ក្រពះគឺជាសរីរាង្គសំខាន់បំផុត គ្រប់គ្រងបំបែករាល់អាហារទាំងអស់ដែលញុំាចូលទៅ សរីរាង្គមួយនេះ មនុស្សនាពេលបច្ចុប្បន្ន តែងកើតច្រើនបំផុត ជាការព្រួយបារម្ភមួយ ពីព្រោះថាបើក្រពះមានបញ្ហា សុខភាពជាច្រើនភ្នែកទៀតក៏ងាយនឹងកើតមកតាមក្រោយជាក់ជាពុំខាន ។ ដូច្នេះហើយ អ្នកគួរតែកុំទុកក្រពះឱ្យនៅឈឺ នៅរលាក នៅច្រាលជាតអាស៊ីតខ្លាំងទៅៗអី រកអាហារធម្មជាតិជួយសុខភាពមកញុំាដោះស្រាយបញ្ហាក្រពះចេញឱ្យអស់។

ខាងក្រោមនេះជាប្រភេទអាហារជំនួយជួយមុខងាររបស់សរីរាង្គក្រពះឡើងវិញ

១.ផ្លែល្ហុង៖ ផ្លែល្ហុងត្រូវបានគេទទួលស្គាល់់ថាល្អសម្រាប់សុខភាពរបស់ក្រពះពោះវៀន ញុំាហើយជួយបំបាត់អាការហើមពោះ ទល់លាមកជាដើម ក៏ព្រោះតែល្ហុងមានសារធាតុម្យ៉ាងឈ្មោះថា Papain ដែលជាប្រភេទអង់ស៊ីមជួយដល់ការរំលាយអាហារ ឬក៏ស្រូបយកសារធាតុចិញ្ចឹមចូលរាងកាយបានល្អ ។ ដូច្នេះប្រសិនណា អ្នកកំពុងមានបញ្ហាដូចខាងលើ អាចសាកល្បងញុំាផ្លែល្ហុងជាប្រចាំថ្ងៃបាន។ព្រោះថាក្រៅពីជំនួយក្រពះ ល្ហុងក៏ជំនួយដល់ ស្បែក សក់ ក្រចក ភ្នែក ជាដើមស្រីៗមិនគួររំលងមិនញុំានោះទេ។

២.ផ្លែចេកខ្ចី៖ សម្រាប់អ្នកមានបញ្ហារលាកក្រពះរុំារ៉ៃ​ ឬក៏រាករូសមិនងាយបាត់អាចសាកល្បងទទួលទានផ្លែចេកខ្ចីបាន ពីព្រោះថាការសិក្សាមួយបានរកឃើញថា អ្នកដែលរាកទទួលទានផ្លែចេកអាចជួយកាត់បន្ថយអាការ រាករហូតដល់៤ដង។ដូច្នេះប្រសិនណាអ្នកមានបញ្ហាឈឺក្រពះ រាករូសជាដើមកុំរំលងផ្លែចេកខ្ចីឬក័៏ចេកទុំក៏បាន។

៣.ផ្លែតាសក់៖ មែនទែនទៅផ្លែតាសក់ជួយសុខភាពបានច្រើនណាស់ដូចជាជំងឺលើសឈាម ជំងឺទឹកនោមផ្អែម ជំងឺធាត់ ជំងឺមហារីក ជំនួយភ្នែក ស្បែក ជាពិសេសផ្លែតាសក់ក៏ជំនួយដល់សុខភាពក្រពះដូចគ្នា។ នេះបើយោងតាមរយៈគេហទំព័រ ndtv បានបញ្ជាក់ឱ្យកាន់តែច្បាស់លាស់ថា ផ្លែតាសក់ ទឹកតាសក់គឺអាចជួយព្យាបាលនិងកាត់បន្ថយជំងឺដំបៅក្រពះបាន ជំងឺដំបៅក្រពះបានចេញជារោគសញ្ញាឱ្យដឹងដូចជា ហើមពោះ ភើរ ក្អួតចង្អោរជាដើម។ ផ្លែតាសក់អាចជួយបន្ធូរអាការទាំងនេះឱ្យបានធូរស្បើយជាងមុន។

មួយវិញទៀត គឺប្រភេទ ម្សៅចេកសុខភាព គឺជាប្រភេទម្សៅចេក​ ដែលផលិតចេញពីចេកណាំវ៉ាខ្ចី មើមរមៀត មើមខ្ញី ម្សៅចេកសុខភាពបានផ្តល់ផលប្រយោជន៍ជាច្រើនដល់សុខភាពអ្នកទទួលទាន មានដូចជា ផ្ដល់វីតាមីនស៊ី វីតាមីនបេ៦និងបេ១២ មានសារធាតុរ៉ែ និងសារធាតុចិញ្ចឹមច្រើនប្រភេទ ជាពិសេសមានជាតិកាកសរសៃល្អជួយសម្រួលដល់ប្រព័ន្ធរំលាយអាហារបានយ៉ាងល្អប្រសើរមានដូចជា៖

-ការពារការឆ្លងបាក់តេរីក្នុងពោះរៀន

-កាត់បន្ថយបញ្ហារលាកក្រពះ លើសជាតិអាស៊ីតក្នុងក្រពះ

-ជួយសម្រួលបញ្ហាដំបៅក្នុងក្រពះ ក្ដៅក្នុងទ្រូង

-ជួយឱ្យគេងលក់ស្កប់ស្កល់ (សម្បូរដោយម៉ាញេស្យូម ប៉ូតាស្យូម)

- ដោះស្រាយបញ្ហាពិបាកបន្ទោរបង់

គូសបញ្ជាក់ឱ្យដឹងផងដែរថា សុខភាពរបស់ក្រពះពោះវៀន មិនមែនជារឿងធម្មតានោះទេ តែជាបញ្ហាធំមួយ ដែលមនុស្សជាច្រើនកំពុងតែកើតជំងឺក្រពះរុំារ៉ៃ ដូច្នេះបើនៅឈឺតិចៗគួរតែរកការព្យាបាលកាត់បន្ថយឱ្យបានលឿនគឺជាការប្រសើរ៕

អត្ថបទដោយ៖ ប៉ែត ធីតា