ស្រឡាញ់តម្រងនោមចង់ថែរក្សាតម្រងនោមឱ្យមានសុខភាពល្អ មិនចង់ឈឺមិនចង់ចូលពេទ្យ។ ក៏ប៉ុន្ដែមានដឹងខ្លួនអត់ ថាទម្លាប់កំពូលទាំង៧ដែលអុ្នកចូលចិត្តធ្វើប្រចាំថ្ងៃ គឺធ្វើឱ្យតម្រងនោមរបស់អ្នកអាចគ្រោះថ្នាក់យ៉ាងធ្ងន់ធ្ងរ តម្រងប្រឈមតែខូចទេ ជាពិសេសបើអ្នកមានជំងឺប្រចាំកាយទៀតកាន់តែពិបាកទៀត។

ជាការពិតណាស់ នេះយោងតាមរយៈវេជ្ជបណ្ឌិត Nitin Kumar ទីប្រឹក្សា-ជំងឺសរសៃប្រសាទ មន្ទីរពេទ្យ Manipal Patiala និងប្រាប់ទម្លាប់អាក្រក់ៗទាំង៧ខាងក្រោម ដែលអ្នកគិតថាធម្មតា តែវាគឺជាទម្លាប់ដែលបំផ្លាញក្រលៀនរបស់អ្នកខូចប្រឈមជំងឺផ្សេងៗ។

១ទម្លាប់ផឹកទឹកមិនគ្រប់គ្រាន់៖ បើអ្នកមានទម្លាប់ផឹកទឹកមិនបានគ្រប់គ្រាន់ប្រចាំថ្ងៃ គឺមានន័យថា អ្នករារាំង សកម្មភាពរបស់តម្រងនោមក្នុងការច្រោះជាតិពុលកាកសំណល់ផ្សេងៗចេញពីរាងកាយរបស់អ្នក។ ជាការពិត បើរាងកាយរបស់អ្នកខះជាតិទឹករុំារ៉ៃ អ្នកនឹងប្រឈមជាមួយជំងឺក្រួសក្នុងតម្រងនោមឡើងមក។

២ប្រើប្រាស់អំបិលច្រើន៖ ការញុំាអាហារប្រចាំថ្ងៃរបស់អ្នកមានអំបិលច្រើន គឺធ្វើឱ្យអ្នកប្រឈមជាមួយជំងឺលើសឈាម កាលណាអ្នកមានជំងឺលើសសម្ពាធឈាមគឺធ្វើឱ្យប៉ះពាល់ដល់ប្រព័ន្ធតម្រងនោម មិនសកម្មខ្លាំងក្លាក្នុងការច្រោះកាកសំណល់ជាតិពុលផ្សេងៗចេញ ជាហេតុធ្វើឱ្យអ្នកប្រឈមជាមួយជំងឺតម្រងនោម។

៣មិនអើពើជាមួយជំងឺលើសឈាម៖ ជំងឺលើសឈាមគឺជាមូលហេតុចម្បងធំមួយធ្វើឱ្យអ្នកប្រឈមជាមួយជំងឺតម្រងនោម។ ព្រោះកាលណាសម្ពាធឈាមឡើងខ្ពស់ ធ្វើឱ្យប៉ះពាល់ដល់សរសៃឈាមក្នុងតម្រងនោម ធ្វើឱ្យតម្រងនោមខ្សោយមុខងារក្នុងការច្រោះជាតិពុល កាកសំណល់ចេញពីរាងកាយរបស់អ្នក។ ដូច្នេះត្រូវប្រយ័ត្នជាមួយជំងឺលើសឈាម ឧស្សាហ៍ពិនិត្យមើល ដើម្បីយើងងាយស្រួលក្នុងការគ្រប់គ្រង​។

៤ការប្រើប្រាស់គ្រឿងស្រវឹងលើសកំណត់៖ ការផឹកគ្រឿងស្រវឹងលើសកំណត់គឺអាចប្រឈមប៉ះពាល់ដល់សុខភាពរបស់តម្រងនោ​ម ។ ស្រាគឺអាចធ្វើឱ្យអ្នកប្រឈមខះជាតិទឹកនិង គ្រោះថ្នាក់ធ្ងន់ធ្ងរដល់តម្រងនោម។ ដូច្នេះសូមពិសារស្រាដោយការប្រុងប្រយ័ត្ន និងទទួលខុសត្រូវ។

៥មិនអើពើជាមួយការឆ្លងរោគតាមទឹកនោម៖ ការឆ្លងមេរោគតាមផ្លូវទឹកនោមគឺអាចប៉ះពាល់ដល់តម្រងនោមបាន។ ហើយបើមិនព្យាបាលឱ្យបានត្រឹមត្រូវការឆ្លងមេរោគនេះនឹងធ្វើឱ្យខូតខាតដល់តម្រងនោម។ ដូច្នេះសូមរក្សាអនាម័យ ការពារឱ្យបានត្រឹមត្រូវ។

៦ទទួលទានប្រូតេអ៊ីនលើសកំណត់៖ ប្រូតេអ៊ីនគឺមានសារប្រយោជន៍សម្រាប់សុខភាពរបស់រាងកាយ។ ក៏ប៉ុន្ដែការទទួលទានប្រូតេអ៊ីនច្រើនលើសកំណត់គឺធ្វើឱ្យតម្រងនោមធ្វើការមិនឈប់ ប៉ះពាល់ដល់សុខភាពរបស់តម្រងនោមរបស់អ្នកបាន។

៧មិនហាត់ប្រាណ៖ មិនដែលហាត់ប្រាណបូករួមជាមួយរបបអាហារមិនល្អ ធ្វើឱ្យប្រឈមជាមួជំងឺទឹកនោមផ្អែម លើសឈាម បេះដូង ធាត់។ ជំងឺទាំងនេះគឺជាមូលហេតុសំខាន់ៗធ្វើឱ្យអ្នកប្រឈមជាមួយជំងឺតម្រងនោម ខ្សោយតម្រងនោមឡើងមក។

ឯកសារយោង៖ https://www.thehealthsite.com/diseases-conditions/top-10-common-habits-that-can-seriously-damage-your-kidneys-1002696/