តាមលោក Dan Buettner ជានិពន្ធសៀវភៅ”តំបន់ខៀវ” ជាអ្នកស្រាវជ្រាវពីមនុស្សអាយុវែងបានលើកឡើងថា អ្នករស់នៅមានភាពរីករាយ មានសុខភាពល្អ និងអាយុវែង គេមានទម្លាប់ទាំង ៣នេះ។ ទម្លាប់ទីមួយ មានមិត្តភក្ត័ល្អជួយរំសាយស្រ្តេស និងទុក្ខកង្វក់ពីក្នុងចិត្ត។ តាមការជ្រាវជ្រាវពីសកលវិទ្យាល័យ Harvard បានបញ្ជាក់ថា អ្នកមានទំនាក់ទំនងល្អជាមួយមិត្តភក្ត័ និងមនុស្សជុំវិញ ធ្វើឱ្យគេរស់នៅបានយូរ (មានភាពរីករាយ) ជាងអ្នកគ្មានទំនាក់ទំនងជាមួយមនុស្សជុំវិញ។”
តាម CNBC សម្ភាសន៍លោក Dan Buettner បាននិយាយថា អ្នកដែលផ្តាច់ទំនាក់ទំនងជាមនុស្សក្នុងសង្គម ឬគ្មានមិត្តភក្ត័ពីរ បីនាក់ទេ អាចជាពឹងពាក់នៅថ្ងៃមួយណា វាធ្វើឱ្យកាត់បន្ថយអាយុរបស់គេប្រហែល ៨ ឆ្នាំ បើធ្វើការធៀបជាមួយមនុស្សមានទំនាក់ទំនងល្អ។” ពេលអ្នកមានបញ្ហាអ្វីមួយ អ្នកអាចខលទៅរកមិត្តភក្ត័ បងប្អូន និងឪពុកម្តាយ និយាយជាមួយគាត់ វាជួយអារម្មណ៍ផ្លូវចិត្តរបស់អ្នកគ្មានអារម្មណ៍ឯកា និងរំលាយស្រ្តេសទុក្ខកង្វល់ផងដែរ។
សម្រាប់ទម្លាប់ទីពីរ ការធ្វើលំហាត់ប្រាណកម្ចាត់ស្រ្តេស កម្ចាត់ជាតិខ្លាញ់ និងពង្រឹងផ្លូវចិត្តតាន់ជាមួយបញ្ហា។ តាមការស្រាវជាច្រើនបញ្ជាក់ដែរថា ការធ្វើលំហាត់ប្រាណត្រឹមតែមួយថ្ងៃ ១០ទៅ២០នាទី ជួយកាត់បន្ថយជំងឺវង្វេងស្មារតី បញ្ហាផ្លូវចិត្ត ជួយកាត់បន្ថយហានិភ័យជំងឺប្រចាំកាយផងដែរ។ តាមលោក Buettner បានបញ្ជាក់ប្រាប់ CNBC ថា ប្រជាជនដែលមានអាយុវែងក្នុងតំបន់ខៀវ គឺពួកគេដើរជាប្រចាំថ្ងៃ នេះជាលំហាត់ប្រាណរបស់ពួកគេដោយគ្មានឧបករណ៍ និងសម្ភារៈហាត់ប្រាណនោះទេ។”
អ្នកដែលដើរទៅធ្វើការជាប្រចាំថ្ងៃ ឬដើរទៅទៅឡានក្រុង និងឡើងកាំជណ្តើរយន្ត ធ្វើឱ្យពួកគេមានហានិភ័យកម្រិតបេះដូងទាប និងជួយសរសៃរឈាមដំណើរការបានល្អ។ តាមលោកវេជ្ជបណ្ឌិត Anthony Fauci បាននិយាយថា “ខ្ញុំដើរចម្ងាយ ៣. ៥ ម៉ាយក្នុងមួយថ្ងៃ ដើម្បីបំបាត់អារម្មណ៍តានតឹង បន្ទាប់ពីធ្វើការងាររួចពេលល្ងាច។” មានការសិក្សាមួយបានបង្ហាញថា ការដើរជួយជំរុញភាពឆ្នៃប្រឌិដ្ឋ ជួយឱ្យមានការចងចាំ និងគេងលក់ស្រួលផងដែរ។ អ្នកដែលចំណាយពេលហាត់ប្រាណចំនួន ២០នាទី ធ្វើឱ្យអ្នកមានអារម្មណ៍ស្រឡះ និងមានកម្រិតអរម៉ូន Cortisol (អរម៉ូនស្ត្រេស) កម្រិតទាប ។ និយាយឱ្យខ្លី ស្រ្តេសខ្លាចការធ្វើលំហាត់ប្រាណ។ ហាត់ប្រាណច្រើន ជម្រះស្រ្តេសដែរ៕ អត្ថបទដោយ៖ ទ្រ សុភាព