មានបញ្ហាធំមួយជាចំណោទបញ្ហាថា តើការសម្រេចកាមញឹកញាប់ដោយខ្លួនឯងអាចបំផ្លាញតម្រងនោមឬក្រលៀនដែរទេ? ជាពិសេសបុរសៗ បើមានខូចក្រលៀន ហើយខ្សោយផ្លូវភេទជារឿងពិបាកណាស់ក្នុងផ្លូវអារម្មណ៍និងគ្រួសារ។ បើយោងតាមគេហទំព័រសុខភាព Vnexpress បានចុះផ្សាយថា តម្រងនោមជាប្រព័ន្ធទឹកនោម វាមានតួនាទីបញ្ចេញទឹកនោម វាមិនពាក់ព័ន្ធនឹងដំណើរការក្នុងការបញ្ចេញទឹកកាមរបស់បុរសទេ។ ដូច្នេះហើយ ការសម្រេចកាមដោយខ្លួនឯងមិនប៉ះពាល់ដល់តម្រងនោមនោះទេ។

ប៉ុន្តែការសម្រេចកាមដោយខ្លួនឯងច្រើនដងពេក វាអាចធ្វើឱ្យអ្នកប៉ះពាល់ដល់សុខភាពរាងកាយ សុខភាពផ្លូវចិត្ត ប្រដាប់បន្តពូជឈឺចាប់ មានការថយចុះគុណភាពការរួមភេទ និងបរិមាណមេជីវិតឈ្មោលធ្លាក់ចុះខ្សោយ មានអារម្មណ៍ភ័យខ្លាចក្នុងការរួមភេទ និងការលំបាកក្នុងការរួមភេទជាមួយដៃគូថែមទៀត។

បើអ្នកចង់ឱ្យផ្លូវភេទនិងតម្រងនោមមានសុខភាពមាំ អ្នកត្រូវតែជៀសវាងពីគ្រឿងស្រវឹង កុំរួមភេទពេលស្រវឹង។ ហើយដាច់ខាតអ្នកមិនត្រូវទិញ និងប្រើប្រាស់ថ្នាំបំប៉នផ្លូវភេទដោយគ្មានការទទួលស្គាល់ ឬប្រើលើសកម្រិតនោះទេ។ បើអ្នកញៀនសម្រេចកាមដោយខ្លួនឯង វាអាចបង្កប៉ះពាល់ដល់គុណភាពមេជីវិតរបស់អ្នក អ្នកត្រូវទៅជួបគ្រូពេទ្យដើម្បីកំណត់ពីមូលហេតុ ហើយធ្វើការព្យាបាលពីបញ្ហានេះ៕ អត្ថបទដោយ៖ ទ្រ សុភាព

សៀវភៅ លំហូរចិត្ត មួយក្បាលជាទីប្រឹក្សាផ្លូវចិត្តបានល្អបំផុត អ្នកចង់ទិញតាមនេះ👉 https://t.me/BusinessCambodiaBook