មិនខុសពីក្រុមហ៊ុនយក្សមួយចំនួនធំក្នុងឧស្សាហកម្មភាគច្រើនទូទាំងសកលលោកដូចជាអាកាសចរណ៍ ឧស្សាហកម្មធុនធ្ងន់ផលិតរថយន្ត គ្រឿងយន្តធំៗ រួមមាន Ford, Toyota និងក្រុមហ៊ុនធំៗដទៃទៀតនៅ

អាមេរិកដែលឈរជើងរយឆ្នាំដែលបានបង្ខំចិត្តបញ្ឈប់បុគ្គលិក ឫឈានរហូតដល់ប្រកាសក្ស័យធន់ ក្រុមហ៊ុន Nissan ផលិតរថយន្តរបស់ជប៉ុនបានប្រកាសកាត់បន្ថយផលិតកម្ម ២០ ភាគរយ និងបិទរោងចក្រនៅ

អេស្ប៉ាញ។

បន្ទាប់ពីការធ្លាក់ចុះយ៉ាងគំហុគនូវប្រតិបត្តិការប្រចាំឆ្នាំគិតត្រឹមខែមីនាជាលើកដំបូងក្នុងជាងមួយ

ទសវត្ស៍ចុងក្រោយចាប់តាំងពីឆ្នាំ ២០០៩ ដែលត្រឹមតែ ៤០.៥ ពាន់លានយ៉េន (៣៧៦ លានដុល្លារ) បើធៀបទៅនឹង ៣១៨ ពាន់លានយ៉េន (២,៩ ពាន់លានដុល្លារ) នៃប្រាក់ចំណេញពីប្រតិបត្តិការឆ្នាំមុន ជាហេតុដែលអាចនាំអោយមានការកាត់បន្ថយការងារប្រហែល ១២.៥០០ របស់ក្រុមហ៊ុននៅទូទាំងពិភព

លោក នេះបើតាមសេចក្តីជូនដំណឹងចុះផ្សាយដោយកាសែត CNN Business កាលពីថ្ងៃព្រហស្បតិ៍នេះ។  

សូមជម្រាបថា ក្រុមហ៊ុន Renault និង Nissan បានចុះសម្ព័ន្ធមិត្តជាមួយគ្នាយ៉ាងស៊ីជម្រៅដើម្បីអោយ

ក្រុមហ៊ុនអាចឈរជើងបានរស់ពីវិបត្តិ Covid-19។ ទោះយ៉ាងណា កាលរីករាលដាលនៃជំងឺឆ្លងនេះមិនមាន

ភាពច្បាស់លាស់ត្រង់ណា ដូច្នេះវាពិបាកក្នុងការព្យាករណ៍ពីទស្សនវិស័យសម្រាប់ឆ្នាំនេះ។

 ឆ្លើយតបនឹងបញ្ហាប្រឈមនេះ ក្រុមហ៊ុន Nissan (NSANF) ក្រុមហ៊ុន Renault (RNLSY) និងក្រុមហ៊ុន Mitsubishi (MBFJF) បានប្តេជ្ញាពួតដៃគ្នាពង្រឹងសម្ព័ន្ធភាពរបស់ពួកគេ ហើយក្រុមហ៊ុននឹងផលិត Model តិចជាងមុន ចែកទីតាំងផលិតកម្ម ផ្តោតលើភាពរឹងមាំខាងភូមិសាស្ត្រ និងបច្ចេកវិទ្យានៃក្រុមហ៊ុនផលិតរថយន្ត

នីមួយៗ ដើម្បីកាត់បន្ថយថ្លៃដើម និងរួចជីវិតពីជំងឺរាតត្បាតបាន។  

ដោយសារយុទ្ធសាស្ត្រនេះហើយបានជា Nissan កាត់បន្ថយចំណាយ ៣០០ ពាន់លានយ៉េន (២,៨ ពាន់លានដុល្លារ) Model ផលិតពី ៦៩ ទៅតិចជាង ៥៥ ចេញពីទីផ្សារកូរ៉េខាងត្បូង និងបិទរោងចក្រនៅ Barcelona នៃអេស្បាញ និងឥណ្ឌូនេស៊ី តែប្តេជ្ញាចិត្តទុកនៅអឺរ៉ុប និងទុកមួយគត់នៅអាស៊ីអាគ្នេយ៍ថៃ។ ធ្វើដូចនេះ Nissan អាចកាត់បន្ថយការងារប្រហែល ១២.៥០០ ដែលអាចឈានទៅកាត់បន្ថយចំណាយ ៥០ ភាគរយសម្រាប់ឆមាសទីមួយនៃឆ្នាំនេះ។ ជាលទ្ធផល ភាគហ៊ុនរបស់ Nissan ហក់ឡើងជាង ៨% នៅក្នុងទី

ក្រុងតូក្យូ កាលពីថ្ងៃព្រហស្បតិ៍ តែធ្លាក់ចុះ ២៩% សម្រាប់ឆ្នាំនេះ បើធៀបនឹងឆ្នាំមុន៕

ប្រភព CNN Business

ប្រែសម្រួលដោយ ហៃ សុចិន្តា