យុវតី បូ សំណាង បើទោះមិនបានមេដាយក៏ដោយ ប៉ុន្តែកីឡាការិនីរត់ប្រណាំងរូបនេះ បានយកឈ្នះបេះដូងជនរួមជាតិស្ទើមួយប្រទេស និងឈ្នះដល់បេះដូងមហាជនលើពិភពលោកឱ្យមានក្តីរំភើបពីការតស៊ូរបស់រូបនាងផងដែរ។ កីឡាការិនីរត់ប្រណាំង បូ សំណាង កំពុងតែធ្វើឱ្យសារព័ត៍មានអន្តរជាតិមួយចំនួនមានការចាប់អារម្មណ៍ខ្លាំងបំផុតដូចជាសារពត៌មានល្បីអន្តរជាតិ CNN បានចុះផ្សាយថា “បេក្ខភាពរត់ប្រណាំងនៅអាស៊ីអាគ្នេយ៍ចុងក្រោយជាកីឡាការិនី ប៊ូ សំណាង បានយកឈ្នះបេះដូងប្រជាជនខ្មែរដោយការតាំងចិត្តតស៊ូរបស់នាង”។ ទោះបីកីឡាការិនីរូបនេះ ធ្វើឱ្យបេះដូងមនុស្សគ្រប់គ្នា ពិតរំភើបចិត្ត គាំទ្រនាងខ្លាំងបំផុត។
នៅចុងបញ្ចប់លើផ្លូវរត់ចំងាយ ៥ពាន់ម៉ែត្រ ជាមួយពេលវេលា ២២.៤៥នាទី ដែលកញ្ញា បូ សំណាង អាចរត់ដល់គោលដៅបានសម្រេច ហើយពេលនោះក៏មានស្នូរសម្លេងទះដៃអបអរសាទរពីអ្នកគាំទ្រនៅសងខាងផ្លូវ និងត្រង់ចំណុចគោលដៅដោយសារតែអារម្មណ៍រំភើបស្រាប់តែនាងដំណក់ទឹកភ្នែកហូរធ្លាក់ចុះ ប៉ុន្តែការយំនេះ ដ៏ស្រស់ស្អាតនៅក្រោមដំណក់ទឹកភ្នែកនៅក្រោមទឹកភ្លៀង ដែលព្យាយាមពុះពារគ្រប់ឧបសគ្គ រហូតអាចដល់ទីបញ្ចប់ទាំងទឹកភ្នែក ព្រមទាំងលើកទង់ជាតិកម្ពុជាពោរពេញដោយមោទនភាពបំផុត៕
អត្ថបទដោយ៖ ទ្រ សុភាព
