រូបភាព៖ THE STRAITS TIMES

"ស្វាគមន៍វត្តមានវ៉ាក់ស៊ាំងកូវីដ ១៩ ដែលយើងទាំងអស់គ្នាបានទន្ទឹងរង់ចាំ"_នាយករដ្ឋមន្រ្តី លោក Lee Hsien Loong

វ៉ាក់ស៊ាំងកូវីដ ១៩ ដំបូងរបស់ Pfizer និង BioNTech បានបញ្ជូនតាមពីយន្តហោះនៅថ្ងៃទី ២១ ធ្នូ តាមរយៈក្រុមហ៊ុនអាកាសចរណ៍សិង្ហបុរីមកដល់ដីសុង្ហបូរី ដែលធ្វើឱ្យសិង្ហបូរីក្លាយជាប្រទេសដំបូងបង្អស់នៅអាស៊ីដែលបានទទួលវ៉ាក់ស៊ាំងមុនគេ។ នេះបើយោងតាម Channel News Asia កាលពីដើមសប្តាហ៍នេះ។

តាមប្រភពដដែល វ៉ាក់ស៊ាំងត្រូវបានដឹកជញ្ជូនតាមជើងហោះហើរ SQ7979 តាមរយៈក្រុមហ៊ុនដឹកអ្នកដំណើរសិង្ហបុរីអ៊ែរឡាញ (SIA) ដែលបានចាកចេញកាលពីថ្ងៃអាទិត្យពីព្រុចស៊ែល ហើយបានចុះចតនៅព្រលានយន្តហោះសិង្ហបុរីចាងជី នៅម៉ោង ៧​:៣៦ ល្ងាចថ្ងៃច័ន្ទ ទទួលដោយរដ្ឋមន្រ្តីក្រសួងដឹកជញ្ជូន លោក Ong Ye Kung ហើយវ៉ាក់ស៊ាំងត្រូវបានបញ្ជូនទៅទុកដាក់នៅកន្លែងខ្សែសង្វាក់ត្រជាក់របស់ SAT ដើម្បីដឹកជញ្ជូនចែកចាយបន្ត។

ថ្លែងទៅកាន់អ្នកសារព័ត៌មាន លោក Ong បាននិយាយអំពី "ចេតនារបស់ប្រទេសសិង្ហបុរីក្នុងការក្លាយជាមជ្ឈមណ្ឌលប្រចាំតំបន់សម្រាប់ការដឹកជញ្ជូនវ៉ាក់សាំងកូវីដ ១៩ ហើយលោកសង្ឃឹមថាសិង្ហបុរីអាចដើរតួនាទីវិជ្ជមាននិងស្ថាបនាសម្រាប់តំបន់”។ លោក Ong បានបន្តទៀតថាក្រុមហ៊ុនដឹកទំនិញក្នុងស្រុកត្រូវបានបណ្តុះបណ្តាលឱ្យស្របតាមស្តង់ដារដែលបានកំណត់ដោយអង្គការសុខភាពពិភពលោក ដើម្បីដោះស្រាយការដឹកជញ្ជូនទំនិញដោយសុវត្ថិភាពដូចជាគ្រប់គ្រងវ៉ាក់ស៊ាំង ការគ្រប់គ្រងសីតុណ្ហភាព។

គួរបញ្ជាក់ថា នាយករដ្ឋមន្រ្តី លោក Lee Hsien Loong kal កាលពីថ្ងៃទី ១៤ ធ្ នូបានប្រកាសថាអាជ្ញាធរសិង្ហបុរីបានអនុម័តវ៉ាក់សាំង Pfizer-BioNTech សម្រាប់ការប្រើប្រាស់ដើម្បីទប់ស្កាត់ការរាតត្បាត ហើយការដឹកជញ្ជូនលើកដំបូងនឹងមកដល់នៅចុងខែធ្នូ។ លោកបានមានប្រសាសន៍ថា លោកមានសេចក្តីរីករាយដែលបានឃើញវ៉ាក់ស៊ាំងបានដឹកមកដល់សិង្ហបូរីលើកដំបូងដោយជោគជ័យ។

បង្ហោះតាមហ្វេសប៊ុក លោកនាយករដ្ឋមន្ត្រីបានថ្លែងអំណរគុណដល់ទីភ្នាក់ងារនិងបុគ្គលិកដឹកជញ្ជូន ក្រុមការងារពហុក្រសួងដែលគ្រប់គ្រងការផ្ទុះឡើងនៃជំងឺកូវីដ ១៩ នៅប្រទេសសិង្ហបុរី។ លោកបានមានប្រសាសន៍ថា "ខ្ញុំសង្ឃឹមថាព័ត៌មាននេះនឹងធ្វើឱ្យប្រជាជនសិង្ហបុរីរីករាយនឹងរដូវបុណ្យនេះនិងហេតុផលដើម្បីឱ្យមានសុទិដ្ឋិនិយមសម្រាប់ឆ្នាំ ២០២១"។ លោកបានបន្ថែមទៀតថា “ខ្ញុំនិងសហការីគណៈរដ្ឋមន្រ្តីរបស់លោកនឹងចាក់វ៉ាក់ស៊ាំងនេះឱ្យបានឆាប់ ដើម្បីបង្ហាញអ្នករាល់គ្នាថាពួកយើងជឿជាក់ថាវ៉ាក់ស៊ាំងទាំងនេះមានសុវត្ថិភាព”។

