បញ្ហារដូវមកមិនទៀងទាត់ រាំងរដូវ គឺជាបញ្ហាប្រឈមធំចំពោះស្រ្តីមួយចំនួនដែលកំពុងតែជួបប្រទះជារៀងរាល់ខែ។ អ្នកខ្លះ២ទៅ៣ខែទើបមករដូវម្តង នោះគឺបណ្តាលមកពីកត្តាមិនប្រក្រតីក្នុងរាងកាយទាំងសុខភាពខាងក្នុង និងសុខភាពស្បូ​ន។ ដែលត្រូវប្រញាប់ដោះស្រាយ មិនគួរទុកឱ្យបញ្ហានេះនៅបន្តពីមួយខែទៅមួយខែនោះទេ ព្រោះវាអាចបង្កគ្រោះថ្នាក់ដល់ស្បូន និងអាចគ្មានកូន១ជីវិត។

ជាការពិតណាស់ យោងតាមការចុះផ្សាយនៅលើគេហទំព័រ Parsley health វេជ្ជបណ្ឌិត Rachael B.Cowhert ឯកទេសផ្នែកសម្ភពនិងរោគស្រ្តីដែលមានបទពិសោធន៍រយៈពេល៨ឆ្នាំ បាននិយាយថា ជាធម្មតាវដ្តរដូវរបស់ស្រ្តីគឺមកនៅរៀងរាល់២៥ថ្ងៃម្តងឬ៣៥ថ្ងៃម្តង បើស្ថិតនៅក្នុងចន្លោះនេះគឺទុកថាធម្មតាស្រ្តីសុខភាពល្អមិនមានផលប៉ះពាល់អ្វីទេ។ ប៉ុន្តែករណីលើសពី៣៥ថ្ងៃហើយរដូវមិនឃើញមកនោះមានន័យថា សុខភាពខាងក្នុងរបស់ស្រ្តីកំពុងមានបញ្ហាដូចជា ស្រ្តីមានភាពតានតឹងពិបាកចិត្ត គេងមិនគ្រប់គ្រាន់ ធ្វើដំណើរផ្លូវឆ្ងាយញឹកញាប់ ផឹកទឹកមិនគ្រប់គ្រាន់ អរម៉ូនប្រែប្រួលខ្លាំង...ទាំងអស់នេះគឺជាកត្តាធំៗដែលធ្វើឱ្យវដ្តរដូវស្រ្តីមកមិនទៀង ហើយមានការឈឺចាប់ខ្លាំងនៅពេលមកម្តងៗ។

ដូច្នេះដើម្បីប៉ូវឈាមរដូវរបស់ស្រ្តីឱ្យមកទៀងទាត់រាល់ខែ មិនមានការឈឺចាប់ មកអស់ៗស្រួលខ្លួន ស្រ្តីត្រូវអនុវត្តវិធីខាងក្រោមឱ្យបានរាល់ថ្ងៃកុំខាន៖

២. ញ៉ាំបន្លែដែលផ្ទុកសារធាតុ cruciferous ឱ្យបានរាល់ថ្ងៃ៖ វេជ្ជបណ្ឌិតនិយាយថា បន្លែដែលមានផ្ទុកសារធាតុ cruciferous ដូចជា (ខាត់ណាស ផ្កាខាត់ណាខៀវ ស្លឹក Spinach បន្លែបៃតង...) មានសមាសធាតុមួយហៅថា DIM ដែលជួយកម្ចាត់អ័រម៉ូន estrogen និងធ្វើឱ្យមានតុល្យភាពអ័រម៉ូន។ ការសិក្សាបានបង្ហាញថា សារធាតុ DIM ដែលមាននៅក្នុងបន្លែទាំងនេះញ៉ាំរាល់ថ្ងៃ អាចជួយបំប្លែងអរម៉ូនអ៊ឹស្ត្រូសែន ជួយឱ្យវដ្តរដូវមកទៀងទាត់ មិនមានការឈឺចាប់។

