ការចិញ្ចឹមកូនជារឿងពិបាកមួយ។ បើអ្នកចង់ឱ្យកូនមានអនាគតល្អគឺស្ថិតលើឪពុកម្តាយចិញ្ចឹមកូនពីតូចនេះឯង។ មានឪពុកម្តាយខ្លះចិញ្ចឹមកូនឱ្យចាយលុយច្រើន ពេលកូនធំឡើង កូននឹងចាយលុយដៃធំទោះបីមានលុយច្រើនក៏ដោយ ក៏ចាយអស់ដែរ។ ការបង្រៀនកូនឱ្យចេះតស៊ូដោយខ្លួនឯង ឱ្យកូនយល់ពីតម្លៃខំប្រឹងដោយខ្លួនឯង។ អ្នកគួរចិញ្ចឹមកូនតាមកីឡាករ Carlos Tevez ជាកីឡាករបាល់ទាត់អាហ្សង់ទីន។
នៅថ្ងៃមួយកូនស្រីច្បងរបស់លោក Carlos បានសុំគាត់ទិញឡានមួយគ្រឿងដើម្បីបើកបរដោយខ្លួនឯង។ ហើយដឹក ប្អូនស្រីទៅរៀនផងដែរ។ លោក Carlos បានប្រាប់កូនថាបើកូនចង់បានឡានជិះ កូនត្រូវចេះសន្សំលុយហើយទិញវាដោយខ្លួនឯង។ ពេលកូនមានសមត្ថភាព កូនកាន់តែមានលុយច្រើនដោយខ្លួនឯង។
ហើយកូនលោកបានឆ្លើយតបថា ប៉ាជា Carlos Tevez (គាត់មានលុយប្រហែល ២០លានដុល្លារ) ហេតុអីប៉ាមិនព្រមទិញឡានឱ្យកូនមួយជិះ? ហើយគាត់ប្រាប់កូនវិញថា ប៉ាមិនខ្វល់ថាកូនឯងត្រូវទៅធ្វើជាអ្នកបំរើនៅ McDonald ឬកន្លែងណាទេ តែកូនត្រូវមានបទពិសោធន៍ត្រូវតែឆ្លងកាត់ដូចជាប៉ាដែរ”។ អនាគតមនុស្សម្នាក់ៗ ស្ថិតលើសមត្ថភាព និងបទពិសោធន៍លើការងារនេះឯង។ គាត់បង្រៀនកូនដើម្បីឱ្យកូនចេះតស៊ូដោយខ្លួនឯង។
លោក Carlos មានឡានជិះលើកដំបូងកាលអាយុ២១ឆ្នាំ មកពីគាត់រកលុយទិញឡានបានដោយខ្លួនឯង។ ហើយមុននឹងទិញឡាននេះ គាត់បានទិញផ្ទះមួយជូនលោកពុកគាត់រួចហើយ។ ប៉ាខំធ្វើការណាស់ដើម្បីសម្រេចបានរឿងទាំងនេះ។ វាលំបាកមែនហើយ តែកូនត្រូវតែរៀនពីវាហើយតស៊ូដោយខ្លួនឯង។
បើចង់បានឡានជិះ កូនត្រូវតែខំធ្វើការដោយខ្លួនឯង។ លោក Tevez ជាឪពុកមួយរូបដ៏អស្ចារ្យ។ នេះជាវិធីបង្រៀនកូនឱ្យចេះស្គាល់តម្លៃការងារនិងលុយដែលខំរកដោយខ្លួនឯង។ ចូរអ្នកឆ្លៀតពេលវេលាពីការងារបង្រៀនកូនរបស់អ្នក អនាគតកូនរបស់អ្នកធំឡើងនឹងក្លាយជាកូនមានសមត្ថភាពចេះប្រឹងដោយខ្លួនឯង៕ អត្ថបទដោយ៖ ទ្រ សុភាព