ ទៅម៉ោង ១ ឯពេលល្ងាចត្រូវហូបកុំឱ្យលើសពីម៉ោង៥។ ពេលអ្នកហូបអាហារបែបនេះដោយយកចិត្តទុកដាក់គឺវាធ្វើឱ្យអ្នកហូបងាយឆ្អែត អ្នកហូបបានតិចជាងមុន ជាហេតុធ្វើឱ្យខ្លាញ់ត្រង់ក្បាលពោះស្រកនិងសុខភភាពរឹងមាំផងដែរ៕ អត្ថបទដោយ៖ ទ្រ សុភាព