កន្លងមកនេះបងប្អូនយើងជាច្រើមតែងចង់ដឹងពីរបបអាហារធ្វើឱ្យឡើងគីឡូ ឡើងសាច់ព្រោះខ្ញុំស្គមខ្លាំងណាស់ ញុំាអ្វីក៏មិនឡើងគីឡូដែរ។ ចង់បញ្ជាក់ប្រាប់បងប្អូនថាការឡើងគីឡូខ្លាំង គឺមិនល្អសម្រាប់សុខភាពរបស់បងប្អូនទេ អ្នកដែលធាត់ខ្លាំងគឺងាយប្រឈមនឹងជំងឺខ្លាំងណាស់ ដូចជាជំងឺមហារីក លើសឈាម ខ្លាញ់រុំបេះដូង តម្រងនោមជាដើមដូច្នេះការឡើងទម្ងន់ខ្លាំងបងប្អូនកុំចង់បានអី។

ក៏ប៉ុន្ដែបើស្គមពេកក៏មិនល្អដែរសម្រាប់សុខភាព ស្គមខ្លាំងពេកមានន័យថារាងកាយរបស់បងប្អូនខ្វះជីវជាតិ ញុំាអាហារដែលចិញ្ចឹមរាងកាយឱ្យលុតលាស់មិនបានគ្រប់គ្រាន់។ ដូច្នេះហើយនៅក្នុងអត្ថបទនេះ ខ្ញុំនឹងមកប្រាប់បងប្អូនពី របបអាហារដែលមានប្រូតេអ៊ីន សារធាតុចិញ្ចឹមល្អដែលអាចជួយឱ្យបងប្អូនមានរាងកាយរឹងមាំបាននេះបើយោងតាមរយៈគេហទំព័រ pharmeasy។

១.សាច់ក្រហម គឺជាប្រភពនៃប្រូតេអ៊ីនជួយរាងកាយរបស់បងប្អូនឱ្យលូតលាស់ល្អ មានកម្លាំងកំហែង ដូច្នេះបើសិនបងប្អូនកំពុងតែស្គមខ្លាំងខ្វះជីវជាតិអាចមកពីបងប្អូនមិនសូវបរិភោគសាច់ក្រហមបានគ្រប់គ្រាន់ ព្រោះសាច់ក្រហមដូចជាសាច់គោជាដើមមានអត្ថប្រយោជន៍របស់វា។ គ្រាន់តែមិនណែនាំឱ្យបងប្អូនញុំាសាច់ក្រហមច្រើនពេកទេ ព្រោះបើញុំាច្រើនអាចធ្វើឱ្យបងប្អូនឡើងគីឡូខ្លាំងវិញ ជាពិសេសអាចប្រឈមនឹងជំងឺទៀត។

២.ត្រី៖ គឺមានប្រយោជន៍សម្រាប់ជួយទ្រទ្រង់សុខភាពរបស់បងប្អូនខ្លាំងណាស់ ដូច្នេះហើយបើសិនបងប្អូនមិនសូវញុំាគួរតែឧស្សាហ៍ញុំា។ ព្រោះសាច់ត្រីទោះបីបងប្អូនញុំារាល់ថ្ងៃក៏ដោយក៏មិនជាបញ្ហាអ្វីនោះទេ។ នៅក្នុងសាច់ត្រីសម្បូរដោយអាស៊ីតខ្លាញ់អូមេហ្គា៣ដែលមានអត្ថប្រយោជន៍សម្រាប់ខួរក្បាលរបស់បងប្អូនដូចគ្នា។

៣.បាយ៖ក៏អាចធ្វើឱ្យបងប្អូនឡើងគីឡូដូចគ្នា បើសិនបងប្អូនញុំាច្រើន។ ព្រោះបាយគឺសម្បូរដោយកាប៊ូអ៊ីដ្រាតច្រើន ហើយយើងញុំាជាមួយសាត់ទៀត កាន់តែធ្វើឱ្យបងប្អូនងាយនឹងឡើងគីឡូខ្លាំងហើយ។ ក៏ប៉ុន្ដែមិនណែនាំឱ្យបងប្អូនញុំាច្រើនទេព្រោះមិនល្អ។

ជាចុងក្រោយរបបអាហារ៣ខាងលើនេះគឺមានអត្ថប្រយោជន៍ច្រើនសម្រាប់សុខភាព ញុំាហើយអាចជួយទ្រទ្រង់រាងកាយបានគ្រប់គ្រាន់ ជាពិសេសអ្នកចង់ឡើងគីឡូ តែកុំញុំាច្រើនពេក​ឡើងគីឡូពេកក៏មិនល្អដែរ៕