តើនរណាគេខ្លះចូលចិត្តញុំាផ្លែត្របែក តែមិនដឹងថា​អត្ថប្រយោជន៍របស់ផ្លែត្របែកមានអ្វីខ្លះត្រុវអត់?ឥឡូវនេះក្នុងអត្ថបទនេះក្រុមការងារចាបបៃតង នឹងលើកយកអត្ថប្រយោជន៍របស់ផ្លែត្របែក ដូច្នេះបើសិនបងប្អូនមិនទាន់ដឹងពីអត្ថប្រយោជន៍របស់ផ្លែត្របែកទេអាចសាកល្បងញុំាបាន គឺមិនចាញ់ផ្លែឈើតម្លៃថ្លៃប៉ុន្មាននោះទេ។

នេះបើយោងតាមរយៈការចែករំលែករបស់វេជ្ជបណ្ឌិត Dr. Nikita Toshi បានបញ្ជាក់ថា ការញុំាផ្លែត្របែកមានអត្ថប្រយោជន៍ជួយសុខភាពដូចខាងក្រោម៖

១.កាត់បន្ថយសម្ពាធឈាម និងការពារបេះដូង៖ យោងតាមរយៈការសិក្សាក្នុងឆ្នាំ២០១៦ ចែករំលែកចេញពីប្រភព pharmeasy គេបានរកឃើញថា ការញុំាផ្លែត្របែក ទឹកត្របែក គឺមានអត្ថប្រយោជន៍ជួយបន្ថយសម្ពាធឈាមលើស និងការពារសុខភាពរបស់បេះដូង នេះក៏ព្រោះតែក្នុងផ្លែត្របែកសម្បូរដោយ វីតាមីនស៊ី ជាតិសរសៃ ប៉ូតាស្យូម និងសម្បូរសារធាតុល្អជាច្រើនទៀត ដែលជួយសុខភាពរបស់អ្នកញុំា។ ដូច្នេះហើយបងប្អូនឧស្សាហ៍ញុំាត្របែកផង តម្លៃសមរម្យ ហើយងាយស្រួលរក រសជាតិក៏ឆ្ងាញ់ដែរ។

២.ល្អសម្រាប់អ្នកសម្រកគីឡូ៖ ជាការពិតណាស់ សម្រាប់អ្នកមានបំណងសម្រកគីឡូអាចសាកល្បងញុំាផ្លែត្របែក ឬក៏ផឹកទឹកត្របែកព្រោះ វាសម្បូរដោយជាតិរ៉ែ វីតាមីនស៊ី ជាតិសរសៃច្រើន​ជាតិស្ករតិច បើធៀបជាមួយផ្លែឈើផ្សេង។ ញុំាឬក៏ផឹកគឺអាចជួយសម្រកគីឡូបានលឿន ល្អសម្រាប់សុខភាពរបស់ក្រពះពោះវៀនបានផងដែរ។

៣.ការពារជំងឺមហារីក និងជំនួយភ្នែក៖ មានដឹងអត់ថាផ្លែត្របែកគឺមានប្រយោជន៍ច្រើនណាស់ សម្រាប់សុខភាពរបស់អ្នក​ជួយការពារជំងឺមហារីក ជាពិសេសក៏ជំនួយដល់សុខភាពភ្នែករបស់អ្នកដូចគ្នា។ អាស្រ័យហេតុនេះហើយ បងប្អូនគួរតែឧស្សាហ៍ញុំាផ្លែត្របែកខ្លះផងព្រោះមានប្រយោជន៍មិនចាញ់ផ្លែឈើថ្លៃៗឡើយ៕