ការពិតទម្លាប់មួយដែលមនុស្សធ្វើជាប្រចាំាំថ្ងៃ ពុំសូវជាចាប់អារម្មណ៍ខ្លាំង ​គឺទម្លាប់ពេលព្រឹកនេះឯង។ មានអ្នកចិត្តសាស្រ្តមួយចំនួនបានកំណត់ថា ទម្លាប់ព្រឹកជាអ្នកកំណត់វាសនាអារម្មណ៍របស់អ្នកពេញមួយថ្ងៃ។ សូម្បីតែលោកតា ចាន់ សេរី ក៏បានរឿងខ្លីមួយថា មានគ្រួសារមួយ ពេលប្តីភ្ញាក់ពីដេកចុះមកហូបអាហារ សម្រាប់តែកូនលេងទៅនាំធ្លាប់កែវកាហ្វេ ក៏ស្តីថាឱ្យប្រពន្ធ ពេលឡើកជិះឡាន ក៏ស្តីថាឱ្យការកុងឡានទៀត ហើយមកដល់កន្លែងក៏ស្តីថាឱ្យបុគ្គលិក។ ពេលត្រឡប់មកវិញ ប្រពន្ធកូនចូលក្នុងបន្ទប់គ្មានអាហារពេលល្ងាចហូបជុំគ្នាដូចលើកមុនទៀត ទើបគាត់ដឹងខ្លួនថា អារម្មណ៍ខឹងពេលព្រឹកនេះ ធ្វើឱ្យគាត់អត់សប្បាយចិត្តពេញមួយថ្ងៃ។ ទម្លាប់ទាំង ៤នេះក៏ធ្វើឱ្យចិត្តអ្នកស្រ្តេសណាស់។

១. កុំប្រើទូរសព្ទពេលព្រឹក៖ ពេលព្រឹកឡើងអ្នកមិនទាន់ក្រោកពីគេងផង សម្រាប់តែលេងទូរស័ព្ទ វាធ្វើឱ្យប្រព័ន្ធសរសៃរប្រសាទ និងបញ្ចេញអរអ៉ូនលឿនពេក ពេលអ្នកអូសទូរស័ព្ទលឿន។ បញ្ហាស្រ្តេសនេះ ធ្វើឱ្យ IQ របស់ខួរក្បាលយើងឆាប់ធ្លាក់លឿនដែរ។ នេះសបញ្ជាក់ឱ្យឃើញថា បណ្តាញសង្គមជាមូលហេតុចម្បងដែលយើងប្រើទូរស័ព្ទពេលភ្ញាក់ពីគេងភ្លាមទៅមានអារម្មណ៍ស្រ្តេស និងស្មុកស្មាញផ្លូវចិត្ត។ យើងគួរតែចៀសវាងការចូលមើលបណ្តាញសង្គមពេលព្រឹក ហើយងាកមកធ្វើអ្វីផ្សេងដែលធ្វើឲ្យយើងមានអារម្មណ៍ស្រស់ស្រាយមានដូចជា ការស្តាប់បទភ្លេង ចំណាយពេលវេលាជាមួយគ្រួសារ និងមនុស្សជាទីស្រលាញ់ ឬអាចចម្អិនអាហារពេលព្រឹកជាដើម។

២. ខ្ជិលរៀបចំគ្រែ៖ មានវីឌីអូមួយលើបណ្តាញសង្គម ​Facebooks មានបុរសម្នាក់ កាលពីមុនដេកស្ពឹកណាស់ ទម្លាប់បែបនេះ ធ្វើឱ្យជីវិតអាប់រាសីធ្លាក់ចុះ និងខួរក្បាលគិតអ្វីក៏យឺតជាងគេដែរ។ មនុស្សខ្ជិលច្រអូស IQក៏អន់ដែរ។ រួចបុរសម្នាក់ក៏៏ចាប់សម្រេចចិត្តផ្លាស់ប្តូរទម្លាប់អាក្រក់នេះចេញ គឺចាប់ផ្តើមក្រោកពីគេងឱ្យបានលឿន ដើម្បីរៀបចំគ្រែគេង រួចបន្តទៅហាត់ប្រាណ អានសៀវភៅ និងផឹកកាហ្វេជាដើម។ ពេលអ្នករៀបចំគ្រែភ្លាមៗក្រោយពីក្រោកពីដំណេក ជួយដាស់ស្មារតីឱ្យផ្លូវចិត្តស្រឡះបានល្អ អ្នកមានអារម្មណ៍បែបណា? អារម្មណ៍ល្អ ខួរក្បាលគិតក៏បានល្អដែរ។

៣. ទម្លាប់ខ្ជិលងូតទឹកពេល​ព្រឹក៖ អ្នកខ្ជិលងូតទឹកពេលព្រឹកអាចស្អុយខ្លួន និងអារម្មណ៍ខ្ចិលៗ អត់ស្រឡះក្នុងខ្លួនទេ។ តាមវេជ្ជបណ្ឌិតមកមកពីសាកលវិទ្យាល័យ Harvard បាននិយាយថា​ ការងូតទឹកពេលព្រឹកអាចជួយឲ្យខួរក្បាលរបស់យើងសកម្ម​ និងកុំឱ្យយប៉ះពាល់ដល់កត្តាផ្សេងៗ ជាពិសេសអាចជួយក្នុងការរកដំណោះស្រាយទៅលើបញ្ហាអ្វីមួយបានលឿន។ ដូចនេះ អ្នកមិនគួររំលងការងូតទឹកពេលព្រឹកនេះទេ។

៤. មិនពិសារទឹកក្តៅ៖ ការមិនពិសារទឹកក្តៅ ឬទឹកធម្មតាមួយកែង អាចធ្វើឱ្យអ្នកលើសគីឡូ និងប៉ះពាល់អារម្មណ៍អ្នកផងដែរ។ ពេលអ្នកពិសារទឹកក្តៅ ជាទម្លាប់ពេលព្រឹក អ្នកច្បាស់ជាមានអារម្មណ៍ស្រាលខ្លួន និងសម្រកជាតិខ្លាញ់។ ហើយបើអ្នកបន្ថែមក្រូចឆ្មារមួយចំណិតជាមួយទឹកក្តៅ វាធ្វើឱ្យ ប្រព័ន្ធរំលាយអាហារចាប់ផ្តើមដំណើរការល្អជាងមុន។ ដូច្នេះការមិនទទួលទានទឹកក្តៅឧណ្ហៗរាល់ព្រឹក នឹងធ្វើឱ្យអ្នកពិបាកសម្រកគីឡូ ហើយអារម្មណ៍មានភាពស្មុគស្មាញផងដែរ។ ទឹកមួយកែងពេលព្រឹកមានឥទ្ធិពលដល់សុខភាព និងខួរក្បាលរបស់អ្នកដែរ៕ អត្ថបទដោយ៖ ទ្រ សុភាព