១. នៅពេលព្រឹកហូបចៀនស៊ុតជាមួយប្រេងអូលីវធម្មជាតិហើយលាយនឹងគ្រាប់ល្ងតិចៗ ជួយឱ្យអ្នកមិនឡើងគីឡូហើយមានប្រសិទ្ធភាពដុតជាតិខ្លាញ់បានលឿន។ អ្នកយកស៊ុតចៀននេះហូបជាមួយនំបុ័ង ជាមួយសាឡាត់ និងផ្លែប៉េងប៉ោះនៅពេលព្រឹកវាពិតជាមានគុណភាពដល់ការសម្រកគីឡូ។ តាមគេហទំព័រ Eatthis បានចុះផ្សាយថា អ្នកអាចស្ងោរស៊ុត២គ្រាប់ញ៉ាំនៅពេលព្រឹក ឬចៀនជាមួយបន្លែផ្សេងៗដើម្បីកុំឱ្យមានអារម្មណ៍ថាត្រលាន់ ប៉ុន្តែកុំបន្ថែមជាតិស្ករច្រើន ឬអត់ដាក់ស្ករកាន់តែល្អ ការញ៉ាំស៊ុតបែបនេះដុតជាតិខ្លាញ់ឱ្យមានអ្នករាងស្លីម។

២. ការហូបត្រីធូណាជាមួយសាឡាត់ ប៉េងប៉ោះ ត្រសក់ និងបន្លែផ្សេងៗ នៅពេលព្រឹក នាំឱ្យអ្នកមានអារម្មណ៍ល្អហើយឆាប់ស្រកគីឡូបានឆាប់។ ព្រោះការហូបត្រីធូណា ៨៥ក្រាម វាមានផ្ទុកជាតិប្រូតេអ៊ីន ២៦ក្រាម ព្រោះវាសម្បូរជាតិប្រូតេអ៊ីនជំនួយឱ្យអាហារមានជាតិខ្លាញ់ច្រើនជាជំរើសដ៏ល្អក្នុងការរក្សាគីឡូនិងកាត់ជាតិខ្លាញ់។ ត្រីនេះមានជាតិប៉ូតាស្យូមខ្ពស់ និងសូដ្យូមទាបដើម្បីគ្រប់គ្រងសម្ពាធឈាមបានល្អ។

៣. កាហ្វេជួយកាត់បន្ថយចំណង់ចំណីអាហារជួយឱ្យអ្នកស្រកគីឡូ។ កាហ្វេជាភេសជ្ជៈពេញនិយមមួយដែលមានមនុស្សស្ទើរគ្រប់គ្នាផឹកនៅពេលព្រឹកទៅហើយ! ការផឹកកាហ្វេមួយកែវឬពីរកែវជាប្រចាំថ្ងៃនោះ អត់ដាក់ស្ករឬដាក់៣០ទៅ១០% ជួយអ្នកចៀសវាងនូវជំងឺទឹកនោមផ្អែម និងការធាត់។ ការថែមស្ករច្រើននៅក្នុងកាហ្វេធ្វើឱ្យបណ្ដាលឱ្យជាតិស្ករនៅក្នុងខ្លួនរបស់អ្នកកើនឡើងជាហេតុនាំឱ្យធាត់លើសគីឡូបែបហ្នឹងឯង។

៤. ការហូបពោតស្ងោរពេលព្រឹកល្អទាំងអារម្មណ៍ ល្អទាំងស្រកគីឡូ។ ការហូបពោតស្ងោរនាពេលព្រឹកក៏ល្អសម្រាប់អ្នកចង់សម្រកគីឡូដូចគ្នា ជាពិសេសជួយឱ្យឆ្អែតបានយូរ។ អ្វីដែលល្អ ក្នុងពោតស្ងោរគឺសម្បូរដោយជាតិសរសៃ ល្អសម្រាប់ក្រពះពោះវៀនដែលអ្នកគួរញុំាមិនរំលងសោះឡើយ។

៥. ទឹក៖ អ្នកមិនគួររំលងឡើយការទទួលទានទឹកនៅពេលព្រឹក។ អ្នកជំនាញចំណីអាហារនិងអាហាររូបត្ថម្ភ អ្នកស្រី Courtney D'Angelo, MS, RD បានឱ្យដឹងថា ការផឹកទឹក១កែវពេលព្រឹកក្រោកពីគេង ជួយឱ្យមានជាតិទឹកក្នុងខ្លួន មានថាមពល រាងកាយដំណើរការបានល្អ។ ទឹកជួយកាត់ជាតិស្ករ និងកាឡូរី កាត់បន្ថយចំណង់នៃការញ៉ាំច្រើនដើម្បីសម្រួលការរំលាយអាហារបានល្អផងដែរ។ ហេតុនេះទឹកជាអាហារទី១ដែលល្អបំផុត មិនគួររំលងឡើងពេលក្រោកពីគេងនោះទេ៕ អត្ថបទដោយ៖ ទ្រ សុភាព