បើអ្នកផឹកកាហ្វេមួយថ្ងៃមួយពែង សុខភាពរបស់ល្អប្រសើរ ហើយហានិភ័យនៃការស្លាប់ដោយសារជំងឺបេះដូង និងជំងឺដាច់សរសៃឈាមខួរក្បាលក៏មានកម្រិតទាប ចំពោះអ្នកដែលផឹកកាហ្វេមួយពែងក្នុងមួយថ្ងៃ។ តាមការចុះផ្សាយរបស់គេហទំព័រ eatthis បានលើកឡើងពីលទ្ធផលនៃការសិក្សាស្ដីពីគុណប្រយោជន៍នៃការញ៉ាំកាហ្វេ គឺបានជួយមនុស្សយើងឲ្យមានអាយុវែង និងជួយកាត់បន្ថយការកើតជំងឺកាចសាហាវមួយចំនួនផងដែរ ។
លទ្ធផលនៃការសិក្សា៣ដាច់ដោយឡែកពីគ្នា ត្រូវបានបញ្ហាញជូនតាមរយៈទិវាវិទ្យាសាស្ត្រប្រចាំឆ្នាំលើកទី៧១ នៃវិទ្យាស្ថានស្រាវជ្រាវជំងឺបេះដូងរបស់សហរដ្ឋអាមេរិក បានរកឃើញដូចគ្នាថា ការញ៉ាំកាហ្វេចន្លោះពី ២ទៅ៣កែវក្នុងមួយថ្ងៃ មិនត្រឹមតែបានជួយ កាត់បន្ថយហានិភ័យនៃការកើតជំងឺបេះដូងនោះទេ គឺជួយការពារជំងឺដាច់សរសៃឈាមខួរក្បាល និងជួយឲ្យអ្នកមានអាយុវែងផងដែរ។
ព្រោះការផឹកកាហ្វេអត្ថប្រយោជន៍ជំនួយសុខភាពអ្នកញុំាប្រចាំថ្ងៃ តាមរយៈគេហទំព័រ healthline បានបញ្ជាក់ថា កាហ្វេ ១កែវទៅ៣កែវក្នុងមួយថ្ងៃ ជួយកាត់បន្ថយហានិភ័យនៃជំងឺវងេ្វង ឬជំងឺភ្លេចភ្លាំង រហូតដល់៧០ភាគរយ (ក្នុងវ័យ៧០ឆ្នាំ) ដើម្បីជួយជំរុញដល់ស្មារតីឱ្យធ្វើការងារមានលទ្ធផល កាត់បន្ថយភាពស្មុគស្មាញផ្លូវចិត្តមួយកម្រិតទៀត។
សម្រាប់អ្នកផឹកកាហ្វេមានសារធាតុសំខាន់ចំនួនពីរប្រភេទ គឺកាហ្វេអ៊ីន និងសារធាតុប្រឆាំងអុកស៊ីតកម្ម ដែលមានតួនាទីជួយទ្រទ្រង់សុខភាពខួរក្បាលកុំឱ្យដាច់សរសៃឈាមផងដែរ។ ព្រោះនៅក្នុងជាតិកាហ្វេអ៊ីនមានសារធាតុឥទ្ធិពលវិជ្ជមានម្យ៉ាងនៅក្នុងខួរក្បាលដើម្បីបង្កើនការប្រុងប្រយ័ត្ន និងរក្សាខួរក្បាលពីសារធាតុ អាឌីណូសិន ជាសារជាតិគីមីដែលធ្វើឱ្យយើងមានអារម្មណ៍ងងុយគេង។ ការញ៉ាំកាហ្វេក្នុងរយៈពេលយូរក៏អាចកាត់បន្ថយហានិភ័យនៃជំងឺប្រព័ន្ធប្រសាទជាជំងឺភ្លេចភ្លាំងរបស់ខួរក្បាលដែរ។ មានការសិក្សាជាច្រើនក៏បានបង្ហាញផងដែរថា កាហ្វេពិតជាមានប្រសិទ្ធភាពផ្តល់ថាមពលក្នុងខួរក្បាលគិតបានរហ័ស និងពង្រឹងផ្លូវចិត្តផងដែរ៕
អត្ថបទដោយ៖ ទ្រ សុភាព
លោកអ្នកអាចទិញសៀវភៅ លំហូរចិត្ត តាមនេះ https://t.me/hangchhengH24
