ជំងឺខ្លាញ់រុំបេះដូង បណ្តាលមកពីការថយចុះនៃការដឹកនាំឈាមទៅចិញ្ចឹមបេះដូង ដោយសារសារធាតុខ្លាញ់អាក្រក់នៅកកជាប់នឹងជញ្ជាំងសរសៃឈាម។ ជំងឺខ្លាញ់រុំបេះដូងនេះហើយដែលអាចធ្វើឱ្យមានការគាំងបេះដូងភ្លាមៗនៅពេលមានប្រតិកម្មណាមួយកើតឡើង ហើយជំងឺនេះទាមទារឱ្យសាមីខ្លួនមានរបបអាហារល្អ ចៀសវៀងបរិភោគខ្លាញ់អាក្រក់ និងមានលំហាត់ប្រាណជាប្រចាំ ក្រៅពីនេះអ្នកអាចការពារជំងឺនេះបានតាមរយៈភេសជ្ជៈងាយៗ ស្រួលរក និងស្រួលក្នុងការធ្វើ ដើម្បីជួយអ្នកក្នុងការកម្ចាត់ខ្លាញ់អាក្រក់ពីបេះដូងយ៉ាងល្អ។ ភេសជ្ជៈទាំងនោះមានដូចខាងក្រោម៖
១.តែបៃតងក្ដៅៗ
ការញុំាតែបៃតងក្ដៅៗជារៀងរាល់ថ្ងៃជួយអ្នកពីការដុតបំផ្លាញខ្លាញ់អាហារក្រក់ក្នុងខ្លួនបានយ៉ាងល្អជាពិសេសខ្លាញ់ដែលរុំព័ទ្ធបេះដូងតែម្ដង។ ព្រោះនៅក្នុងតែបៃតងមានផ្ទុកសារធាតុប៉ូលីហ្វេណុលនិងសេតាមីននដែលអាចដើរតួជាសារធាតុប្រឆាំងអុកស៊ីតកម្មដើម្បីការពារការបំផ្លាញកោសិកាកាត់បន្ថយការរលាកនិងការពារសុខភាពបេះដូងរបស់អ្នក។
២.កាហ្វេ
ជាតិកាហ្វេអ៊ីនត្រូវបានគេរកឃើញថាជាសារធាតុធម្មជាតិមួយក្នុងចំណោមសារធាតុធម្មជាតិមួយចំនួនដែលជួយឱ្យដុតបំផ្លាញជាតិខ្លាញ់។ ការសិក្សាផ្សេងទៀតបង្ហាញថាជាតិកាហ្វេអ៊ីនអាចបង្កើនការដុតខ្លាញ់បានយ៉ាងច្រើន ១០ ភាគរយចំពោះមនុស្សធាត់និង ២៩% ចំពោះមនុស្សដែលមានបញ្ហាខ្លាញ់រុំបេះដូង។ ប៉ុន្ដែដើម្បីទទួលបានសុខភាពល្អសូមអ្នកជ្រើសរើសការហ្វេណាមួយល្អ។
៣.ទឹកក្ដៅឧណ្ណៗ
តាមអ្នកឯកទេសផ្នែកសុខភាពបានអះអាងថាការទទួលទានទឹកក្ដៅឧណ្ណៗជារៀងរាល់ថ្ងៃជួយកម្ចាត់ខ្លាញ់អាក្រក់និងកម្ចាត់ជាតិពុលពីក្នុងខ្លួនបានយ៉ាងល្អ ជាពិសេសការទទួលទាននៅពេលព្រឹកប្រលឹមតែម្ដង។ ព្រោះការញុំាទឹកក្ដៅឧណ្ណវាងាយនឹងបញ្ចេញញើសដែលរំលាយជាតិខ្លាញ់អាក្រក់និងជាតិពុលទាំងនោះពីក្នុងខ្លួន។
៤. ទឹកខ្ញី
ទឹកខ្ញីផ្ទុកដោយជាតិដែក ជាតិរ៉ែ ម៉ងកាណែស និងសារធាតុជាច្រើនទៀតដែលជួយដល់សារពាង្គកាយរបស់យើងច្រើនមែនតែន។ ក្នុងនោះផងដែរបើតាមការសិក្សាស្រាវជ្រាវបានឲ្យដឹងថាការញុំាទឹកខ្ញីគឺកម្ចាត់ខ្លាញ់ក្បាលពោះ និងខ្លាញ់ត្រង់កន្លែងផ្សេងៗបានយ៉ាងល្អ។ ហើយពេលវេលានៃការញុំាទឹកខ្ញីដែរល្អបំផុតនោះគឺពេលព្រឹក។ វិធីធ្វើដោយគ្រាន់តែចិតវាពីរបីចំណិតដាក់ក្នុងទឹកក្ដៅ ហើយប្រសិនបើមានទឹកឃ្មុំបន្ថែមពីលើវាទៀតគឺរឹតតែល្អ។
ដូនេះដើម្បីទទួលបានសុខភាពបេះដូងដែលល្អអ្នកគួរតែអនុវត្តន៍ញុំានូវអាហារខាងលើនេះឲ្យបានជាប្រចាំ។ ក្នុងករណីមានចម្ងល់ និងមានបញ្ហាផ្សេងៗសូមលោកអ្នកពិគ្រោះជាមួយគ្រូពេទ្យដែលមានជំនាញ៕
អត្ថបទដោយ៖ ភី សៅឌី