វេជ្ជបណ្ឌិត ឯកទេសកែសម្ភស្សប្រាប់ ផលិតផល4ប្រភេទ ហាមយកមកប្រើលើមុខ បើមិនចង់ខ្ទេចមុខមុនបានស្អាត
រាល់ថ្ងៃបងប្អូនប្រើប្រាស់ផលិតផលអ្វីខ្លះដើម្បីថែសម្រស់? ហើយប្រើប្រាស់ត្រឹមត្រូវដែរឬទេ មានដឹងអត់ថាផលិតផលណាគួរយកមកប្រើប្រាស់លើមុខ ផលិតផលខ្លះមិនគួរប្រើ? មួយទៀតកុំចេះតែប្រើប្រាស់តាមគេថាប្រយ័ត្នខូចមុខអស់។
ឥឡូវនេះវេជ្ជបណ្ឌិតឯកទេស កែសម្ភស្ស អេនតូនី យាំង បានចែករំលែក ផលិតផល៤ប្រភេទ ដែលបងប្អូនទាំងប្រុសទាំងស្រីមិនគួរយកប្រើប្រាស់ លើមុខនោះទេ បើមិនចឹងខ្ទេចមុខអស់មុនស្អាត តោះទៅអ៊ុតមើលថា៤ យ៉ាងនោះបងប្អូនមានចូល មួយណាអត់?
-សាប៊ូដុំ៖ លោកវេជ្ជបណ្ឌិត អេនតូនីយាំងបាន ណែនាំថា ហាមប្រើប្រាស់សាប៊ូដុំមកសម្អាតមុខរបស់អ្នក ព្រោះសាប៊ូសដុំ គឺមានសារធាតុសូដ្យូមច្រើន ដែលលាងទៅធ្វើមុខរបស់អ្នកស្ងួតខ្លាំង បំផ្លាញមុខអ្នកខ្លាំងបំផុត គ្រោះថ្នាក់ណាស់គួរចៀងវាងសាប៊ូដុំមកលាងមុខ ។
-body moisturizer៖ប្រភេទក្រែមផ្ដល់សំណើមដល់ស្បែកខ្លួន គឺល្អសម្រាប់ស្បែកខ្លួន ក៏ប៉ុន្ដែវានឹងអាក្រក់ បើសិនណាបងប្អូនយក body moisturizer មកប្រើប្រាស់លើផ្ទៃមុខរបស់បងប្អូន វេជ្ជបណ្ឌិត មិនណែនាំឱ្យធ្វើបែបហ្នឹងទេ។ វាអាចបង្កជាបញ្ហាស្ទះរន្ធញើសលើផ្ទៃមុខរបស់បងប្អូនកាន់តែខ្លាំង ដូច្នេះហើយ មិនគួរប្រើលាយគ្នាឡើយ វាល្អហើយសម្រាប់ផ្ដល់សំណើមដល់ស្បែកខ្លួនតែវាអាក្រក់ដល់ស្បែកមុខរបស់អ្នក ។
-ជូតtonerមានជាតិអាល់កុល៖ វេជ្ជបណ្ឌិត អេនតូនី យាំង បានបញ្ជាក់ថា ហាមប្រើប្រាស់ទឹកជូតមុខមានជាតិអាល់កុល ឬក៏ប្រភេទtonerដែលមានជាតិអាល់កុលឱ្យសោះ។ ការពិតសម្រាប់បងប្អូនដែលគាត់មានបញ្ហាសម្បូរជាតិខ្លាញ់លើមុខច្រើន ធ្វើឱ្យមុខគាត់ងាយឡើងមុនមានបញ្ហាមុខ ហើយគិតថាការជ្រើសរើសទឹកជូតមុខមានជាតិអាល់កុលទៅ អាចកម្ចាត់ជាតិខ្លាញ់ចេញពីមុខរបស់អ្នកគាត់បានល្អ។ តែការពិតគឺកាន់តែយ៉ាប់ ។ ពីព្រោះថាធម្មតារបស់ស្បែកគឺមានជាតិខ្លាញ់ស្រាប់ កាលណាបងប្អូនជូតទៅជាតិខ្លាញ់ ជាតិប្រេងបាត់បង់ រាងកាយនឹងដឹងថាវាស្ងួតនោះវានឹងបញ្ចេញជាតិប្រេងជាតិខ្លាញ់មកថែមកាន់តែច្រើនឡើងៗ។ ដូច្នេះបងប្អូនគួរចៀសវាងជូតtonerមានជាតិអាល់កុល។
-ទឹកកាម៖បងប្អូនធ្លាប់បានលឺហើយថា ការលាបទឹកកាមលើមុខ គឺអាចជួយថែរក្សាសម្រស់ អ្នកខ្លះក៏ថាធ្វើឱ្យមុខស្អាតភ្លឺថ្លា បាត់មុនជាដើម វេជ្ជបណ្ឌិតបានបកស្រាយថា គឺជារឿងអស់សំណើចមួយ ដែលគិតបែបហ្នឹង ហើយគួរតែឈប់ ព្រោះទឹកកាមអាចមានមេរោគ មានជំងឺកាមរោគផ្សេងៗនាំឱ្យឆ្លងដល់អ្នក ច្រើនជាង៕