រាយការណ៍ពីសិង្ហបូរី៖ ក្រុមហ៊ុន CapitaLand នៅពីថ្ងៃសុក្រនេះ បានជូនដំណឹងពីការគ្រោងដាក់ពង្រាយ

បច្ចេកវិទ្យាថ្មីបំផុតរបស់ខ្លួន គឺមនុស្សយន្តកំចាត់មេរោគស្វ័យប្រវត្តិដោយកាំរស្មីយូវី (autonomous UV

disinfection robots) និងប្រព័ន្ធកំចាត់មេរោគក្នុងខ្យល់ (air disinfection system) នៅខែក្រោយនៅតាម

ផ្សារទំនើបTampines និង Bukit Panjang ផ្លាហ្សារបស់ខ្លួនដើម្បីបង្កើនការសម្អាតនិងការសម្លាប់មេរោគ

សម្រាប់សុវត្ថិភាពនិងសុខភាពរបស់អតិថិជន។  

លើសពីនេះ ចាប់ពីខែមិថុនា CapitaLand នឹងបំពាក់ប្រព័ន្ធកំដៅខ្យល់ Photo Plasma ដែលជួយកំចាត់

ពពួកវីរុសនិងបាក់តេរីក្នុងខ្យល់ នៅគ្រប់ផ្សារទំនើបទាំងអស់របស់ខ្លួន។ មិនតែប៉ុណ្ណោះ ក្រុមហ៊ុននឹងបង្កើន

ការសំអាតទូទៅជាមួយថ្នាំសម្លាប់មេរោគអោយបានញឹកញាប់រាល់ ២ ទៅ ៣ ម៉ោងម្តងដូចជានៅក្នុងជណ្តើរ

ប្រអប់ ទ្វារ បង្គន់និងបង្គន់ និងបញ្ជរសេវាកម្មអតិថិជននានា។

 ពិសេសជាងនេះ គេនឹងបំពាក់ឧបករណ៍ស្កេនលេខកូដ QR ជណ្តើរយន្តដោយមិនចាំបាច់ចុចប៊ូតុង ព្រមទាំង

ចែកខែលការពារមុខដល់អ្នកជួរមុខទាំងអស់ដែលធ្វើការក្នុងផ្សារររួមមានចាប់ពីសប្តាហ៍ដំបូងនៃខែមិថុនា។

មួយក្បាច់នេះបានធ្វើអោយ CapitaLand បិទភាគហ៊ុននៅតម្លៃ ២,៨៩ ដុល្លារ កាលពីថ្ងៃព្រហស្បតិ៍គឺធ្លាក់ចុះ

០,០១ ដុល្លារឬ ០,៤ ភាគរយ ដែលជាការធ្លាក់ចុះក្នុងកម្រិតទាបមែនទែន បើធៀបនឹងក្រុមហ៊ុនផ្សេងៗក្នុង

ឧស្សាហកម្មដូចគ្នា៕

ប្រភព Bloomberg

ប្រែសម្រួលដោយ ហៃ សុចិន្តា