ទឹក២មុខផឹកព្រឹក/ថ្ងៃ ជួយស្បែកភ្លឺថ្លា បណ្ដេញជាតិពុលចេញ កាន់តែផឹកកាន់តែជួយ

ស្រីៗណាខ្លះចង់រកភេសជ្ជៈផឹក ពេលព្រឹកក៏បាន ពេលថ្ងៃក៏បាន ហើយអាចជួយប៉ូវស្បែកពេញ១តួខ្លួន បណ្ដេញជាតិពុលចេញ កាន់តែផឹកកា​ន់តែជួយ។ ឥឡូវនេះយើងសូមណែនាំភេសជ្ជៈ២មុខ ដែលអ្នកអាចធ្វើផឹកដោយខ្លួនឯងបាន អស់លុយតិចហើយ មានរសជាតិឆ្ងាញ់ទៀតនេះបើយោងតាមរយៈគេហទំព័រ healthshots។

១.តែក្រូចឆ្មារ៖ នរណាខ្លះចូលចិត្តផឹកតែក្រូចឆ្មារ? មានដឹងអត់ថាតែក្រូចឆ្មារគឺមានប្រយោជណ៍សម្រាប់ជួយបណ្ដេញជាតិពុលអាក្រក់ចេញពីក្នុងមកខាងក្រៅ នេះក៏ព្រោះតែ តែក្រូចឆ្មារគឺមានវីតាមីនស៊ី ដែលមានប្រយោជន៍ជួយបង្កើតកូឡាជេនដល់ស្បែកជួយឱ្យស្បែកភ្លឺថ្លា ប្រឆាំងអុកស៊ីតកម្ម ជួយការពារការរលាករបស់ស្បែកផ្សេងៗ​។ អាស្រ័យហេតុនេះហើយអ្នកងាចសាកល្បងធ្វើតែក្រូចឆ្មារសម្រាប់ផឹកបានតែត្រូវចាំរឿងមួយកុំបន្ថែមស្កររហូតផ្អែម កាលណាផឹកតែក្រូចឆ្មារផ្អែមគឺលែងជួយហើយ។

២.តែខ្ញី៖ គឺមានអត្ថប្រយោជន៍ច្រើនណាស់សម្រាប់រាងកាយរបស់អ្នក តែខ្ញីគឺជួយប្រឆាំងអុកស៊ីតកម្មក្នុងរាងកាយ ជួយការពារការរលាកផ្សេងៗ ជួយដល់ប្រព័ន្ធរំលាយអាហារឱ្យដំណើរការបានល្អប្រសើរជាពិសេសគឺជួយដល់ស្បែករបស់អ្នកឱ្យមានសុខភាពល្អ។ អាស្រ័យហេតុនេះហើយអ្នកអាចធ្វើតែខ្ញីសម្រាប់ផឹកជាប្រចាំថ្ងៃបាន អាចផឹកពេលព្រឹករឹតតែជួយបណ្ដេញជាតិពុលអាក្រក់ៗបានល្អប្រសើរ ។

ក្រៅពីការផឹកភេសជ្ជៈជួយសុខភាព បណ្ដេញជាតិពុល ការហាត់ប្រាណក៏ជាជម្រើសសំខាន់១ដែលអ្នកហាមរំលង ព្រោះការហាត់ប្រាណបានត្រឹមត្រូវគឺជួយបណ្ដេញជាតិពុលចេញពីខ្លួនបានកាន់តែខ្លាំង តាមរយៈញើស និងជួយឱ្យស្បែករបស់អ្នកមានសុខភាពល្អភ្លឺថ្លា រួមទាំងសុខភាពទូទៅក៏ល្អដូចគ្នា៕

អត្ថបទដោយ៖ ប៉ែត ធីតា