១. កុមារញ៉ាំគ្រាប់​ធញ្ញជាតិដែលមានជាតិ​ប្រូតេអ៊ីន មានជាតិអាស៊ីត​ខ្លាញ់​សំខាន់​ៗ មានវីតាមីន និង​សារធាតុ​រ៉ែ ដើម្បី​ជួយ​បង្កើន​អារម្មណ៍រីករាយ និង​រក្សា​ប្រព័ន្ធ​ប្រសាទ​ក្នុងខួរក្បាលរបស់​ក្មេងឱ្យ​ចងចាំបានល្អ។

 ២. កុមារហូបស៊ុតជាមួយបាយជាប្រចាំថ្ងៃនោះ ជួយខួរក្បាលកុមារឱ្យឆ្លាតវៃ ព្រោះវាសម្បូរទៅដោយជាតិ កូលីន (Choline) ជាសារធាតុចិញ្ចឹមដ៏សំខាន់សម្រាប់ជួយបង្កើនកោសិកាចងចាំក្នុងខួរក្បាលកុមារ។ ក្រៅពីនេះ វាក៏មានផ្ទុកទៅដោយប្រូតេអ៊ីន វីតាមីន A និងជាតិដែកដើម្បីប៉ូវខួរក្បាលកុមារ។

 ៣. កុមារហូបផ្លែប័រជួយប៉ូវខួរក្បាល និងពង្រឹងកោសិកាខួរក្បាលចងចាំបានល្អ។ ព្រោះផ្លែប័រមានផ្ទុកខ្លាញ់មិនឆ្អែត (Unsaturated fats) ជួយដល់ការលូតលាស់ប្រព័ន្ធប្រសាទកណ្តាល និងខួរក្បាលរបស់កុមារ។ មកពីផ្លែប័រមានសមត្ថភាពជួយបង្កើនសមត្ថភាពការយល់ដឹងរបស់កុមារបានល្អណាស់។

 ៤. ទឹកដោះគោជូរមានផ្ទុកវីតាមីន B និងប្រូតេអ៊ីនដើម្បីប៉ូវមុខងារ និងការរីកលូតលាស់លិកាខួរក្បាលរបស់កូនក្មេងបានលឿន។ ព្រោះទឹកដោះគោជូរក៏មានសារធាតុប្រូបៃអូទីកធ្វើឱ្យប្រព័ន្ធរំលាយអាហារកូនក្មេងដំណើរការស្រួលផងដែរ។

៥. ផ្លែក្រូចសម្បូរវីតាមីនច្រើនប្រភេទ ជួយពង្រឹងការចងចាំរបស់កុមារកាន់តែឆ្លាតវៃ។ ព្រោះវីតាមីនC នៅក្នុងផ្លែក្រូចជាសារធាតុសំខាន់ជួយការពារបញ្ហាបាក់ទឹកចិត្ត ប្រយុទ្ធប្រឆាំងពពួករ៉ាឌីកាល់សេរីជាភ្នាក់ងារបំផ្លាញកោសិកាខួរក្បាលរបស់កុមារ។ ពេលក្មេងផ្លែក្រូចជួយខួរក្បាលរីករាយថែមទៀត។

៦. ផ្លែចេកសម្បូរទៅដោយប៉ូតាស្យូម និងវីតាមីន B6 ដែលសំខាន់សម្រាប់មុខងារសរសៃប្រសាទកុមារ។ ផ្លែឈើនេះជួយដល់ការផលិតសារធាតុបញ្ជូនសរសៃប្រសាទជាការរួមចំណែកដល់អារម្មណ៍ និងការផ្តោតអារម្មណ៍កុមារកាន់តែប្រសើរឡើង។ ព្រោះផ្លែចេកជួយផ្តល់ថាមពលដល់កុមារ និងខួរក្បាលគិតបានល្អ៕ អត្ថបទដោយ៖ ទ្រ សុភាព