២. ផឹកតែខ្ញី+តែរមៀត+និងតែflax៖ តែទាំង៣នេះគឺមានផ្ទុកជាតិសរសៃ ជាតិដែក ម៉ាញេស្យូម ជាតិខ្លាញ់អូមេហ្កា៣ ជំនួយទៅដល់ឈាមរដូវរបស់ស្រ្តីឱ្យមកទៀងទាត់ល្អ សម្រួលការឈឺចាប់ ជួយស្រ្តីមានអារម្មណ៍ល្អ។ ចំពោះតែខ្ញីអ្នកអាចផឹកនៅពេលព្រឹកគឺល្អ តែរមៀតគួរផឹកពេលថ្ងៃ ចំណែកតែflax អាចផឹកពេលព្រឹកក៏បានថ្ងៃក៏បាន។

៣. ទម្លាប់ហាត់ប្រាណ+គេង+រក្សាផ្លូវចិត្ត៖ ទាំង៣ចំណុចនេះត្រូវដើរទន្ទឹមគ្នា គឺព្រោះវាមានទំនាក់ទំគ្នាខ្លាំង និងមានឥទ្ធិពលទៅលើវដ្តរដូវប្រចាំខែរបស់ស្រ្តី។ ស្រ្តីគ្រប់រូបចាំបាច់ត្រូវគេងមួយយប់ឱ្យបាន៧ម៉ោង រក្សាផ្លូវចិត្តឱ្យរីករាយជាពិសេសគឺជិតដល់ថ្ងៃមករដូវហាមគិតច្រើន។

·  ហាត់ប្រាណក្បាច់ Cobra Pose​ (លំហាត់ប្រាណនេះគឺអនុវត្តដោយពោប ដាក់ជើងទាំងពីទៅត្រង់ បន្ទាប់មកយកដៃទាំង២សង្កត់ចុះក្រោម ដើម្បីលើកទ្រូងឡើងលើ​​ តែជើងដាក់នៅត្រង់ដដែលកុំឱ្យហើប​ ធ្វើបែបនេះ​ប្រហែល៣០ទៅ៦០វីនាទី រហូតដល់អ្នកមានអារម្មណ៍ថាស្រួលខ្លួន)។

·  លំហាត់ប្រាណ Cow Pose៖ លុតជង្គង់អ្នកចុះ ហើយច្រត់ដៃទាំង២ចុះក្រោម ងើបមុខលឡើងលើ ហើយព្យាយាមដង្ហើមចេញចូលរបស់អ្នកឱ្យវែងៗ ។

·  លំហាត់ប្រាណ Cat Pose​ ក្បាច់ឆ្មា៖ មុននឹងចាប់ផ្ដើមអាចដកដង្ហើម២ទៅ៣ដង្ហើមជាមុនសិន បន្ទាប់មកលុតជង្គង់ចុះ ច្រត់ដៃទាំង២ចុះក្រោមដូចគ្នា តែ ខ្នងត្រូវពើងឡើងទៅលើ ។



គូសបញ្ជាក់ផងដែរថា ប្រសិនបើកំពុងជួយបញ្ហរាំងរដូវមកទៀងទាត់ ហើយមកម្តងៗមានការឈឺចាប់ខ្លាំង គឺចាប់ផ្តើមយកវិធីទាំង៣ខាងលើទៅអនុវត្តដើម្បីដោះស្រាយបញ្ហាកុំទុកយូរ។ ពីព្រោះបញ្ហារាំងរដូវជាបញ្ហាយូរ​អង្វែង និងមានផលប៉ះពាល់នៅពេលដែលស្រ្តីមានគ្រួសារ មានប្តី អាចអាចប៉ះពាល់ទៅដល់ការមានកូន និងប្រឈមបញ្ហាស្បូនជាច្រើនទៀត៕

អត្ថបទដោយ៖ គន្ធា