ផឹកភេសជ្ជៈ១កែវនេះព្រឹកឡើង ខួរក្បាលដើរល្អ លាងជាតិពុលមិនល្អចេញពីថ្លើម និងតម្រងនោម

អ្នកណាខ្លះឱ្យតែភ្ញាក់ព្រឹកឡើងមក ខួរក្បាលដូចអត់មានដំណើរការទាល់តែសោះ រាងស្ពឹកៗ ស្ទក់ៗ​ខ្សោយការចងចាំច្រើន មិនស្វាហាប់សោះក៏ប៉ុន្ដែមិនដឹងថាធ្វើបែបណាឱ្យស្ថានភាននេះប្រសើរឡើង។ ឥឡូវនេះឈប់បារម្ភទៀតទៅ យើងមកណែនាំភេសជ្ជៈ១ប្រភេទដែលអ្នកគួរតែផឹកពេលព្រឹក ដើម្បីជំនួយដល់ខួរក្បាល និងបង្កើនការចងចាំរបស់អ្នកឱ្យដំណើរការល្អជាងមុន ជាពិសេសអាចជួយសម្អាតជាតិពុកមិនល្អចេញពីថ្លើម និងតម្រងនោមរបស់អ្នក។

នេះបើយោងតាមរយៈគេហទំព័រhealthline បានណែនាំភេសជ្ជៈ៣ប្រភេទមានដូចខាងក្រោមនេះ

១.កាហ្វេ៖ គឺមានប្រយោជន៍ច្រើនសម្រាប់សុខភាពក៏ដូចជាមានប្រយោជន៍សម្រាប់សរីរាង្គរបស់ខួរក្បាលដូចគ្នា។ ដូច្នេះហើយប្រសិនណាអ្នកភ្ញាក់ពីគេងព្រឹកឡើងមក មានអារម្មណ៍ថា ដូចជាមិនស្រឡះខួរក្បាលសោះ រាងស្ពឹកៗ ស្ទក់ៗ មិនដំណើរការ អ្នកអាចផឹកកាហ្វេនៅពេលព្រឹកបាន។ ក៏ប៉ុន្ដែសម្រាប់អ្នកមានជំងឺប្រចាំកាយ មានដូចជា ជំងឺបេះដូង ក្រពះពោះវៀនជាដើម ការផឹកកាហ្វេអាចមានបញ្ហាដល់សុខភាព អាស្រ័យហេតុនេះហើយ មុនផឹកគួរពិភាក្សាជាមួយគ្រូពេទ្យជំនាញជាមុនសិន ឬក៏អ្នកគួរតែដឹងពីស្ថានភាពជំងឺរបស់អ្នកដូចគ្នា ថាអ្នកអាចផឹកកាហ្វេបានឬអត់។

២.ទឹក៖ កាតព្វកិច្ចដែលអ្នកគួរតែធ្វើឱ្យក្លាយជាទម្លាប់ គឺការផឹកទឹក១កែវ នៅពេលដែលអ្នកភ្ញាក់ពីគេងនៅពេលព្រឹកព្រោះរាងកាយរបស់អ្នកអត់ទឹកជាច្រើនម៉ោងមកហើយ ដូច្នេះពេលភ្ញាក់ពីគេងហើយអ្នកផឹកទឹក គឺផ្ដល់អត្ថប្រយោជន៍ច្រើនដូចជាស្រឡះខួរក្បាល ប្រព័ន្ធរាងកាយដំណើរល្អ លាងជាតិពុលកង្វក់ផ្សេងៗចេញពីថ្លើម និងតម្រងនោមរបស់អ្នកដូចគ្នា។

៣.ទឹកបន្លែផ្លែឈើចម្រុះ៖  ទឹកបន្លែផ្លែឈើចម្រុះមានដូចជា​ការ៉ុត ប៉ោម ចេក…ជាដើម ហើយអ្នកផឹកពេលព្រឹកគឺជួយសម្រកគីឡូសម្អាតជាតិពុលមិនល្អ ប៉ូវខួរក្បាលរបស់អ្នកឱ្យស្រឡះល្អ កាត់បន្ថយភាពខ្មៅស្រអាប់ និងធ្វើឱ្យស្បែកភ្លឺរលោងស្អាត និងជួយកាត់បន្ថយស្នាមផងដែរប្រសិនណាអ្នកមានស្នាម។

ជាចុងក្រោយ ភេសជ្ជៈទាំង៣ប្រភេទខាងលើ អ្នកអាចជ្រើសផឹកនៅពេលព្រឹក១ណាក៏បាន អាស្រ័យលើចំណូលចិត្តរបស់អ្នក ។ ព្រោះភេសជ្ជៈទាំងនេះគឺមានប្រយោជន៦ច្រើនសម្រាប់ខួរក្បាលផង ថ្លើម តម្រងនោម រួមទាំងសម្រស់របស់អ្នកផងដែរក៏ប៉ុន្ដែកុំផឹកច្រើនលើសកំណត់ពេក៕