អ្នកប្រើថ្នាំសម្រកគីឡូ ពិតជាបានផលលឿនក៏ដោយ ប៉ុន្តែមួយរយៈក្រោយមកអ្នកប្រើប្រាស់បែរជាមានបញ្ហាសុខភាពទៅវិញ។ ដើម្បីចៀសវាងបញ្ហានេះ សូមអ្នកប្រើប្រាស់ក្នុងការសម្រកគីឡូតាមធម្មជាតិដើម្បីជួយសម្រកគីឡូបានលឿន។ មានផ្លែឈើមួយដែលសម្បូរលក់ក្នុងស្រុកខ្មែរយើងហើយគេអាចយកផ្លែឈើមួយនេះ ទៅធ្វើជាភេសជ្ជៈសម្រកគីឡូនោះគឺផ្លែក្រូច។ ផ្លែក្រូចមានគុណសម្បត្តិដ៏ល្អឯកនៃសារជាតិវីតាមីនC ជួយទ្រទ្រង់ទៅដល់សុខភាពរាងកាយបានល្អបំផុត។

បើយោងតាមការចុះផ្សាយរបស់គេហទំព័រ lybrate បានឱ្យដឹងថា បើអ្នកផឹកទឹកក្រូច ១កែវមុនឬក្រោយពេលហាត់ប្រាណជួយដាស់ថាមពលឱ្យអ្នកកើនឡើង។ ព្រោះទឹកក្រូចស្រស់មានកាបូអ៊ីដ្រាត និងជាតិស្ករបែបធម្មជាតិដែលចេញពីទឹកឃ្មុំ ធ្វើឱ្យអ្នកមានអារម្មណ៍ល្អ បំបាត់ការនឿយហត់ និងជួយបង្កើនថាមពលដល់រាងកាយ។ អ្នកដែលចូលចិត្តហាត់ប្រាណ អាចញ៉ាំទឹកក្រូចឆ្មារលាយជាមួយទឹកឃ្មុំ១កែវនៅរៀងរាល់មុន ឬក្រោយពេលហាត់ប្រាណ ដើម្បីបំពេញកម្រិតថាមពល បំពេញជាតិគ្លុយកូសក្នុងឈាម ជួយឱ្យដុតជាតិខ្លាញ់បានយ៉ាងល្អ។

រាងកាយរបស់យើងត្រូវការភេសជ្ជៈដែលមានសារធាតុចិញ្ចឹមដែលមានអត្ថប្រយោជន៍សម្រកគីឡូនិងថែសម្រស់។ ភេសជ្ជៈទឹកក្រូចជួយសុខភាពស្បែកត្រូវបានលូតលាស់បានល្អដោយសារតែកម្រិតជម្រុញរបស់សារធាតុវីតាមីន C នឹងធ្វើឱ្យសារធាតុវីតាមីនE ដែលមាននៅក្នុងខ្លួនរបស់យើងដំណើរការកាន់តែប្រសើរឡើង។ លក្ខណៈដំណើរការនេះ នឹងថែសុខភាពស្បែកឱ្យចៀសបញ្ហារលាករោលផ្សេងៗ មិនងាយឡើងមុន ជួយជម្រុះកោសិកាងាប់ ជួយជុលកោសិកាកំពុងខូចខាត និងពន្លឿនកការលូតលាស់កោសិកាថ្មី ដើម្បីធ្វើឱ្យសុខភាពស្បែកកាន់តែល្អប្រសើរពីមួយថ្ងៃទៅមួយថ្ងៃផងដែរ។ នេះជាការផ្អែកទៅតាមប្រភពចេញផ្សាយរបស់គេហទំព័រ Healthline ផងដែរ។

ដូចនេះហើយការហូបផ្លែក្រូចឬភេសជ្ជៈទឹកក្រូចនៅស្រុកខ្មែរយើងសម្បូរលក់ណាស់។ បើយើងជួយទិញពួកគាត់ឱ្យមានចំណូចហើយវាមានអត្ថប្រយោជន៍ដល់សុខភាពរបស់យើងល្អជាងស្រា និងភេសជ្ជៈរសជាតិផ្អែមៗ ផងដែរ។ សុខភាពក្នុងការសម្រកគីឡូតម្រូវឱ្យហូបអាហារតាមធម្មជាតិឱ្យច្រើនដែលអាចធ្វើទៅបាន និងព្យាយាមធ្វើលំហាត់ប្រាណបន្ថែមដើម្បីបានផលចំណេញទាំងកម្ចាត់ជាតិខ្លាញ់ហើយសម្រស់នៅវ័យក្មេងផងដែរ៕ អត្ថបទដោយ៖ ទ្រ សុភាព 

សៀវភៅ "លំហូរចិត្ត" លោកអ្នកអាចទិញតាម https://t.me/hangchhengH24