ផ្លែត្របែកគឺជាប្រភេទផ្លែឈើម្យ៉ាងដែលសំបូរបំផុតនៅក្នុងប្រទេសកម្ពុជាយើង ហើយត្រូវបានគេ មើលឃើញសឹងតែមាននៅគ្រប់ផ្ទះជាពិសេសនៅតាមតំបន់ជនបទ។

ផ្លែត្របែកមានផ្ទុកនូវសារធាតុប្រឆាំងនឹងអុកស៊ីតកម្ម ហើយសំបូរទៅដោយនូវសារជាតិសរសៃ សារជាតិប៉ូលីហ្វេណុល (polyphenols)  សារជាតិការ៉ូតេនូអីដអាស៊ីតហ្វូលិក (carotenoids folic acid) កាល់ស្យូម (calcium) ម៉ាញ៉េស្យូម (magnesium) វីតាមីនអេ វិតាមីនបេ៩ វិតាមីនសេ និងវិតាមីនអ៊ី ដែលមានគុណប្រយោជន៍ចំពោះអ្នកដែលជំងឺតាមរយៈការកាត់បន្ថយទំងន់ និងគ្រប់គ្រងជំងឺ ទឹកនោមផ្អែមដែលអាចជួយកាត់បន្ថយនូវសារជាតិស្ករក្នុងឈាម។

តើផ្លែត្របែកមានអត្ថប្រយោជន៍សម្រាប់អ្នកជំងឺទឹកនោមផ្អែមយ៉ាងដូចម្តេច?

មានការសិក្សាបានឱ្យដឹងថាការបរិភោគផ្លែត្របែករាល់ពេលនៃរបបអាហាចំពោះ អ្នកមានដែលជំងឺ ទឹកនោមផ្អែមអាចធ្វើឱ្យមានភាពប្រសើរឡើងនូវរោគសញ្ញានៃជំងឺទឹកនោមផ្អែមដូចជាការកើនឡើងសារជាតិស្ករក្នុងឈាម (hyperglycemia) ការកើនឡើងនៃអាំងស៊ុយលីន (Hyperinsulinemia) និងការកើនឡើងនូវសារជាតិខ្លាញ់ក្នុងឈាម (hyperlipidemia) ។ ចំណែកឯការបរិភោគផ្លែត្របែកទុំក៏ជួយកាត់បន្ថយសម្ពាធឈាមផងដែរ។

ផ្លែត្របែកសម្បូរទៅដោយជាតិសរសៃក៏អាចជួយកាត់បន្ថយនូវចំណង់អាហារ។ ក្នុងករណីនេះ ប្រសិនបើអ្នកព្រួយបារម្ភអំពីការកើនឡើងទំងន់ អ្នកអាចបញ្ចូលផ្លែត្របែកទៅក្នុងរបបអាហារប្រចាំថ្ងៃ របស់អ្នកផងដែរ។

បញ្ចាក់៖ សូមពិគ្រោះជាមួយគ្រូពេទ្យជំនាញ ឬអ្នកជំនាញខាងចំណីអាហារ ដើម្បីអ្នកអាចប្រើប្រាស់ ឬទទួលទានផ្លែត្របែក ទៅតាមស្ថានភាពរបស់អ្នក ក្នុងការទទួលបានពីអត្ថប្រយោជន៍ក្នុងការកាត់ បន្ថយទំងន់ និងជាតិស្ករក្នុងឈាម៕

អត្ថបទដោយ៖ អ្នកគ្រូពេទ្យSem Sotheary