យោងតាមរបាយការណ៍ឆ្នាំ ២០១៨ នៅក្នុងទស្សនាវដ្តី Arab Journal of Urology មានភស្តុតាងជាច្រើនបានលើកឡើងថាការធ្លាក់ចុះគុណភាពមេជីវិតឈ្មោលចំពោះបុរសទូទាំងពិភពលោកក្នុងរយៈពេលប៉ុន្មានទសវត្សរ៍ចុងក្រោយនេះ ព្រោះតែទម្លាប់ប្រចាំថ្ងៃនេះ។ មានបុរសចំនួន ៤២,៩៣៥នាក់ដែលមានអាយុលើសពី ៣០ឆ្នាំជាង ទៅ៤០ឆ្នាំបានបង្ហាញថា ចំនួនមេជីវិតឈ្មោលពី ៥០-៦០% មានការធ្លាក់ចុះខុសពីធម្មតា។ ព្រោះតែទម្លាប់ទាំងនេះ៖
១. បុរសតែងដាក់កុំព្យូទ័រយួរដៃនៅលើភ្លៅ៖ ការដាក់កុំព្យូទ័រលើភ្លៅរបស់បុរសសម្រាប់ការងារ ឬការមើលកម្សាន្តរាប់ម៉ោងអាចប៉ះពាល់ដល់មេជីវិតឈ្មោល។ មកពីការកើនឡើងសីតុណ្ហភាពរាងកាយនៅក្នុងពងស្វាសនាំឱ្យការផលិតមេជីវិតឈ្មោលឈប់ដំណើរការ និងការស្លាប់កោសិកាជាកត្តាហានិភ័យធ្វើឱ្យបុរសគ្មានកូន។
២. ការអង្គុយលើសាឡុងទន់ៗ យូរម៉ោង ជើងទាំងពីរត្រូវបានសង្កត់ចូលគ្នា ហើយលិង្គត្រូវបានគៀប និងបង្ហាប់យូរដែលបណ្តាលឱ្យមានការឈឺចាប់ ស្ពឹក និងបង្កើនហានិភ័យនៃការងាប់លិង្គ។
៣. ស្លៀកខោតឹងពេក៖ ចំពោះការស្លៀកខោតឹងមិនត្រឹមតែត្រដុសប្រដាប់ភេទបុរស និងប៉ះពាល់ដល់ការលូតលាស់ពងស្វាសទេ វាប៉ះពាល់ដល់មេជីវិតឈ្មោលដែលបណ្តាលឱ្យមានការរួមតូចនៅក្នុងតំបន់ប្រដាប់ភេទថែមទៀត។
៤. ងូតទឹកក្តៅពេក៖ ពេលពងស្វាសត្រូវការសីតុណ្ហភាពប្រហែល ៣៤ ទៅ ៣៥អង្សាសេ ការផលិតមេជីវិតឈ្មោលក្នុងបរិមាណធម្មតា។ ចំពោះបុរសដែលមានទម្លាប់ត្រាំក្នុងអាងទឹកក្តៅ ឬសូណានៅសីតុណ្ហភាព ៧០-៨០ អង្សាសេ អាចប៉ះពាល់ដល់មេជីវិតគ្មានកូនបានដែរ។
៥. ទុកទូរស័ព្ទនៅក្នុងហោប៉ៅខោ៖ លិង្គប៉ះពាល់នឹងរលកអេឡិចត្រូម៉ាញ៉េទិចដែលបញ្ចេញចេញពីទូរស័ព្ទដៃអាចបង្កគ្រោះថ្នាក់ដល់ពងស្វាស និងកាត់បន្ថយចលនាមេជីវិតឈ្មោលថែមទៀត។
៦. ភាពតានតឹងក្នុងការងារ និងជីវិត វាប៉ះពាល់ដល់គុណភាពទឹកកាម។ ព្រោះភាពតានតឹងក្នុងការងារមានទំនាក់ទំនងអវិជ្ជមានជាមួយនឹងគុណភាពទឹកកាម ជាពិសេសបង្កើនអត្រានៃការខូចខាត DNA របស់មេជីវិតឈ្មោល។
៧. បុរសដែលជក់បារីដែលមានសារធាតុគីមីងាយបំផ្លាញ DNA និងសម្លាប់កោសិកាមេជីវិតឈ្មោលណាស់។
៨. គ្រឿងស្រវឹង៖ ការផឹកគ្រឿងស្រវឹងរំខានដល់ការផលិតអរម៉ូន GnRH, FSH, LH និងតេស្តូស្តេរ៉ូន វាធ្វើឱ្យខូចមុខងាររបស់កោសិកា Leydig និង Sertoli។ ជាលទ្ធផលមកគឺការផលិតមេជីវិតឈ្មោលត្រូវបានកាត់បន្ថយ៕ អត្ថបទដោយ៖ ទ្រ សុភាព