វេជ្ជបណ្ឌិត Amy Goodson ជំនាញផ្នែកសើស្បែក បានបញ្ជាក់ថា មនុស្សមួយចំនួនធំបានចាត់ទុកភេសជ្ជៈជារឿងមិនសំខាន់ បានចាត់ទុកភេសជ្ជៈ គ្រាន់ជារបស់សម្រន់ ញ៉ាំតាមឃ្លាន ដោយមិនបានគិតពីផលប្រយោជន៍ ក៏ដូចជាផលប៉ះពាល់របស់ភេសជ្ជៈចំពោះរាងកាយនិងស្បែកនោះទេ។

យោងតាមការណែនាំពីគេហទំព័រ verywellfit បើចង់រក្សាសម្រស់ ស្បែកឱ្យនៅក្មេងបានយូរមិនចាស់តាមអាយុ គួរញ៉ាំប្រភេទភេសជ្ជៈលាងជាតិពុលពីរាងកាយខាងក្រោមនេះ ១ឬ២ដងក្នុង១ថ្ងៃ តាមពេលវេលានេះ៖

-ពេលភ្ញាក់ពីដំណេក៖ ទឹកក្តៅឧណ្ហៗ លាយជាមួយទឹកក្រូចឆ្មារស្រស់(សម្រាប់អ្នកដែលមានសុខភាពល្អមិនឈឺក្រពះ ពោះវៀន...)

- ម៉ោង ៨ ដល់ ៩ ព្រឹក៖ ទឹកបន្លែលាយផ្លែឈើទឹកបន្លែផ្លែឈើបៃតង (ប៉ោមខៀវ + សាឡាត់+ ស្ពៃ...)

- ម៉ោង ១០កន្លះ ដល់ ១១កន្លះ ព្រឹក៖ ទឹកផ្លែឈើក្រឡុក

- ម៉ោង ១ ដល់ ២ រសៀល៖ ទឹកផ្លែឈើស្រស់

- ម៉ោង ៣ ដល់ ៤ រសៀល៖ ទឹកបន្លែ ឬផ្លែឈើ ដូចជា ទឹកមើមយ៉េន ទឹកការ៉ុត ទឹកផ្លែប៉ោម...

- ម៉ោង ៥ ដល់ ៦ ល្ងាច៖ ទឹកផ្លែឈើស្រស់ ឬក្រឡុក

- ម៉ោង ៦ ដល់ ៨ យប់៖ ទឹកដោះស្រស់ ឬទឹកគ្រាប់ធញ្ញជាតិដូចជា ទឹកអាល់ម៉ុន ទឹកសណ្តែក ឬគ្រាប់ស្វាយចន្ទី...។

យ៉ាងណាមិញ ពេលវេលាទាំង៧ពេលខាងលើអ្នកអាចជ្រើសផឹកតាមពេលមួយណាក៏បាន ផឹកភេសជ្ជៈមួយណាក៏បាន ទៅតាមចំណង់ចំណូលចិត្តរបស់អ្នក។ អ្វីដែលសំខាន់គឺត្រូវព្យាយាមផឹកឱ្យបានរាល់ថ្ងៃ ដើម្បីលាងជាតិពុលពីរាងកាយ ហើយរក្សាសម្រស់របស់អ្នកឱ្យនៅក្មេងស្អាតផងដែរ៕

អត្ថបទដោយ៖ មឿន គន្ធា