បច្ចុប្បន្ននេះ មនុស្សប្រហែល ៧០០ លាននាក់នៅលើពិភពលោកបានទទួលរងជំងឺតម្រងនោមរ៉ាំរ៉ៃ។ គេប៉ាន់ប្រមាណថាជាមធ្យម មនុស្សប្រហែល ២០ម៉ឺននាក់កើតជំងឺខ្សោយតម្រងនោមដំណាក់កាលចុងក្រោយជារៀងរាល់ឆ្នាំ។

ជំងឺតម្រងនោមរ៉ាំរ៉ៃកើតឡើងដោយសារតែ មុខងារតម្រងនោមចុះខ្សោយ លើសជាតិអេឡិចត្រូលីត កើនជាតិពុលក្នុងតម្រងនោមតាមរយៈការបរិភោគគ្រឿងស្រវឹង និងការញ៉ាំអាហារមិនបានត្រឹមត្រូវទើបបណ្តាលឱ្យតម្រងនោមគ្មានសមត្ថភាពក្នុងការច្រោះជាតិពុលចេញ។ បុគ្គលដែលមានបញ្ហាតម្រងនោមចុះខ្សោយ និងមានជាតិពុលក្នុងតម្រងនោមមានរោគសញ្ញាដូចជា ក្អួតចង្អោរ បាត់បង់ចំណង់អាហារ គេងមិនលក់ នោមញឹកញាប់(១០ទៅ២០ដងក្នុងថ្ងៃ) ហើមជើងដៃ ដង្ហើមខ្លី សម្ភាធឈាមឡើងខ្ពស់។

ជាការពិតណាស់ យោងតាមការឱ្យដឹងពី healthshots បញ្ជាក់របស់វេជ្ជបណ្ឌិត Apeksha Ekbote ប្រធានរបបអាហារនិងលាងឈាមនៅមន្ទីរពេទ្យ NephroPlus បានឱ្យដឹងថា​អ្នកជំងឺតម្រងនោមចាំបាច់បំផុតគឺត្រូវតែហាត់ប្រាណឱ្យបានទៀងទាត់រាល់ថ្ងៃ ត្បិតថាជំងឺតម្រងនោមវាបានបង្ករអាការឱ្យអ្នកជំងឺអស់កម្លាំងក៏ពិតមែន ប៉ុន្តែទោះជាយ៉ាងណាអ្នកជំងឺត្រូវជម្នះ ហើយព្យាយាមហាត់ប្រាណ៥ក្បាច់នេះរយៈពេល១៥ទៅ៣០នាទីរៀងរាល់ថ្ងៃ នោះអ្នកនឹងមានអាការប្រសើរឡើងមិនខាន៖

១. ការដើរ៖ ការដើរគឺជាលំហាត់ប្រាណល្អបំផុតសម្រាប់អ្នកជំងឺតម្រងនោម ពីព្រោះវាជួយឱ្យឈាមរត់បានល្អ បញ្ចេញជាតិពុល សម្រួលសាច់ដុំ និងជួយឱ្យសុខភាពតម្រងនោមចាប់ផ្តើមរឹងមាំបន្តិចម្តងៗមកវិញ។ អ្នកដែលមានបញ្ហាខ្សោយតម្រងនោម នោមញឹក ឬដឹងថាខ្លួនឯងមានជាតិពុលក្នុងតម្រងនោម គួរតែព្យាយាមដើរហាត់ប្រាណឱ្យបាន១៥ទៅ៣០នាទីក្នុង១ថ្ងៃ។

២. លំហាត់ប្រាណបែបយូហ្គា៖ យូហ្គាជាលំហាត់ប្រាណកម្រិតស្រាលដែលមិនតម្រូវឱ្យអ្នកហាត់ប្រាណប្រើកម្លាំងនោះទេ ប៉ុន្តែវាជាលំហាត់ប្រាណដែលត្រូវការភាពបត់បែននៃរាងកាយ ហើយវាជួយបណ្តេញជាតិពុលបានយ៉ាងល្អ ជាពិសេសគឺជំនួយទៅដល់សិខភាពតម្រងនោម និងស្បូន។

៣. លំហាត់ប្រាណរបៀប Kegel៖ អ្នកដែលមានបញ្ហានោមញឹកគឺមកពីកត្តាផឹកទឹកច្រើនលើសចំនួន និងកត្តាសាច់ដុំអាងត្រគាកចុះខ្សោយ។ លំហាត់ប្រាណបែប Kegel គឺយើងអាចធ្វើ២ដងក្នុងមួយថ្ងៃ ដើម្បីជួយពង្រឹងសាច់ដុំអាងត្រគាកដែលចុះខ្សោយឱ្យត្រឡប់មករឹងមាំឡើងវិញ។ ក្នុងលំហាត់ប្រាណបែប Kegel នេះអ្នកអាចអនុវត្តដូចជា៖

· គេងនៅលើឥដ្ឋរាបស្មើ ដាក់ដៃឱ្យត្រង់ បញ្ឈរជង្គង់ រួចពើងផ្នែកត្រគាងឡើងទៅលើរយៈពេល៣វិនាទីម្តងរួចទម្លាក់ចុះមកវិញ។ ធ្វើសកម្មភាពបែបនេះដដែលៗចំនួន ២០ ទៅ ២៥ដង។ អ្នកអាចហាត់ប្រាណរបៀប Kegel នេះចំនួន ២ដងក្នុងមួយថ្ងៃគឺពេលព្រឹកនិងពេលល្ងាចវាជួយឱ្យសាច់ដុំអាងត្រគាករបស់អ្នកឆាប់រឹងមាំ និងការពារប្លោកនោមរបស់អ្នកកុំឱ្យខូចឬរលាកផងដែរ។

៤. ហែលទឹក៖ គឺជាលំហាត់ប្រាណសំខាន់ទី៣ ប៉ុន្តែណែនាំឱ្យហាត់សម្រាប់តែអ្នកដែលចេះហែលទឹកប៉ុណ្ណោះ ពីព្រោហលំហាត់ប្រាណមួយនេះបើអ្នកមិនចេះហែលទឹកគឺគ្តោះថ្នាក់ណាស់។ ការហែលទឹកត្រូវបានគេចាត់ចូលជាលំហាត់ប្រាណដែលជួយទៅដល់តម្រងនោម បណ្តេញជាតិពុល ពង្រឹងមុខងារតម្រងនោម និងដោះស្រាយបញ្ហានោមញឹកផងដែរ។ បើអ្នកចេះហែលទឹកអ្នកគួរហែលឱ្យបាន១៥ទៅ៣០នាទីក្នុងមួយថ្ងៃដើម្បីការពារតម្រងនោម។

បន្ថែមពីលើនេះទៀត ក្រៅពីការហាត់ប្រាណអ្នកគួរងាកមកយកចិត្តទុកដាក់ទៅលើរបបអាហារ ផ្តាច់ការពិសាស្រា គ្រឿងស្រវឹង ផ្តាច់ភេសជ្ជៈលើសជាតិផ្អែម កុំញ៉ាំប្រៃខ្លាំងឬផ្អែមខ្លាំង ហើយព្យាយាមញ៉ាំបន្លែ ផ្លែឈើ ត្រី... ឱ្យបានច្រើនដើម្បីជំនួយទៅដល់តម្រងនោមរបស់អ្នកឱ្យត្រឡប់មកមានសុខភាពល្អឡើងវិញ។

អត្ថបទដោយ៖ មឿន គន្ធា