ការគេងសង ដើម្បីជួយបំពេញពេលវេលាឱ្យរាងកាយបានសម្រាកគ្រប់ម៉ោងទៅតាមអ្នកជំនាញណែនាំ ឱ្យគេងក្នុង១ថ្ងៃចន្លោះពី ៧ទៅ៨ម៉ោង ត្រូវបានក្លាយជារឿងដែលគួរឱ្យព្រួយបារម្ភ និងបង្កើនហានិភ័យគ្រោះថ្នាក់ដល់សុខភាពខ្លាំង។ នេះ គឺដោយសារតែគេងសងមិនមានប្រយោជន៍អ្វីច្រើនជំនួយដល់វដ្តនៃការគេងជាប្រចាំរបស់យើងឡើយ។
ដោយផលប៉ះពាល់ទាំងនោះត្រូវបានគេរកឃើញមានដូចជា៖
១. មានបញ្ហាវដ្តដំណេក៖ ដោយការគេងនាក្នុងអំឡុងពេលតិច និងគេងបំពេញនៅពេលថ្ងៃបន្ថែមធ្វើឱ្យខួរក្បាលរបស់យើងមិនអាចបែងចែកដាច់ពីពេលវេលាដែលសមស្របក្នុងការសម្រាក ធ្វើឱ្យខួរក្បាលដំណើរច្រើនខុសប្រក្រតីដែលបង្កហានិភ័យប្រឈមនឹងបញ្ហាសុខភាពដូចទៅនឹងអ្នកដែលគេងតិចម៉ោងផងដែរ។
២. រាងកាយទ្រុឌទ្រោម៖ អ្នកមានបញ្ហាគេងសង ច្រើនតែមានបញ្ហាសុខភាពទ្រុឌទ្រោមលឿនខុសប្រក្រតីដូចទៅនឹងអ្នកដែលគេងមិនបានគ្រប់ម៉ោងប្រចាំថ្ងៃ រាងកាយចុះខ្សោយថាមពល កោសិកាចុះខ្សោយប្រឈមនឹងការរលាក ខួរក្បាលងាយនឹងបញ្ហាភ្លេច។