បន្ថែមជាមួយគ្នានេះ យោងតាមប្រសាសន៍វេជ្ជបណ្ឌិត ស៊ឹង សេដ្ឋបុត្ត ឯកទេសជំងឺកុមារ ប្រចាំការនៅមន្ទីរពេទ្យស្ត្រី និងកុមារដំរី បានប្រាប់បន្ថែមឱ្យដឹងថា​ ក្រៅពីវ៉ាសាំងបង្ការស្របទៅតាមកម្មវិធីជាតិ ក៏មានវ៉ាក់សាំងផ្សេងៗទៀតដែលក្រសួងបានអនុញ្ញាតឱ្យមានការចាក់បន្ថែមដូចជា វ៉ាក់សាំងផ្តាស់សាយការពារជំងឺផ្តាសាយធំ...ជាដើម។ ដោយប្រភេទវ៉ាក់សាំងផ្តាសាយនេះ គឺតម្រូវឱ្យចាក់នៅទៅតាមអាយុកូន៖
-អាយុ ៦ខែដល់ ៣៥ខែ ចាក់ចំនួន២ដងចន្លោះមួយខែ។
-អាយុ ៣ឆ្នាំដល់ ៨ឆ្នាំ មិនធ្លាប់បានចាក់ពីមុនមកត្រូវចាក់២ដងចន្លោះមួយខែដូចគ្នា ចាក់ជារៀងរាល់ឆ្នាំ។
-អាយុ ៩ឆ្នាំ ឡើងទៅត្រូវចាក់តែម្តងប៉ុណ្ណោះ និងចាក់ជារៀងរាល់ឆ្នាំ។

ការចាក់វ៉ាក់សាំងផ្តាសាយជាប្រចាំឆ្នាំ ធ្វើឡើងគ្រប់វ័យ សូម្បីមនុស្សពេញវ័យក៏គួរចាក់បន្ថែមផងដែរ ដើម្បីពង្រឹងប្រព័ន្ធភាពសុំា បង្ការការឆ្លងជំងឺផ្តាសាយ។ ដូច្នេះហើយចំពោះឪពុកម្តាយប្រសិនបើយកកូនទៅចាក់វ៉ាក់សាំងផ្តាសាយ កុំភ្លេចចាក់បង្ការសុខភាពខ្លួនឯងផង ដោយហេតុថា ក្មេងប្រព័ន្ធភាពសុំាគាត់មិនសូវរឹងមាំដូចមនុស្សចាស់ទេ ប្រសិនបើក្នុងក្រុមគ្រួសារមានកើតផ្តាសាយ រួចទៅក្បែរ ឬចាប់កាន់កូនដោយភ្លេចការពារ ក្មេងក៏អាចនឹងឆ្លងដូចគ្នា គ្រាន់តែកម្រិតនៃការឆ្លងចំពោះក្មេងទទួលបានវ៉ាក់សាំង មិនខ្លាំងដូចជាក្មេងដែលអត់បានទទួលសោះនោះទេ៕