សូមជម្រាបថា សិង្ហបូរីបានចុះហត្ថលេខាលើកិច្ចព្រមព្រៀងទិញដោយកក់ជាមុនវ៉ាក់ស៊ាំងដែលមានសក្តានុពលផ្សេងទៀត រួមទាំងកិច្ចព្រមព្រៀងជាមួយ Moderna និង Sinovac ចំនួន ១ ពាន់លានដុល្លារសិង្ហបូរី (៧៤៦.១៦ លានដុល្លារអាមេរិក) នេះបើតាមការចុះផ្សាយរបស់ UK Reuters កាលពីថ្ងៃអង្គារការនេះ។

វ៉ាក់ស៊ាំងដែលបានមកដល់កាលពីថ្ងៃច័ន្ទបង្កើតដោយក្រុមហ៊ុនយក្សអាមេរិចឈ្មោះថា Pfizer និងក្រុមហ៊ុនអាល្លឺម៉ង់ BioNTech មានអត្រាប្រសិទ្ធភាព ៩៥ ភាគរយ។ ទោះជាយ៉ាងណា ស្ត្រីមានផ្ទៃពោះ អ្នកដែលមានប្រព័ន្ធភាពស៊ាំចុះខ្សោយ និងអ្នកដែលមានអាយុក្រោម ១៦ ឆ្នាំមិនគួរទទួលការចាក់វ៉ាក់ស៊ាំងនេះទេ ព្រោះទិន្នន័យសុវត្ថិភាព និងប្រសិទ្ធភាពលើក្រុមទាំងនេះមិនទាន់មានច្បាស់លាស់នៅឡើយ។ លើសពីនេះអាជ្ញាធរវិទ្យាសាស្ត្រសុខាភិបាល បាននិយាយថាអ្នកដែលមានប្រវត្តិប្រតិកម្មអាណាហ្វីឡាក់ទិច ឬមានប្រតិកម្មអាលែហ្សីធ្ងន់ធ្ងរមិនគួរទទួលវ៉ាក់ស៊ាំង Pfizer-BioNTech នោះទេ៕

ជាមួយគ្នានេះដែរ រដ្ឋមន្រ្តីក្រសួងអប់រំលោក Lawrence Wong បាននិយាយកាលពីថ្ងៃអង្គារថាសេចក្តីលម្អិតបន្ថែមនៃកិច្ចខិតខំប្រឹងប្រែងក្នុងការជំរុញប្រជាជនសិង្ហបុរីប្រឆាំងនឹងកូវីដ ១៩ រួមទាំងដំណាក់កាលផ្សេងៗគ្នានៃកម្មវិធីចាក់វ៉ាក់ស៊ាំង និងអ្នកទទួលបានវ៉ាក់ស៊ាំងមុនគេនឹងសម្រេចនៅដើមខែមករា។

លោក Wong ដែលផងដែរជាសហប្រធានក្រុមការងារចម្រុះក្រសួងទទួលបន្ទុកកូវីដ ១៩ បន្ថែមថា ព័ត៌មានលម្អិតពិតប្រាកដស្តីពីការចាក់វ៉ាក់ស៊ាំងនឹងអាស្រ័យលើទាំងកាលវិភាគផ្គត់ផ្គង់ និងពេលចែកចាយ ហើយនៅពេលវ៉ាក់ស៊ាំងផ្សេងទៀតទទួលបានការអនុញ្ញាតឱ្យប្រើនៅសិង្ហបូរី។

គួរបញ្ជាក់ផងដែរ ការផ្តល់ជូនវ៉ាក់ស៊ាំងដល់ប្រជាជនសិង្ហបុរីក៏នឹងត្រូវធ្វើឡើងក្នុងរយៈពេលច្រើនខែ ហើយប្រសិនបើទាំងអស់គ្រោងធ្វើផែនការ ប្រទេសសិង្ហបុរីនឹងមានវ៉ាក់ស៊ាំងគ្រប់គ្រាន់ដើម្បីចាក់ថ្នាំបង្ការដល់ប្រជាជនគ្រប់គ្នា នៅត្រឹមត្រីមាសទី ៣ ឆ្នាំ ២០២១។ ប៉ុន្តែប្រសិនបើមានកត្តាផ្សេងទៀតកើតឡើង កម្មវិធីចាក់វ៉ាក់ស៊ាំងអាចត្រូវរុញទៅចុងឆ្នាំ ២០២១ យូរជាងនេះ ឬអាចបាមុននេះ ប្រសិនបើវ៉ាក់ស៊ាំងនឹងបញ្ជូនមកដល់មុនពេលកំណត់ ហយបុគ្គលិកជួរមុខសុខាភិបាលនឹងទទួលបានការចាក់វ៉ាក់ស៊ាំងមុនគេ។ នេះបើយោងតាម THE STRAITS TIMES នាថ្ងៃអង្គារនេះ៕

ដោយ ហៃ សុចិន្តា

ប្រភព Channel News Asia & Reuters UK & THE STRAITS TIMES